Akademiklar shaharchasi

Akademiklar shaharchasi — Mirzo Ulugʻbek tumanida, Mirzo Ulugʻbek va Durmon yoʻli koʻchalari kesishgan joy atrofida yetakchi ilmiy tashkilotlarni boʻlgani uchun shunday nomlanadi.

1960-yillardan boshlab Oʻzbekiston FA ilmiy tashkilotlarini zamonaviy talablar asosida koʻrilgan va jihozlangan binolar bilan taʼminlash maqsadida barpo etishga kirishilgan. Akademiklar shaharchasida FAga karashli biokimyo, bioorganik kimyo, botanika, geologiya va geofizika, kimyo, matematika va axborot texnologiyalari, mexanika va inshootlarning sistemik mustahkamligi, tarix, til va adabiyot, falsafa va huquq" sharkshunoslik, elektronika, energetika va avtomatlashtirish, oʻsimlik moddalari kimyosi inshoatlari, kutubxona, „Fan“ nashriyoti, aspirantlar uyi, shuningdek, endokrinologiya in-ti, Mudofaa vazirligiga karashli tashkilotlar joylashgan. 1994 y.da Akademiklar shaharchasida Mirzo Ulugbek haykali oʻrnatildi (xayk. Ya. Shapiro) va haykal atrofida Mirzo Ulugbek hiyoboni barpo etildi. Akademiklar shaharchasida 4 qavatli turar joy binolari, savdo va boshqa maishiy xizmat koʻrsatish shoxobchalari bor.