Kontent qismiga oʻtish

Akbar Joʻrayev

ZiyoSfera, erkin ensiklopediya

Vikipediyada ismi Akbar va familiyasi Joʻrayev boʻlgan boshqa kishilar haqida ham maqolalar mavjud.
Akbar Joʻrayev
Akbar Juraev at the 2024 Summer Olympics 01.jpg
Shaxsiy maʼlumotlari
Jinsi erkak
Tavallud paytidagi ismi Akbar Xusnidilla oʻgʻli Joʻrayev
Fuqaroligi Oʻzbekiston bayrogʻi Oʻzbekiston
Tavallud sanasi 1999-yil 8-oktyabr (1999-10-08) (26 yosh)
Toshkent viloyati Boʻstonliq tumani
Vazni 109 kg
Mukofotlar Oʻzbekiston iftixori
Sport
Qaysi sport ogʻir atletika
Murabbiy(lar)i Bahrom Mendiboyev
Akbar Joʻrayev
Medal soni
Oʻzbekiston bayrogʻi Oʻzbekiston vakili
Ogʻir atletika
Olimpiada oʻyinlari
Oltin Tokio-2020 109 kg
Kumush Parij-2004 102 kg
Jahon chempionati
Oltin Toshkent-2021 109 kg
Oltin Ar-Riyod-2023 109 kg
Osiyo oʻyinlari
Kumush Xanchjou-2022 109 kg
Osiyo chempionati
Oltin Toshkent-2024 102 kg
Oltin Jiangshan-2015 109 kg
Kumush Ningbo-2019 109 kg
Kumush Toshkent-2020 109 kg
Bronza JInju-2023 +109 kg

Akbar Xusnidilla oʻgʻli Joʻrayev (1999-yil 8-oktabr Toshkent viloyati Gʻazalkent shahri[1]) – oʻzbekistonlik ogʻir atletikachi, Olimpiya chempioni, 109 kg vazn toifasida „Osiyo chempionati – 2019“ kumush medali sovrindori, 2019-yilgi yoshlar oʻrtasidagi jahon chempionati gʻolibi. Yoshlar oʻrtasidagi jahon rekordchisi. 2020-yil Tokioda Olimpiada chempioni. Olimpiya rekordchisi. 2024-yilda Parijdagi Olimpiada oʻyinlarining kumush medal egasi. „Oʻzbekiston iftixori“ faxriy unvoni sohibi[2].

Hayoti

Akbar Joʻrayev 1999-yil 8-oktyabrda Toshkent viloyati Boʻstonliq tumanidagi Soyliq qishlogʻida tugʻilgan[3][1]. Chirchiq shahridagi Oʻzbekiston davlat jismoniy tarbiya va sport universitetida tahsil olgan.

Faoliyati

Akbar Joʻrayev 2017-yildan Oʻzbekiston terma jamoasi aʼzosi. Birinchi murabbiyi Farhod Mirzajanov. Olimpiada bahslariga murabbiyi Bahrom Mendiboyev qo'l ostida tayyorlanmoqda[4]. 2017-yilgi oʻsmirlar oʻrtasidagi jahon chempionatida Joʻrayev 105 kg vazn toifasida ikki urinishda 352 natija bilan oltinchi boʻldi(162 + 190)[5]. Akbar 2017-yilda Anaxaymda boʻlib oʻtgan jahon chempionatida 105 kg gacha boʻlgan vazn toifasida 13-oʻrinni egalladi (373 kg)[5]. U dast koʻtarishda 174 kg, siltab koʻtarishda 199 kg koʻrsatkichni qayd etdi[5]. 2018-yil oʻsmirlar oʻrtasidagi Osiyo chempionatida u umumiy vazni 372 kg boʻlgan oltin medalni qoʻlga kiritdi.

Xuddi shu yili, 2018-yilda Toshkentda boʻlib oʻtgan oʻsmirlar oʻrtasidagi jahon chempionatida u kumush medalni qoʻlga kiritishga muvaffaq boʻldi. Hammasi boʻlib Akbar Joʻrayev 369 kg koʻrsatkichni qayd etdi: dast koʻtarishda 167 kg, siltab koʻtarishda 202 kg[5].

2018-yil noyabr oyining boshida Ashxobodda boʻlib oʻtgan jahon chempionatida oʻzbekistonlik sportchi 102 kg vazn toifasida dast koʻtarish mashqlarida 180 kg ogʻirlikdagi shtanga koʻtarib, oltin medalni qoʻlga kiritdi. Yakuniy bosqichda u bir kilogramm farq bilan toʻrtinchi boʻldi. Uning ikkinchi koʻtarishdagi natijasi 212 kg edi[5].

