Adela Raz
| Adela RazAdela Raz | |
|---|---|
 Raz 2022-yilda | |
| Afgʻonistonning AQShdagi elchisi | |
|
Mansab davri 2021-yil 26-iyul – 2022-yil 18-fevral | |
| Prezident | Ashraf Gʻani |
| Oʻtmishdoshi | Roya Rahmoniy |
| Vorisi | Lavozim tugatildi |
| Afgʻonistonning Birlashgan Millatlar Tashkilotidagi doimiy vakili | |
| Shaxsiy maʼlumotlari | |
| Tavalludi | 1986 (yoshi 39–40) |
| Taʼlim |
Simmons universiteti Tafts universiteti |
Adela Raz (dariycha: عادله راز) – afgʻon siyosatchisi, 2021-yil iyulidan 2022-yil fevraligacha Afgʻoniston islom respublikasining AQShdagi elchisi (soʻnggi elchi). Shuningdek, Afgʻonistonning Birlashgan Millatlar Tashkilotidagi doimiy vakili lavozimida xizmat qilgan birinchi ayol.
Yoshligi
Razning otasi Tolibon tomonidan haddan tashqari taraqqiyparvar deb hisoblangani uchun oʻldirilgan[1].
Raz Bostondagi Simmons universitetida Xalqaro munosabatlar, siyosatshunoslik va iqtisodiyot yoʻnalishlari boʻyicha bakalavr darajasini, Tufts universitetida esa Huquq va diplomatiya boʻyicha magistr darajasini olgan[2][3][1]. Adela Raz H-1B vizasini olgan birinchi afgʻon boʻlgan[1].
Faoliyati
Raz Afgʻonistondagi Birlashgan Millatlar Tashkilotining Yordam missiyasida faoliyat olib borgan[2]. 2010-yildan 2013-yilgacha AQShdagi xalqaro rivojlanish tashkilotida xizmat qilgan[2]. U gender tengligi, ayollar taʼlimi va inson huquqlari tarafdori hisoblanadi[1]. Raz barqaror mehnat faoliyatini rivojlantirish va jamiyat ishlarida ishtirok etishda ayollarga koʻmaklashish yoʻlida faoliyat olib borgan[1].
2013-yilda u Prezident Hamid Karzay huzurida matbuot kotibi oʻrinbosari va kommunikatsiyalar direktori etib tayinlangan va bu lavozimlarni egallagan birinchi ayolga aylangan[2][4][5]. 2014-yil noyabrida u apparat rahbari boʻlgan. 2016-yil martida 30 yoshida iqtisodiy hamkorlik boʻyicha Tashqi ishlar vaziri oʻrinbosari etib tayinlangan[2][6][7]. 2018-yil martida Raz Vashington shahriga tashrif buyurgan afgʻon ayollari delegatsiyasi tarkibida boʻlib, Afgʻoniston siyosiy hayotida ayollar sonini koʻpaytirish zarurligi hamda dunyoning qolgan qismi ularni shunchaki qurbonlar yoki yordam oluvchilar emas, balki hamkorlar sifatida koʻrishi lozimligi haqida soʻz yuritgan[8].
2018-yil 31-dekabrda Prezident Ashraf Gʻani Adela Razni Afgʻonistonning Birlashgan Millatlar Tashkilotidagi doimiy vakili etib tayinlagan va bu lavozimda Raz elchi Mahmud Saykalning oʻrnini egallagan. U bu lavozimni egallagan birinchi ayol hisoblanadi[3][9][10][11]. 2019-yil martida Raz yakdillik bilan BMTning Falastin xalqining ajralmas huquqlarini amalga oshirish qoʻmitasi vitse-prezidenti etib saylandgan[12].
Raz 2021-yil 26-iyulda Afgʻonistonning AQShdagi elchisi etib tayinlandi[13]. 2021-yilda Kobulning qulashi natijasida islom respublikasi agʻdarilib, Tolibon qaytganidan soʻng avvalgi afgʻon hukumati endilikda mamlakat ustidan nazoratga ega boʻlmasa-da, Raz oʻz lavozimida qolishda davom etdi. 2022-yil 18-fevralda Raz elchilik lavozimidan isteʼfoga chiqqani xabar qilingan[14].
