Ajoyib Eremoxares
| Ajoyib Eremoxares | |
|---|---|
Ilmiy tasniflash | |
| Olam: | Hayvonlar |
| Tip: | Boʻgʻimoyoqlilar |
| Sinf: | Hasharotlar |
| Oila: | Sphecidae |
| Urugʻ: | Eremochares |
| Turlari: | Ajoyib Eremoxares |
| Xalqaro ilmiy nomi | |
| Eremochares mirabilis Gussakovskij, 1928 | |
Ajoyib Eremoxares (Eremochares mirabilis) — yerkovlovlar (Sphecidae) turkumiga mansub Eremochares arilar turi.
Tavsif
Taxminan 20-30 mm uzunlikdagi yirik arilar. Oʻrta boldiri bir nayzali. Old oʻrta koʻkragi juftlashtirilmagan chiziqlar bilan ifodalangan.
Tarqalishi va yashash joyi
Oʻzbekiston (Janubi-gʻarbiy Qizilqum, Buxoro atrofi, Xiva), Qozogʻiston, Eron, Turkmaniston. Noyob, mahalliy tarqalgan turlar. Choʻl zonasining qumli va shoʻrhok hududlarda yashaydi.
Hayot tarzi
Yiliga bir marta nasl beradi. Ilk uchishi va tuxum qoʻyishi – iyun-avgustda. Urgʻochilari chigirtkasimonlarni (Acridoidea) ovlaydi, ularni falajlab yerda kovlangan iniga joylashtiradi, soʻng ulardan biriga tuxum qoʻyadi.
Soni va muhofaza etish
Hamma joyda kam. Yakka tartibda uchraydi. Xoʻjalik maqsadlarida choʻl-qoʻriqlarning oʻzlashtirilishi, xususan, haydash, yaylovdan chorvachilikda haddan tashqari foydalanish hisobiga soni kamayib bormoqda. Oʻzbekiston Qizil kitobiga kiritilgan.
Muhofaza choralari
Yashash joylari va sonini mukammal oʻrganish, yashash joylarida muhofazasini tashkil etish lozim.
Adabiyotlar
- Красная книга Республики Узбекистан. — Т. II — Животные. Ташкент: Chinor ENK, 2009.