Akmal Nuriddinov

Nuriddinov Akmal Voxobjonovich

Nuriddinov Akmal Vahobovich – Oʻzbekiston Badiiy akademiyasi raisi, rangtasvir ustasi. 1959-yil 27-fevralda Namangan viloyati, Namangan shahrida tugʻilgan. Maʼlumoti oliy.

Oʻzbekiston Badiiyot akadimyasi akademigi (1997), Oʻzbekiston xalq rassomi (2003), Davlat mukofoti laureati (2001), Fidokorona xizmatlari uchun ordeni soxibi (2019). Yaponiya imperatorining Chiqayotgan quyosh ordeni, Oltin nurli boʻyin tasmasi ordeni bilan taqdirlangan (2024).

Mehnat faoliyati

• 1974 – 1978 yillarda P.Benkov nomli Respublika rassomlik bilim yurti talabasi.
• 1984 – yilda Toshkent teatr va rassomlik institutini tamomlagan.
• 1984 – 1989 yillarda Badiiy akademiya ijodiy ustaxonasi rassomi.
• 1985 – 1986 yillarda harbiy xizmatni oʻtagan.
• 1989 – 2002-yillar – Oʻzbekiston Badiiy ijodkorlar uyushmasi aʼzosi, rangtasvirchi rassom.
• 2002 – 2004 yillarda Oʻzbekiston Milliy banki galereyasi direktori lavozimida faoliyat yuritgan.
• 2004 – 2012 yillarda Oʻzbekiston Badiiy ijodkorlar uyushmasi aʼzosi, rangtasvirchi rassom
• 2012-yildan hozirgi vaqtga qadar Kamoliddin Behzod nomidagi Milliy rassomlik va dizayn instituti professori (oʻrindoshlik asosida).
• 2012-yildan beri Oʻzbekiston Badiiy akademiyasi raisi lavozimida faoliyat yuritadi.

Ijodi

Akmal Nuriddinovr lirik-romantik va falsafiy-tahliliy uslubda taʼsirchan kartinalar yaratgan mamlakatimizning yetakchi rassomlaridan biridir. 1990-yillardan boshlab sevgi mavzusi Akmal Nuriddinov ijodida asosiy mavzuga aylandi. Bu vaqtda uning uslubida oʻzgarishlar yuz bera boshladi. 1980-yillarning oxiridagi maʼyus rasmlarning estetikasi oʻz oʻrnini lirik ohangdagi rasmlarga beradi. Sharq klassiklari ham, zamonaviy oʻzbek adiblarining lirikasi ham uning asarlaridagi goʻzal plastiklik bilan birga keladi. Ularning intonatsion spektrida baxtiyorlik kayfiyati va javobsiz sevgi hamda ajralish haqidagi anʼanaviy „nola“ birga yashaydi. Rassom Sharq sheʼriyati va xalq ogʻzaki ijodining turli ramziy va allegorik obrazlaridan foydalanadi – bular anor va olma mevalari, oy yoki yarimoy, daryo, baliq, qayiq va hokazo.

Akmal Nur ijodida ez-gulik va yovuzlik, yorugʻlik va zulmat toʻqnashuvi va bunda ezgulik va yorugʻlikning tantanasi, maʼnaviy qadri-yatlar tarannum etiladi, mustaqillik olib kelgan oʻzgarishlar, muhabbat, oilaviy baxt-saodat, insof va diyonat oʻz aksini topdi.

Asarlari:

"Hayot boshlanmoqda" uchligi, „Umid bulogʻi“, „Ajdodlar nazari“ (1987); „Kushan qishlogʻi“, „Tong“, „Kushan afsonasi“ (1988); „Oila“ (1990); „Darvish“, „Shahar taqdiri“, „Tun va kun“, „Unutilgan qadriyatlar“, „Shirin tush“ (1992); „Tojmahal“, „Muhabbat bogʻi“ (1993); „Ishq olmasi“, „Tun va kun. Zulmat va Ziyo“ (1995); „Jayxun“, „Fikr parvozi“ (1996); „Tavhid“ (1997); „Rishton natyurmorti“, „Ilhom pariyey“ (1998); „Muhabbat vodiysi“, „Armon“ (2000); „Oy ustidagi pari“ (2001); „Jannat uchligi“, „Ona“ (2003) va boshqa

