Aka-uka Advahovlar
Aka-uka Advahovlar Frații Advahov | |
|---|---|
 Vasile va Vitalie Advahov 2022-yilda | |
| Umumiy maʼlumot | |
| Janrlar | Folk[1] |
| Faoliyat yillari | 2005-yildan hozirgi kungacha |
| Aʼzolar |
Vasile Advahov Vitalie Advahov |
| Fuqaroligi | Moldova, Kishinyov |
Aka-uka Advahovlar (Frații Advahov (ruminiya tili), ro) — Moldovaning folklor musiqasi ijro etuvchi dueti bo‘lib, aka-uka Vasile va Vitalie Advahovlardan tashkil topgan. Guruh 2005-yilda tashkil etilgan va Kishinyov shahrida faoliyat yuritadi. Ular „Zdob și Zdub“ guruhi bilan birgalikda Moldova nomidan Italiyaning Turin shahrida boʻlgan „Eurovision qoʻshiq tanlovi 2022“da „Trenulețul“ qo‘shig‘i bilan ishtirok etgan[2].
Tarixi
Vitalie va Vasile Advahov mos ravishda 1978-yil 18-yanvar va 1979-yil 26-aprelda Moldovaning Kahul shahrida tug‘ilgan[3]. Ularning ota-onasi Vasile va Agafia Advahovlar Gotești hamda Cîrpești qishloqlaridan bo‘lib, Kahul pedagogika bilim yurtida o‘qituvchi bo‘lib ishlaganlar[3][4]. Ular o‘rta maktab davrida Ciprian Porumbescu nomidagi litseyda tahsil olib, „Mugurașii“ nomli orkestr guruhining a’zolari bo‘lganlar[3].
Faoliyati
„Aka-uka Advahovlar“ guruhi 2005-yilda tashkil etilgan[3][4]. Dastlab u kichik musiqiy jamoa sifatida tashkil etilgan bo‘lsa-da, vaqt o‘tishi bilan mashhurlikka erishdi va Moldova Respublikasi hamda Ruminiyadan turli musiqachilar unga qo‘shilib, to‘laqonli orkestr shakllandi[3]. 2020-yil holatiga ko‘ra, orkestr tarkibida 45 nafar cholg‘uchi faoliyat yuritgan[5].
2022-yil 29-yanvarda folklor-rok guruhi „Zdob și Zdub“ bilan hamkorlikda ijro etilgan „Trenulețul“ qo‘shig‘i Teleradio-Moldova tomonidan „Eurovision qoʻshiq tanlovi 2022“da Moldova vakili sifatida tanlab olindi[2][6]. Ular tanlov yakunida 253 ochko jamg‘arib, 7-o‘rinni egallagan. Tomoshabinlar ovozi bo‘yicha esa 2-o‘rinni qo‘lga kiritganlar.
Manbalar
- ↑ Grace, Emily „Moldova: Who Are Zdob şi Zdub & Fraţii Advahov?“ (en-GB). Eurovoix (2022-yil 10-fevral). 2022-yil 24-aprelda asl nusxadan arxivlangan. Qaraldi: 2022-yil 10-fevral.
- ↑ 2,0 2,1 Veen, Renske Ten „Zdob și Zdub & Frații Advahov will represent Moldova at Eurovision 2022“. Wiwibloggs (2022-yil 29-yanvar). Qaraldi: 2022-yil 6-fevral.
- ↑ 3,0 3,1 3,2 3,3 3,4 „Orchestra Fraţilor Advahov“ (Romanian). Moldovenii. 2015-yil 31-martda asl nusxadan arxivlangan. Qaraldi: 2022-yil 11-fevral.
- ↑ 4,0 4,1 Roibu, Nicolae „Fraţii Advahov, un miracol de care se bucură toată lumea“ [The Advahov Brothers, a miracle the whole world is enjoying] (Romanian). Timpul.md (2011-yil 15-sentyabr). 2022-yil 11-fevralda asl nusxadan arxivlangan. Qaraldi: 2022-yil 11-fevral.
- ↑ Oprea, Diana „Ce familii frumoase au Frații Advahov. Copiii lor sunt pasionați de muzică și le calcă pe urme“ [The families of the Advahov Brothers are beautiful. Their children are passionated of music and are following their steps] (Romanian). Pro TV (2020-yil 19-noyabr). 2022-yil 11-fevralda asl nusxadan arxivlangan. Qaraldi: 2022-yil 11-fevral.
- ↑ „Zdob şi Zdub return with Fraţii Advahov to represent Moldova 🇲🇩“ (en-gb). Eurovision.tv (2022-yil 29-yanvar). 2022-yil 30-yanvarda asl nusxadan arxivlangan. Qaraldi: 2022-yil 6-fevral.