2022-yil 14-aprelda Raz Afgʻoniston siyosatiga yoʻnaltirilgan siyosat instituti, yangi tashkil etilgan Afgʻoniston siyosat laboratoriyasu direktori etib tayinlangani eʼlon qilindi. Laboratoriya Prinston universitetining Jamoat va xalqaro ishlar maktabi hamda Lixtenshteyn oʻz taqdirini oʻzi belgilash instituti o‘rtasidagi qoʻshma tashabbus hisoblanadi[15].
Shaxsiy hayoti
Adela Raz Afgʻonistonning sobiq Prezidenti Ashraf Gʻanining sobiq aparat rahbari Matin Bekga turmushga chiqqan[16].
Manbalar
- ↑ 1,0 1,1 1,2 1,3 1,4 Elam-Thomas, Harriet Lee; Robison, Jim. Diversifying Diplomacy: My Journey from Roxbury to Dakar. University of Nebraska Press, 2017 — 172–177-bet. ISBN 9781612349503.
- ↑ 2,0 2,1 2,2 2,3 2,4 „Biography of Mrs. H.E. Adela RazDeputy Foreign Minister for Economic Cooperation“. Ministry of Foreign Affairs, Islamic Republic of Afghanistan. 2020-yil 30-sentyabrda asl nusxadan arxivlangan. Qaraldi: 2019-yil 1-yanvar.
- ↑ 3,0 3,1 Khan Saif, Shadi „Afghanistan appoints first female permanent UN envoy“. Anadolu Agency (2018-yil 31-dekabr). Qaraldi: 2019-yil 1-yanvar.
- ↑ Harwooni, Mirwais; Shalizi, Hamid „Afghan Taliban attack in Kabul throws peace talks into further doubt“. Reuters (2013-yil 25-iyun). Qaraldi: 2019-yil 1-yanvar.
- ↑ Graham-Harrison, Emma „Hamid Karzai orders changes to draft law amid fears for Afghan women“. The Guardian (2014-yil 18-fevral). Qaraldi: 2019-yil 1-yanvar.
- ↑ Ghanizada, Ahmad Shah „Adela Raz appointed deputy foreign minister for economic affairs“. Khaama Press (2016-yil 19-mart). Qaraldi: 2019-yil 1-yanvar.
- ↑ Mashal, Mujib „Cutting Into Afghan Patronage: A Struggle to Make Government Younger“. The New York Times (2018-yil 9-yanvar). Qaraldi: 2019-yil 1-yanvar.
- ↑ Mizener, Sara „Adela Raz and The New Generation of Afghan Women Leaders Delegation“. The Initiative to Educate Afghan Women (2018-yil 8-mart). 2020-yil 30-oktyabrda asl nusxadan arxivlangan. Qaraldi: 2019-yil 1-yanvar.
- ↑ Kakar, Javed Hamim „Adela Raz new Afghan ambassador to UN“. Pajhwok Afghan News (2018-yil 31-dekabr). Qaraldi: 2019-yil 1-yanvar.
- ↑ Ashrafi, Nabila „Govt Appoints New Representative To UN“. TOLO News (2019-yil 1-yanvar). Qaraldi: 2019-yil 1-yanvar.
- ↑ „Adela Raz becomes Afghanistan's first female envoy to UN“. The Frontier Post (2018-yil 31-dekabr). 2020-yil 30-oktyabrda asl nusxadan arxivlangan. Qaraldi: 2019-yil 1-yanvar.
- ↑ Farooq, Umar „UN picks Afghan envoy as VP of Palestinian committee“. Anadolu Agency (2019-yil 29-mart). Qaraldi: 2019-yil 30-aprel.
- ↑ Afghan Embassy DC [@Embassy_of_AFG]. „Today Amb. @AdelaRaz officially began her first day as Afgʻs newly appointed Ambassador to the U.S.“ (2021-yil 26-iyul). Qaraldi: 2022-yil 2-aprel.
- ↑ Madina Morwat. „Afghan Ambassador to US to Step Down“. TOLOnews (2022-yil 18-fevral). Qaraldi: 2022-yil 19-fevral.
- ↑ „SPIA launches Afghanistan Policy Lab“ (en). Princeton University. Qaraldi: 2022-yil 8-dekabr.
- ↑ Swan, Jonathan „Afghan ambassador: Biden doesn't care about fate of Afghan girls“ (en). Axios (2021-yil 3-oktyabr). Qaraldi: 2022-yil 26-avgust.