Akbar Moʻminov

Vikipediyada ismi Akbar va familiyasi Moʻminov boʻlgan boshqa kishilar haqida ham maqolalar mavjud.

Akbar Nishonovich Moʻminov (1935-yil, 12-may, Andijon) — raqqos, baletmeysterrej. Oʻzbekistonda xizmat koʻrsatgan sanʼat arbobi (1974). Toshkent xoreografiya bilim yurtini (1955), Moskva teatr sanʼati institutini (1965) tugatgan. Oʻzbekiston ashula va raqs ansambilida (1965—68), Oʻzbek davlat filarmoniyasi va estradasida (1968— 69), Samarqand opera va balet teatrida (1969—75), „Shodlik“ ansambilida bosh baletmeyster (1976—1978). 1978—1997-yillar Toshkent madaniyat institutida pedagog, 1997-yildan Toshkent milliy rake va xoreografiya oliy maktabida oʻqituvchi, 2001-yildan „oʻzbek raqsi“ kafedrasi mudiri. „Franchesko da Rimini“ (P. Chaykovskiy), „Samarqand afsonasi“ (G. Mushel), „Gulsanam“ (M. Yusupov), „Sevgi taronasi“ (F. Bahor) kabi baletlarni, „Zafar“ (H. Rahimov), „Oyjamol“ (I. Hamroyev), „Tohir va Zuhra“ (T. Jalilov, B. Brovsin), „Nodirabegim“ (X. Sultonov) singari musiqali drama spektakllarining raqslarini sahnalashtirgan. M. yirik sahna asarlaridan tashqari ommaviy va yakka raqs sahnalarini yaratgan („Jon Oʻzbekiston“ raqs-syuita, „Yigitlar raqsi“, „Navroʻz“, „Dugonajonim“, „Munojot“, „Keldimu“, „Choʻponlar“, „Terimchi qiz“, „Hilola“ va boshqalar).