Abul-Mavohib ash-Shinnaviy
Abul-Mavohib ash-Shinnaviy yoki Abul-Mavohib Ahmad ibn Ali ibn Abdul Quddus ash-Shinnaviy (arabcha: أحمد بن علي بن احمد بن عبد القدوس ابن محمد الشناوي أبو المواهب) – al-Xomiy yoki al-Hanoiy (arabcha: الحنائي) nomi bilan ham tanilgan, Shattariya soʻfiylik tariqatining yetakchisi.
Hayoti
Ash-Shinnaviy hijriy 975-yil (milodiy 1568-yilda) Qohira gʻarbida joylashgan Mahallat-Ruh shahrida taniqli soʻfiy ash-Shinnaviy oilasida tugʻilgan. Otasi Ali ibn Abdulquddus ash-Shinnaviy xalq orasida mashhur yetakchi va Ahmad al-Badaviydan keyingi Ahmadiy shayx boʻlgan. Diniy taʼlim olish maqsadida Madinaga koʻchib borgan. Keyinchalik u mashhur soʻfiy va oʻz davrida Madinadagi naqshbandiya tariqatining yetakchi shayxiga aylangan.
Ash-Shinnaviy hijriy 1028-yil (milodiy 1619-yilda) vafot etgan. Uning koʻplab shogirdlari orasida Sayfiddin al-Qushoshiy ham boʻlib, u oʻz ustozini avliyo „Zamon muhri“ deb ulugʻlagan.
Asarlari
Al-Bagʻdodiy va Carl Brockelmann al-Shinnaviy asarlarining roʻyxatini tuzishgan. Jumladan al-Bagʻdodiy 18 ta[1] va Brockelmann esa 5 tasini roʻyxatga kiritgan[2].