Adras

Adras — tanda ipi tabiiy ipakdan, arqogʻi qalin ipdan toʻqilgan gazlama. Guli ikki tomonlama boʻlgani uchun ayrim joylarda duroʻya deb ataladi. Arqoq ipi yoʻgʻonroq boʻlgani uchun gazlama yuzasida koʻndalang chiviqlar hosil boʻladi. Kudunglanish natijasida yuqori navli Adrasning bir tomoni atlasday silliq boʻlib, ikkinchi tomoni tovlanib turadi. Gullari abr usulida boʻlib sariq, koʻk, pushti, qizil ranglar qoʻllangan. 1920-yillargacha Margʻilon, Xoʻjand, Buxoro, Samarqand va boshqa joylarda toʻqilib, Oʻrta Osiyo bozorlaridan tashqari Afgʻoniston, Xitoy kabi qoʻshni mamlakatlarda ham sotilgan. Adras oʻzbek xalqi hayotida keng tarqalgan boʻlib, ayollarning kiyim-kechaklari, shuningdek chopon, koʻrpa va koʻrpachalar uchun ishlatilgan. Adras tun — avrasi adrasdan tiqilgan toʻn. Sayyora Mahkamova.

Adabiyotlar

• OʻzME. Birinchi jild. Toshkent, 2000-yil