Abu Isʼhoq al-Zajjoj
| Abu Isʼhoq al-Zajjoj | |
|---|---|
| arabcha: أبو إسحاق إبراهيم بن محمد بن السري الزجاج | |
| Tavalludi | taxminan 842 |
| Vafoti |
922-yil 13-oktyabr Bagʻdod |
| Kasbi | grammatik olim |
| Faoliyat yillari | xalifa al-Mutazid hukmronlik davri |
Abu Is’hoq Ibrohim ibn Muhammad ibn as-Sariy az-Zajjoj (arabcha: أبو إسحاق إبراهيم بن محمد بن السري الزجاج) – Basra maktabi grammatik olimi, filologiya va ilohiyot boʻyicha yetuk mutaxassis, Abbosiylar saroyida eʼtiborli shaxs sifatida tanilgan. 922-yilda Bagʻdodda vafot etgan[1].
Hayoti
Abu Is’hoq Ibrohim ibn Muhammad as-Sariy az-Zajjoj dastlab shishasoz boʻlgan, „az-Zajjoj“ soʻzi ham aynan „shishachi“ degan maʼnoni anglatadi. Keyinchalik bu hunarni tashlab, tilshunoslik sohasini oʻrganishga kirishgan. Basra maktabining yetakchi grammatiklaridan al-Mubarrad va Kufa maktabining namoyandasi Saʼlab qoʻlida tahsil olgan. Al-Zajjoj oʻz davrining eng iqtidorli talabalaridan biri boʻlgan. U Basra grammatiklaridan Abu Fahd rahbarligida mashhur tilshunos Sibavayhning „Al-Kitob“ asarini chuqur oʻrgangan.
Az-Zajjoj dastlab vazir Ubaydulloh ibn Sulaymon ibn Vahbning oʻgʻli Qosim ibn Ubaydullohning murabbiyi sifatida Abbosiylar saroyiga kelgan. Keyinchalik xalifa al-Mutazidning oʻgʻillariga ham murabbiylik qilgan.