Ahlul Bayt raqamli kutubxona loyihasi
Ahlul Bayt raqamli kutubxona loyihasi (Ahlul Bayt DILP) xalqaro koʻngillilar guruhining ishlarini taqdim etadigan notijorat shia tashkilotidir. U Al-Islam.org veb-saytini yuritadi. Uning maqsadi Islom dinining tarixi, huquqi va jamiyatiga oid manbalarni raqamlashtirish, ayniqsa Imomiy shia mazhabiga alohida eʼtibor qaratgan holda faoliyat olib borishi taqaro etadi. Al-Islam.org, shuningdek, musulmon boʻlmaganlarga Islomni tanishtirish sayti sifatida xizmat qilishga harakat qiladi[1].
Tashkilot 501(c)(3) maqomidagi jamoat xayriya tashkilotidir[2] va u materiallarni taqdim etgan koʻngillilar tomonidan tashkil etilgan. DILP va Al-Islam.org sayti alohida xayriyachilar tomonidan qoʻllab-quvvatlanadi. Ahlul Bayt DILP oʻz maqsadini Islomni tadqiq etishni ragʻbatlantirish deb bayon qilgan.
Tarixi
Tashkilot 1996-yilda tashkil etilgan.
Ishga tushirilgan vaqtdan beri, Al-Islam.org mashhurligi boʻyicha Yahoo! roʻyxatidagi shia saytlari orasida eng yuqori oʻrinda turadi[3].
Tarkib
Bepul raqamli kutubxona ispan, italyan, suahili, arab, urdu va gujarot kabi turli tillarda, koʻngillilar tomonidan taqdim etilgan 800 dan ortiq manbalardan iborat. Ahlul Bayt DILP, shuningdek, Shia Ensiklopediyasi, Gʻadir Xum voqeasi loyihasi va islomiy matnlarning tahrifi (buzilishi) ustida ham ishlaydi[4]. Raqamlashtirilgan matnlarning mualliflik huquqlari ularga tegishli boʻlmasa-da, materialni tahrirlash uchun ruxsat olingan. Al-Islam.orgning multimedia boʻlimida audio va video manbalar toʻplami mavjud.
Ahlul Bayt DILP raqamli kutubxonasi 4 000 dan ortiq bepul manbalardan iborat[2].
Loyihalar
Ahlul Bayt DILP jamoasi quyidagilarni oʻz ichiga olgan loyihalar ustida ishlamoqda:
Koʻp tilli Qurʼon
DILPning koʻp tilli Qurʼon boʻlimi inglizcha tarjimasi hamda Oqo Puya va S. V. Mir Ahmad Alining sharhlari bilan birga qidirish mumkin boʻlgan Qurʼonni taqdim etadi. Shuningdek, u mavzular boʻyicha tarjimalar va koʻrib chiqish imkoniyatlarini oʻz ichiga oladi[5].
Gʻadir Xum voqeasi loyihasi
Muhammad Imom Alini oʻzidan keyingi voris etib tayinlagan voqeani ilmiy oʻrganish. Tadqiqot rivoyatchilar zanjiri va Al-Gʻadir rivoyati anʼanasini tahlil qilishga qaratilgan[6].
Yana qarang
Manbalar
- ↑ Sumaiya Hamdani. „The Ahlul-Bayt Digital Islamic Library Project“. George Mason University (2003-yil mart).
- ↑ 2,0 2,1 „Ahlul bayt digital islamic library project“. JustGive.
- ↑ „Islamic Sects > Shia'ism“. Yahoo!. 2006-yil 7-dekabrda asl nusxadan arxivlangan.
- ↑ „Al-islam.org Free Library“. 2007-yil 3-yanvarda asl nusxadan arxivlangan.
- ↑ „Al-Qur'an – Read, Recite And Research“. al-islam.
- ↑ „Ghadir Khumm: In Qur'an, Hadith and History“. al-islam.