Al-Shuaybiya masjidi

Al-Shuaybiya masjidi
	Masjid
	Al-Shuaybiya masjidi; جَامِع الشُّعَيْبِيَّة
Mamlakat	Suriya
Hudud	Levant
Shahar	Halab
Koordinatalar	36°11′58″N 37°09′10″E / 36.199331°N 37.152738°E
	Asosiy sana:; 637-yil
Gumbazlar soni	1
Gumbazlar soni	1
Minoralar soni	1
Minoralar soni	1
Qurilish materiali	tosh

Al-Shuaybiya masjidi (arabcha: جَامِع الشُّعَيْبِيَّة‎‎) al-Omariy nomi bilan ham tanilgan (arabcha: الْجَامِع الْعُمَرِي‎‎), at-Tuteh (arabcha: جَامِع التُّوتَة‎‎) va al-Atras masjidi (arabcha: جَامِع الْأَتْرَاس‎‎), Suriyaning Halab shahridagi eng qadimgi masjiddir. 637-yilda qurilgan bu inshoot Levantdagi eng qadimiy masjidlardan biridir. U qadimiy Halab shahrining gʻarbiy qismida, shaharning tarixiy devorlari orasida, Antioxiya darvozasi yaqinida joylashgan^[1].

Tarixi

637-yilda Abu Ubayda ibn al-Jarrah boshchiligida Halab arablar qoʻliga oʻtgandan soʻng Antioxiya darvozasi yaqinida Al-Shuaybiya masjidi qurilgan. U bir paytlar dekumanusning boshlanishini belgilagan qadimgi Rim zafar arkini oʻz ichiga olgan.

Taʼmirlanishi

Masjid 10-asrda shialardan boʻlgan Abu Hasan al-Gʻadairiy tomonidan taʼmirlangan^[1]. 1150-yillarda zangiy hukmdori Nuriddin uni qayta taʼmirlab, shia masjididan Shayx Shuayb uchun Shofiʼiy madrasasiga aylantirgan^[1]. U 12-asrga oid koʻplab kufiy yozuvlaribilan bezatilgan fasadi bilan mashhur^[1]. Toʻrtburchak shaklidagi qisqa minora islom meʼmorchiligi tarixidagi eng qadimgi dizaynlarni aks ettiradi. Masjid 1401-yilda yana taʼmirlangan.

Zamonaviy davrda masjid 1980 va 1990-yillarda taʼmirlangan^[2].

Manbalar

↑ ^1,0 ^1,1 ^1,2 ^1,3 Raby 2004.
↑ Alkeltawia:Al-Shuaibiyah Mosque^{[sayt ishlamaydi]}

Adabiyotlar

Raby, Julian (2004). "Nur Al-Din, the Qstal al-Shu-aybiyya, and the "Classical Revival"". Muqarnas: Essays in Honor of J.M. Rogers (Brill) 21.

Havolalar