Abulharet Muhammad

Abulharet Muhammad (forscha: ابوالحارث محمد‎‎; taxminan 982-yilda vafot etgan) 10-asrning nomaʼlum sanasidan 982-yilgacha Guzgondagi Farigʻuniylar sulolasining ikkinchi hukmdori boʻlgan. Ahmad ibn Farigʻunning oʻgʻli va vorisi.

Abulharetning otasi 10-asrda vafot etgach, Abulharet Muhammad otasining oʻrniga Guzgon hukmdori boʻlgan. Keyinchalik Farigʻuniylar taʼsirini kengaytirib, Gʻarchiston hamda butparast hudud boʻlgan Gʻurning ayrim qismlaridan xiroj yigʻdi. Shuningdek, Guzgondagi koʻchmanchi arab qabilalarini ham oʻz nazorati ostida tutib, ularning boshligʻini tayinlash huquqiga ega edi. Uning bir qizi ham boʻlib, Somoniy hukmdor Nuh IIga turmushga chiqqan. Taxminan 982-yilda yozilgan „Hudud ul-Olam“ asari nomaʼlum muallif tomonidan Abulharetga bagʻishlab yaratilgan boʻlib, asar muallifi Shaya ibn Farigʻun boʻlishi mumkin. Abulharet koʻp oʻtmay vafot etgach va uning oʻrniga oʻgʻli Abulharet Ahmad taxtga oʻtirgan.

Adabiyotlar

• Bosworth, C. E. (1984). "ĀL-E FARĪḠŪN". in Yarshater, Ehsan. Encyclopædia Iranica, Volume I/7: Ahriman–Alafrank. London and New York: Routledge & Kegan Paul. 756-758 b. ISBN 978-0-71009-096-6. https://www.iranicaonline.org/articles/al-e-farigun-a-minor-iranian-dynasty-of-guzgan-/#citation. 
• Frye, R.N. „The Sāmānids“, . The Cambridge History of Iran, Volume 4: From the Arab Invasion to the Saljuqs. Cambridge: Cambridge University Press, 1975 — 136–161-bet. ISBN 0-521-20093-8.