Al-Fargʻoniy mahallasi
Al-Fargʻoniy mahallasi (Yoʻldosh-6 mavzesi) – Toshkent shahar Yangihayot tumanidagi mahalla. Tumanning Fayzli, Yoʻldosh, Viqor, Sergeli tumanining Nilufar, Ittifoq mahallalari bilan chegaradosh. 1966-yil tashkil topgan. Shu yildan Yoʻldosh nomi bilan atalgan. 1998-yil Yoʻldosh mahallasi hududi ikkiga boʻlinib, „Al-Fargʻoniy“ mahallasi tashkil etilgan. Aholisi 8 150 kishidan iborat boʻlib, ruslar koʻpchilikni tashkil etadi. Mahalla 1966-yildagi zilziladan soʻng qurilganligi sababli uning hududidagi uylar rossiyalik quruvchilar uchun berilgan. Mahalla hududida tuman boʻlimlari, kasalxona, 2 ta maktab, kasb-hunar kolleji mavjud[1].
2020-yilgacha Sergeli tumani tarkibida boʻlgan. 2020-yil 9-iyulda qabul qilingan Xalq deputatlari Sergeli tumani kengashining 66/2-10-sonli qarori bilan Al-Fargʻoniy mahallasi Yangihayot tumaniga oʻtkazilgan[2][3].
Manbalar
- ↑ Toshkent. Ensiklopediya, 2009-yil.
- ↑ „“Сергели тумани ҳудудидаги 13 та маҳалла фуқаролар йиғинлари ҳудудларини тўлиқ ҳамда 6 та маҳалла фуқаролар йиғинлари ҳудудининг бир қисмини янги ташкил этилаётган Янги ҳаёт тумани таркибига ўтказиш ҳақида” ги Халқ депутатлари Сергели тумани кенгашининг 66/2-10-сонли Қарори“. lex.uz. Oʻzbekiston Respublikasi Adliya vazirligi (2020-yil 9-iyul). Qaraldi: 18-iyun 2025-yil.
- ↑ „Sergeli tumanidagi qator mahallalar Yangihayot tumani tarkibiga o‘tkaziladi“. Kun.uz. Web Expert (2020-yil 23-iyun). Qaraldi: 18-iyun 2025-yil.