2018-yil dekabr oyida boʻlib oʻtgan Qatar Xalqaro Kubogida Akbar Joʻrayev 109 kilogrammgacha boʻlgan yangi vazn toifasida jami 392 kilogrammni koʻtarib, bronza medalini qoʻlga kiritdi[5].

Aprel oyida Osiyo chempionatida Akbar Joʻrayev 109 kg vazn toifasida shaxsiy rekordini yaxshilagan edi. Oʻzbekistonlik ogʻir atletchi dast koʻtarishda 185 kg, siltab koʻtarishda 225 kg koʻtarib, jami 410 kg vazn toifasi bilan kumush medal sohibi boʻldi. Iyun oyida u jami 398 kg koʻtarib, oʻsmirlar oʻrtasidagi jahon chempioni boʻldi.[1].

2019-yil Pattayada boʻlib oʻtgan jahon chempionatida Akbar Joʻrayev 109 kg vazn toifasida 229 kg ogʻirlikdagi shtanga koʻtarib, kumush medalni qoʻlga kiritdi. Yakuniy protokolda u 417 kg natija bilan toʻrtinchi boʻldi[5]. Bu natija yoshlar oʻrtasidagi jahon rekordidir[1].

Dekabr oyida Jahon chempionatida u 400 kg natija bilan kumush medalni qoʻlga kiritdi. U, shuningdek, dast koʻtarishda 185 kg, siltab koʻtarishda 220 kg (jami 405 kg) muvaffaqiyatli urinishlar koʻrsatib, Qatar kubogini qoʻlga kiritdi[1].

2020-yilda u Xalqaro birdamlik chempionatida ikki urinishda jami 410 kg koʻtarib, oltin medalni qoʻlga kiritdi. Aprel oyida boʻlib oʻtgan Osiyo chempionatida u yana ikkinchi boʻldi va 109 kg vazn toifasida oʻz faoliyatidagi eng yaxshi natijani koʻrsatdi – siltab koʻtarishda 194 kg, siltab koʻtarishda 234 kg (jami 428 kg)[5].

U Oʻzbekiston chempionatida Olimpiada chempioni Ruslan Nurudinovni 12 kilogrammga magʻlub etib, Tokioda boʻlib oʻtadigan 2020-yilgi Yozgi Olimpiadada qatnashish huquqini qoʻlga kiritdi[1][6]. Yaponiyada u armanistonlik ogʻir atlet Simon Martirosyanni magʻlub etdi va Olimpiya chempioni boʻldi[7]. Sportchi siltab koʻtarish bahslarida 237 kilogramm ogʻirlikdagi toshni koʻtarib, Olimpiada rekordini oʻrnatdi va delegatsiyaning navbatdagi medalini naqd qildi[8]. 2023-yilda Saudiya Arabistonida boʻlib oʻtgan ogʻir atletika boʻyicha jahon chempionatida 109 kilogramm vazn toifasida oʻzbekistonlik sportchi jami 415 kilogramm natija bilan jahon chempionatining oltin medalini qoʻlga kiritdi[9].

2024-yilgi Olimpiada oʻyinlari

Akbar Joʻrayev 2024-yilgi Parijdagi Yozgi Olimpiada oʻyinlarida dast koʻtarishda 185 kg natijani qayd etdi. Siltab koʻtarish bahslarida 219 kgni koʻtardi. Umumiy 404 kg natija bilan kumush medalga sazovor boʻldi[10].

