Kontent qismiga oʻtish

Adidas Al Rihla

ZiyoSfera, erkin ensiklopediya
Adidas Al Rihla toʻpi

Al Rihla (arabcha: الْرِّحْلَة‎‎ — „Sayohat“) — Adidas kompaniyasi tomonidan ishlab chiqarilgan futbol toʻpi. Futbol boʻyicha 2022-yilgi jahon chempionatining rasmiy oʻyin toʻpi hisoblanadi[1][2][3][4][5]. Toʻp oʻz kamerasi ichida osilgan holatdagi inersial oʻlchov blokini (IMU) oʻz ichiga oladi, u hakamlarga videoassistent tizimiga (VAR) toʻp harakati haqida bir zumda juda batafsil maʼlumotlarni taqdim etadi.

Nomi

Toʻpning kattalashtirilgan nusxasi

Nomi sifatida arabcha Al-Rihla (الْرِّحْلَة ar-riḥla — soʻzma-soʻz „Sayohat“) soʻzi tanlangan. Rihla, shuningdek, arab adabiyotidagi anʼanaviy janr hamdir.

Tarixi

Adidas kompaniyasi Al Rihla toʻpini 2022-yil 30-mart kuni taqdim etdi[3][6]. Qatardagi taqdimotda jahon chempionatlarining sobiq gʻoliblari — braziliyalik Kaka va ispaniyalik Iker Kasilyas, shuningdek, saudiyalik Farah Yefri hamda Birlashgan Arab Emirliklaridan Nuf Al-Anzi ishtirok etdi[7][8].

Tavsifi

Toʻpning qobigʻi termik payvandlash usuli bilan birlashtirilgan yigirmata choksiz poliuretan paneldan iborat[1][2]. Uning „Speedshell“ deb nomlangan yuzasi parvoz paytida toʻpning barqarorligini va ogʻishini yaxshilashga moʻljallangan boʻrttirilgan katta va kichkina naqshlar bilan qoplangan[2][5]. Adidas kompaniyasining dizayn boʻyicha direktori Fransiska Loffelmann Al Rihla toʻpini „hozirgi kunga qadar FIFA jahon chempionatlari tarixidagi eng tezkor va eng aniq toʻp“ deb taʼriflagan[5].

Toʻpdagi yozuvlar BMTning 6 ta rasmiy tilidan 5 tasida bitilgan boʻlib, 6-til — rus tili oʻrniga esperanto tilidan foydalanilgan.

Bu ekologik toza boʻyoqlar va yelimlar yordamida tayyorlangan birinchi futbol toʻpidir[1].

FIFA maʼlumotlariga koʻra, toʻpning tashqi koʻrinishi Qatar madaniyati, meʼmorchiligi, dau qayiqlari va bayrogʻidan ilhomlangan holda yaratilgan[5].

Harakat datchigi

Toʻp „ulangan toʻp texnologiyasi“ bilan jihozlangan — toʻp kamerasi ichidagi osma tizim markazida inersial oʻlchov bloki (IMU) joylashgan boʻlib, u hakamlarga videoassistent tizimiga (VAR) bir necha soniya ichida toʻp harakati haqida yuqori aniqlikdagi maʼlumotlarni taqdim etadi[9][10]. Ushbu texnologiya Myunxenning „Kinexon“ kompaniyasi tomonidan FIFA bilan hamkorlikda ishlab chiqilgan[9][10].

Ishlab chiqarilishi

Adidas Al Rihla toʻpini ishlab chiqarish uchun Xitoydagi bir kompaniya hamda Pokistonning Panjob viloyati, Sialkot shahrida joylashgan „Forward Sports“ kompaniyasi bilan subpudrat shartnomasini tuzgan[11][12].

Manbalar

  1. ↑ 1,0 1,1 1,2 „سريعة و"ذكية".. ما لا تعرفه عن كرة مونديال 2022!“ (ar). العربية (2022-yil 20-noyabr). 2022-yil 20-noyabrda asl nusxadan arxivlangan. Qaraldi: 2022-yil 20-noyabr.
  2. ↑ 2,0 2,1 2,2 US. „Men’s World Cup Soccer Ball, the Al Rihla, Has the Aerodynamics of a Champion“ (en). Scientific American. 2022-yil 19-noyabrda asl nusxadan arxivlangan. Qaraldi: 2022-yil 20-noyabr.
  3. ↑ 3,0 3,1 Pyzdrowski. „How does the 2022 World Cup ball stack up with previous editions? Reviewing 'Al Rihla'“ (en). The Athletic. 2022-yil 10-dekabrda asl nusxadan arxivlangan. Qaraldi: 2022-yil 20-noyabr.
  4. ↑ „Qatar World Cup: Al Rihla, a football inspired by the architecture, boats, and flag of Qatar“ (en). gulfnews.com. 2022-yil 19-noyabrda asl nusxadan arxivlangan. Qaraldi: 2022-yil 20-noyabr.
  5. ↑ 5,0 5,1 5,2 5,3 „Al Rihla by adidas revealed as FIFA World Cup Qatar 2022™ Official Match Ball“ (en). www.fifa.com. Qaraldi: 2022-yil 20-noyabr.
  6. ↑ „"الرحلة".. تعرف على الكرة الرسمية لبطولة كأس العالم 2022 в قطر | Goal.com“. www.goal.com. 2022-yil 30-martda asl nusxadan arxivlangan. Qaraldi: 2022-yil 20-noyabr.
  7. ↑ National. „Kaka and Iker Casillas unveil 'Al Rihla' match ball for Qatar World Cup 2022“ (en). The National (2022-yil 31-mart). 2022-yil 20-noyabrda asl nusxadan arxivlangan. Qaraldi: 2022-yil 20-noyabr.
  8. ↑ „السعودية «فرح جفري» تدشن كرة المونديال الرسمية مع أساطير اللعبة“ (ar). الشرق الأوسط. 2022-yil 20-noyabrda asl nusxadan arxivlangan. Qaraldi: 2022-yil 20-noyabr.
  9. ↑ 9,0 9,1 „adidas reveals the first FIFA World Cup™ official match ball featuring connected ball technology“ (en). adidas News Site | Press Resources for all Brands, Sports and Innovations (2022-yil 1-iyul). 2022-yil 21-noyabrda asl nusxadan arxivlangan. Qaraldi: 2022-yil 21-noyabr.
  10. ↑ 10,0 10,1 Yao; Dixon, Gareth „IP grandstanding at the 2022 soccer World Cup“ (en). Spruson & Ferguson (2022-yil 2-noyabr). 2022-yil 21-noyabrda asl nusxadan arxivlangan. Qaraldi: 2022-yil 21-noyabr.
  11. ↑ Wanjiku, Bertha. „FIFA World Cup 2022: ball, price, design, weight, photos“ (en). SportsBrief (2022-yil 14-noyabr). 2022-yil 7-dekabrda asl nusxadan arxivlangan. Qaraldi: 2022-yil 21-noyabr.
  12. ↑ Hussain. „Pakistan-made footballs at FIFA World Cup 2022: the ‘crown jewel’ for Sialkot’s Forward Sports“ (en). Brecorder (2022-yil 20-noyabr). 2022-yil 27-noyabrda asl nusxadan arxivlangan. Qaraldi: 2022-yil 21-noyabr. 
"https://ziyosfera.uz/index.php?title=Adidas_Al_Rihla&oldid=262777" dan olindi