Kontent qismiga oʻtish

Aleksandr Shadrin

ZiyoSfera, erkin ensiklopediya
Aleksandr Shadrin
Shaxsiy maʼlumot
Toʻliq ismi Aleksandr Vyacheslavovich Shadrin
Tavallud sanasi 4-sentyabr 1988-yil
Tavallud joyi Boʻka tumani, Oʻzbekiston SSR SSSR
Vafot sanasi 21-iyun 2014-yil(2014-06-21)
(25 yoshda)
Vafot joyi Toshkent, Oʻzbekiston
Boʻyi 1.82 m
Ampluasi Hujumchi
Yoshligida aʼzo boʻlgan klublar
Mashʼal
Professional faoliyati*
Yillar Jamoa Isht. (Gol.)
2010—2011 Mashʼal 19 (1)
2011 Navbahor Namangan 19 (4)
2012—2014 Lokomotiv Toshkent 37 (7)
Milliy terma jamoa‡
2011—2014 Oʻzbekiston 4 (1)
*Professional klublardagi gollari (ichki chempionat)
(2014-yil 23-iyun uchun)
‡ Milliy terma jamoadagi gollari (2014-yil 23-iyun uchun)

Aleksandr Vyacheslavovich Shadrin (1988-yil 4-sentyabr, Boʻka tumani, Oʻzbekiston SSR, SSSR – 2014 -yil 21-iyun, Toshkent, Oʻzbekiston) – rus millatiga mansub oʻzbek futbolchisi. Toshkentning „Lokomotiv“ klubi va futbol boʻyicha Oʻzbekiston milliy terma jamoasining sobiq hujumchisi.

Faoliyati

Aleksandr Shadrin professional faoliyatini 2006-yilda „Mash’al“ jamoasi tarkibida boshlagan. Shadrin „Gazchilar“ jamoasi tarkibida oraliqda uch mavsum oʻynagan va shu vaqt ichida u 34 ta oʻyinda maydonga tushib, 6 ta gol urgan[1]. 2011-yilning bahorida u Namanganning „Navbahor“ klubiga oʻtgan va mavsum davomida oʻn toʻqqizta oʻyinda maydonga tushib, toʻrtta gol urgan[2]. Shadrinning „Navbahor“dagi oʻyini chogʻida Oʻzbekiston milliy terma jamoasi murabbiylari, xususan, Vadim Abramov eʼtiborini unga qaratgan.

2012-yil boshida Aleksandr Shadrin Toshkentning „Lokomotiv“ klubi bilan shartnoma imzolagan. Bu uning faoliyatidagi soʻnggi klubi boʻlgan. „Lokomotiv“ tarkibida u ikki yarim mavsumda oʻttiz yettita oʻyinda maydonga tushib, yettita gol urgan.

Terma jamoadagi faoliyati

2011-yil 1-iyun kuni Aleksandr Shadrin futbol boʻyicha Oʻzbekiston milliy terma jamoasi safida Ukrainaga qarshi oʻyinda debyut qilgan[3]. 2012-yilning 29-fevral kuni terma jamoadagi soʻnggi oʻyinida 2014-yilgi Jahon chempionati saralash bahsida Yaponiya terma jamoasi darvozasiga birinchi va soʻnggi golini kiritib, Oʻzbekiston terma jamoasiga Yaponiya termasi ustidan muhim gʻalabani olib kelgan. Umuman olganda, Aleksandr Shadrin terma jamoa safida toʻrtta oʻyin oʻtkazib, bitta gol urgan.

Xalqaro maydondagi gollari

№ Sana Joy Raqib Natija Hisob Musobaqa
1 2012-02-29 Toyota stadioni Yaponiya  Yaponiya 0-1 0-1 2014 FIFA jahon chempionati saralashi

Oʻlim

2014-yil 21-iyundan 22-iyunga oʻtar kechasi Aleksandr Shadrin Toshkentdagi klinikalardan birida vafot etgan[4]. Maʼlumotlarga koʻra, oʻlimga oshqozon yarasi yoki pankreatit sabab boʻlgan[5][6][7][8].

Yutuqlar

  • 2Kumush medal sovrindori Oʻzbekiston chempionati kumush medal sohibi: 2013-yil

Manbalar

  1. ↑ „Uzbekistan - A. Shadrin - Profile with news, career statistics and history - Soccerway“.
  2. ↑ „Aleksandr Shadrin“.[sayt ishlamaydi]
  3. ↑ Aleksandr Shadrin National-Football-Teams.com saytida
  4. ↑ „Ушел из жизни Александр Шадрин - SPORTS.uz“. 2015-yil 16-fevralda asl nusxadan arxivlangan. Qaraldi: 2015-yil 30-yanvar.
  5. ↑ „Novosti Uzbekistana — Umer igrok „Lokomotiva“ Aleksandr Shadrin“. 2015-yil 16-fevralda asl nusxadan arxivlangan. Qaraldi: 2022-yil 18-iyul.
  6. ↑ „Скончался нападающий сборной Узбекистана и столичного Локомотива Александр Шадрин — Новости Зарубежного футбола — Футбол — Спорт Mail.Ru“. 2015-yil 16-fevralda asl nusxadan arxivlangan. Qaraldi: 2015-yil 30-yanvar.
  7. ↑ „ru:Умер игрок «Локомотива» Александр Шадрин“ (Russian). /ww.uzdaily.uz. uzdaily. Qaraldi: 2014-yil 23-iyun.[sayt ishlamaydi]
  8. ↑ „arxiv nusxasi“ (Russian). sport.kg. sport.kg. 2018-yil 26-dekabrda asl nusxadan arxivlangan. Qaraldi: 2014-yil 23-iyun.

Havolalar

"https://ziyosfera.uz/index.php?title=Aleksandr_Shadrin&oldid=276306" dan olindi