Asosiy natijalari

Yil Musobaqa joyi Vazn toifasi Siltab koʻtarish (kg) Qoʻlga olib siltash (kg) Jami Oʻrin
1 2 3 Oʻrin 1 2 3 Oʻrin
Olimpiada oʻyinlari
2021 Tokio, Yaponiya 109 kg 189 189 193 — 227 234 237 OR — 430 OR 1st
2024 Parij, Fransiya 102 kg 180 185 189 — 219 224 232 — 404 2nd
Jahon chempionati
2017 Anaheim, AQSH 105 kg 164 169 174 12 194 199 203 15 373 13
2018 Ashxobod, Turkmaniston 102 kg 173 178 180 1st 200 207 212 4 392 4
2019 Pattaya, Tailand 109 kg 183 184 188 6 221 226 229 2nd 417 4
2021 Toshkent, Oʻzbekiston 109 kg 187 192 195 1st 226 232 238 1st 433 1st
2023 Ar-Riyod, Saudiya Arabistoni 109 kg 182 189 189 1st 220 226 231 2nd 415 1st
2025 Førde, Norvegiya 110 kg 189 193 196 CWR 1st 227 232 245 1st 428 CWR 1st
Jahon kubogi
2024 Phuket, Tailand 109 kg 180 185 189 1st 220 227  – 1st 416 1st
Osiyo oʻyinlari
2023 Xanchjou, Xitoy 109 kg 180 184 189 — 220 222 228 — 417 2nd
Osiyo chempionati
2019 Ningbo, Xitoy 109 kg 176 181 185 2nd 215 219 225 2nd 410 2nd
2020 Toshkent, Oʻzbekiston 109 kg 188 194 197 2nd 225 234 238 2nd 428 2nd
2023 Jinju, Janubiy Koreya +109 kg 189 195 195 4 230 240 242 3rd 437 3rd
2024 Toshkent, Oʻzbekiston 102 kg 175 180 183 1st 214 219 220 1st 400 1st
2025 Jiangshan, Xitoy 109 kg 180 183 189 1st 217 223  – 1st 406 1st
Jahon yoshlar chempionati
2017 Tokio, Yaponiya 105 kg 155 159 162 4 185 185 190 6 352 6
2018 Toshkent, Oʻzbekiston 105 kg 167 172 172 2nd 195 202 210 2nd 369 2nd
2019 Suva, Folklend 109 kg 173 177 182 1st 212 216  – 1st 398 1st

Unvon va mukofotlari

Manbalar

  1. ↑ 1,0 1,1 1,2 1,3 1,4 1,5 „DJURAEV Akbar“. https://olympics.com/. 2021-yil 30-iyulda asl nusxadan arxivlangan.
  2. ↑ „О награждении группы спортсменов и тренеров, добившихся высоких результатов на XXXII летних Олимпийских играх в городе Токио“. President.uz.
  3. ↑ „Olimpiada chempioni Akbar Jo'raev haqida nimalar bilamiz?“. olamsport.com. Qaraldi: 10-avgust 2024-yil.
  4. ↑ „Akbar Jo'rayev“. olympic.uz. Qaraldi: 10-avgust 2024-yil.
  5. ↑ 5,0 5,1 5,2 5,3 5,4 5,5 5,6 5,7 „DJURAEV AKBAR“. IWF. 2021-yil 30-iyulda asl nusxadan arxivlangan. (Wayback Machine saytida 2021-07-30 sanasida arxivlangan)
  6. ↑ „РУСЛАН НУРУДИНОВ И АКБАР ДЖУРАЕВ СОПЕРНИЧАЛИ НА ЧЕМПИОНАТЕ УЗБЕКИСТАНА. КТО ПОБЕДИЛ?“. weightlifting.uz. 2021-yil 30-iyulda asl nusxadan arxivlangan. Qaraldi: 2021-yil 10-mart.
  7. ↑ „Токио-2020. Акбар Жўраев олтин медални қўлга киритди“. Bugun.uz. 2021-yil 10-avgustda asl nusxadan arxivlangan. Qaraldi: 2021-yil 3-avgust.
  8. ↑ „Токио-2020. Акбар Жўраев Олимпиада рекордини ўрнатди“. Bugun.uz. 2021-yil 17-avgustda asl nusxadan arxivlangan. Qaraldi: 2021-yil 3-avgust.
  9. ↑ „IWF World Weightlifting Championships 2023: All final results and medals – Full list-Men's 109kg“. olympics.com. Qaraldi: 2023-yil 5-oktyabr.
  10. ↑ „Parij-2024. Akbar Jo‘rayev O‘zbekiston delegatsiyasiga birinchi kumush medalni keltirdi“. kun.uz. Qaraldi: 10-avgust 2024-yil.
  11. ↑ „Prezident Olimpiadada ishtirok etgan sportchilar va murabbiylarni mukofotladi“. gazeta.uz. Qaraldi: 31-iyul 2024-yil.
  12. ↑ „Диёра Келдиёровадан Улуғбек Рашитовгача: Олимпия ўйинларида иштирок этган бир гуруҳ спортчи ва мураббийлар мукофотланди“. Daryo.uz.

Havolalar

"https://ziyosfera.uz/index.php?title=Akbar_Joʻrayev&oldid=269118" dan olindi