Ahmad Ibrohim masjidi
| Masjid | |
 | |
| Jalan Ulu Seletar bo‘ylab joylashgan Ahmad Ibrohim masjidining unga qarama-qarshi yo‘ldan ko‘rinishi | |
| Mamlakat |  Singapur
|
| Koordinatalar | 1°24′24″N 103°49′14″E / 1.4067034°N 103.8204407°E |
| Oʻlchami | 1000 nafar |
Ahmad Ibrohim masjidi (Qadimgi indonez yozuvi: مسجد أحمد إبراهيم) – Singapurning Yishun va Tomson hududlari orasidagi Jalan Ulu Seletar boʻylab joylashgan masjid. Singapurlik siyosatchi, 1959–1961-yillarda Mehnat vaziri boʻlib xizmat qilgan Ahmad bin Ibrohim nomi bilan atalgan.
Tarixi
Bu joy dastlab sarau yaʼni namozxona sifatida tashkil etilgan[1][2]. Binoning qachon tashkil etilgani manbalarda turlicha koʻrsatilgan. Ularga koʻra, inshoot 1955, 1956, 1957 yoki 1958-yillarda bunyod etilgan. Barcha manbalar namozxonaning 1950-yillarning oʻrtalari yoki oxirlarida tashkil etilganini qayd etadi[1][2][3]. Namozxona hozirgi zamonaviy Sembawang hududidagi qishloqlar aholisi uchun xizmat qilgan[3]. 1959-yilda oʻsha paytda Sogʻliqni saqlash vaziri sifatida xizmat qilgan Ahmad bin Ibrohim tomonidan ajratilgan mablagʻ hisobiga rekonstruksiya qilingan[1]. Atrof hududda musulmonlar soni ortib borgani sababli namozxona 1962-yilda jamoat masjidi maqomini olgan[1][2]. Keyinchalik inshootning rekonstruksiya ishlari uchun katta hissa qoʻshgan Ahmad bin Ibrohimning nomi bilan atalgan[4].
Kamida 1970-yillardan buyon qayta taʼmirlash ishlari olib borilgan[5]. Soʻngra 1980-yillarning oxirida Ahmad Ibrohim masjidini kengaytirish rejasi eʼlon qilingan[2][6]. 1997-yildan boshlab qurilish ishlari davom etar ekan, jamoat namozlari masjid atrofidagi vaqtinchalik belgilangan joylarda oʻqilgan[7]. Qurilish tugagach, jamoat namozlari yana masjidning oʻzida davom ettirilgan.
Masjid chekka va uncha maʼlum boʻlmagan hududda joylashgani hamda hajmi tufayli jamoatchilik eʼtiborini tortgan[8]. Jamoat namozlaridan tashqari, bu yerda mahalla tadbirlari va madrasa taʼlimi ham tashkil qilingan[3][6].
Yana qarang
Manbalar
- ↑ 1,0 1,1 1,2 1,3 „Sekilas Masjid Ahmad Ibrahim“. Berita Harian (2007-yil 16-fevral), s. 4.
- ↑ 2,0 2,1 2,2 2,3 „Masjid Ahmad Ibrahim dikekal?“. Berita Harian (1988-yil 15-mart), s. 3.
- ↑ 3,0 3,1 3,2 „Masjid 'cergas' walaupun usang“. Berita Harian (1997-yil 25-sentyabr), s. 9.
- ↑ „Ahmad Ibrahim was an alumnus“. The Straits Times (2016-yil 16-oktyabr), s. 12. Qaraldi: 2022-yil 6-yanvar.
- ↑ „Ahmad Ibrahim Mosque | learnislam“ (en-US). Qaraldi: 2025-yil 10-aprel.
- ↑ 6,0 6,1 „Masjid Ahmad Ibrahim akan bina bangunan tambahan“. Berita Harian (1989-yil 30-avgust), s. 3.
- ↑ „Tapaktiga masjid diperlukan untuk dimaju“. Berita Harian (1997-yil 12-iyul), s. 5.
- ↑ „Terus berbakti walau tidak diketahui ramai“. Berita Harian (2012-yil 21-aprel), s. 4.