Koʻrgazmalari

Yil	Nomi	Shahar	Davlat
1987	Butunittifoq badiiy koʻrgazmasi	Moskva	Rossiya
1988	SSSR Badiiy akademiyasining koʻrgazmasi	Toshkent	Oʻzbekiston
1988	SSSR Badiiy akademiyasining koʻrgazmasi	Leningrad	Rossiya
1988	"23 lar uyushmasi" koʻrgazmasi	Toshkent	Oʻzbekiston
1989	"23 lar uyushmasi" koʻrgazmasi	Toshkent	Oʻzbekiston
1989	"23 lar uyushmasi" koʻrgazmasi	Samarqand	Oʻzbekiston
1989	Xalqaro koʻrgazma	Skople	Yugoslaviya
1990	Shaxsiy koʻrgazma	Toshkent	Oʻzbekiston
1990	Oʻzbekiston rassomlarining guruh koʻrgazmasi,Devidson galereyasi	Sietl	AQSH
1991	shaxsiy koʻrgazma	Rabat	Marokash
1991	shaxsiy koʻrgazma	Gaaga	Gollandiya
1992	"23-lar uyushmasi" koʻrgazmasi	Toshkent	Oʻzbekiston
1992	shaxsiy koʻrgazma	Toshkent	Oʻzbekiston
1992	Shaxsiy koʻrgazma, Sanʼat merosi galereyasi	Dehli	Hindiston
1995	Shaxsiy koʻrgazma, „Ilhom“ teatr-studiyasi	Toshkent	Oʻzbekiston
1995	Shaxsiy koʻrgazma	Myunxen	Germaniya
1996	Respublika koʻrgazmasi	Toshkent	Oʻzbekiston
1996	"Habitat-2" Xalqaro koʻrgazmasi	Istanbul	Turkiya
1997	Oʻzbek rassomlarining guruh koʻrgazmasi	Detinxaym	Gollandiya
1998	Oʻzbekiston rassomlarining guruh koʻrgazmasi	Kyoln	Germaniya
1999	"Men sevgi diniga eʼtiqod qilaman" shaxsiy koʻrgazmasi	Toshkent	Oʻzbekiston
2000	Jahon bankida oʻzbek rassomlarining guruh koʻrgazmasi	Vashington	AQSH
2001	Shaxsiy koʻrgazma	Detinxaym	Gollandiya
2006	ShHT mamlakatlari Xalqaro koʻrgazmasi	Xanchjou	Xitoy
2007	shaxsiy koʻrgazma, Sovkom galereyasi	Moskva	Rossiya
2014	"Tuygʻular va orzular" shaxsiy koʻrgazmasi	Toshkent	Oʻzbekiston

Asarlari Oʻzbekistonda – Toshkent shahrida: Oʻzbekiston Davlat sanʼat muzeyida, Oʻzbekiston Badiiy akademiyasi Koʻrgazmalar direktsiyasida, Oʻzbekiston Respublikasi Milliy bankida, Oʻzbekiston Invest bankida; A.Ikromov nomidagi Samarqand davlat tarixiy-me’morchilik muzey-qo‘riqxonasida, Urganch rasm galereyasida; xorijda – Zamonaviy sanʼat muzeyida (Yugoslaviya), Sietldagi Devidson galereyasida (AQSh), Art Heritage galereyasida va Lalit Kala akademiyasida, Dehlida (Hindiston), Credit Suisse Bankda (Shveysariya), shuningdek Gollandiya shaxsiy kolleksiyalarida, Germaniya, Belgiya, Avstraliya, AQSh, Isroil, Kanada, Marokash, Hindiston, Turkiya, Shveysariyada joylashgan.

Akmal Nur 1987-yildan respublika va xalqaro koʻrgazmalarda asarlari bilan ishtirok etadi. Asarlari respublika va xorijiy mamlakatlar muzeylari va xususiy toʻplamlarda saqlanadi.