Acontia lucida
| Acontia lucida | |
|---|---|
 | |
Ilmiy tasniflash | |
| Olam: | Hayvonlar |
| Tip: | Bo‘g‘imoyoqlilar |
| Sinf: | Hasharotlar |
| Turkum: | Lepidoptera |
| Oila: | Noctuidae |
Acontia lucida (inglizcha nomi — pale shoulder) — Noctuidae oilasiga mansub kuya turi. Ilk bor 1766-yilda Johann Siegfried Hufnagel tomonidan tavsiflangan[1][2].
Tarqalishi va yashash muhiti
Tur Yevropaning katta qismida, sharqda Turkiya, Eron va Hindistongacha uchraydi. Jazoirdan ham qayd etilgan. Buyuk Britaniyaning janubiy sohillariga kamdan-kam uchib keladi[3]. Ozuqa oʻsimliklari oʻsadigan oʻtloqlar, quruq yaylovlar, dashtlar, qumtepalar va yoʻl chetlarida yashaydi.
Tavsifi
Qanotlari yoyilganda 26–30 mm ga yetadi. Boshi, koʻkragi va qorni oq. Old qanotining old qismi kulrang-oq, oʻrtasida esa keng, toʻq qoʻngʻir, dogʻli-marmarsimon tasma bor, u markazda kengayadi. Old qanotining tashqi chetida oq belgi, uchiga yaqin joyda qoʻngʻir belgi joylashgan. Orqa qanotlari oqish-qoʻngʻir, uchiga yaqin qoʻngʻir tasmali. Qurtlari yashil yoki qoʻngʻir, koʻndalang oqish tasmalar bilan[4].
Biologiyasi
Qurtlari koʻp oʻsimlikxoʻr boʻlib, turli oʻtsimon oʻsimliklar, asosan gulxayri (Malva), Althaea officinalis, dala pechaki (Convolvulus arvensis), sho‘ra (Chenopodium) va qoqio‘t (Taraxacum) bilan oziqlanadi. Voyaga yetgan kuyalar ikki avlodda, may va avgustda quyoshli kunlarda uchadi[5]. Ular yorugʻlikka intiladi. Tur tuproq ostida gʻumbak holida qishlaydi. Kamdan-kam hollarda migratsiya qiladi.
Manbalar
- ↑ „Acontia lucida (Hufnagel, 1766)“. Lepidoptera and Some Other Life Forms (2020-yil 31-may). Qaraldi: 2020-yil 20-sentyabr.
- ↑ "Pale Shoulder Acontia lucida (Hufnagel, 1766)"[sayt ishlamaydi]. BioLib. Retrieved 20 September 2020.
- ↑ Fauna Europaea
- ↑ Watson, L. & Dallwitz, M. J. "Acontia Ochsenheimer". British Insects: the Genera of Lepidoptera-Noctuidae. Archived 25 July 2008.
- ↑ Kimber, Ian „73.028 BF2415 Pale Shoulder Acontia lucida (Hufnagel, 1766)“. UKMoths. Qaraldi: 2020-yil 20-sentyabr.
 | Noctuidaega oid ushbu maqola chaladir. Siz uni boyitib, ZiyoSferaga yordam berishingiz mumkin. |