Abu Ahmad al-Kissiy
Abu Ahmad Iso ibn Junayd an-Nahviy al-Kissiy | |
|---|---|
| Shaxsiy maʼlumotlar | |
| Tavalludi | IX asr |
| Dini | Islom |
| Tanilgan sohasi | muhaddis, faqih, adib |
Abu Ahmad al-Kissiy (arabcha: أبو أحمد الكسي — Abu Ahmad Iso ibn Junayd an-Nahviy al-Kissiy) — muhaddis, faqih va adib.
Abu Ahmad al-Kissiy ulug‘ muhaddis, faqih, arab tili olimi va adib bo‘lgan. O‘z davrining eng mashhur muhaddislaridan sanalgan Yazid ibn Horun, Abu Ubayd ibn Muammar ibn al-Musanniy, Hishom ibn al-Kalbiy va boshqalardan hadis rivoyat qilgan. Abu Ahmad al-Kissiyning „Kitāb at-tasrӣf“ („Feʼllarning tuslanishi“) nomli arab tili grammatikasiga oid asari bo‘lgan.
Iqtibos
Sahl ibn Shozuya u haqida shunday so‘zlarni aytgan:
Men Abu Ahmad Iso ibn Junayd an-Nahviy adib al-Kissiydan aqlliroq birorta xurosonlikni va arab tilini undan ko‘proq bilguvchi birorta kishini uchratmadim.
Undan buyuk muhaddislar Imom al-Buxoriy, Abdulhamid al-Keshiy va boshqalar hadis rivoyat qilib, uning shogirdlaridan sanalgan. Abu Ahmad al-Kissiyning ismiga „Adib“ va „an-'Nahviy“ning qo‘shib aytilishi, adib va arab tili bilimdoni bo‘lganiga ishorat qilgan[1].
Adabiyotlar
- Sh. Umarov. O‘rta asrlarda yashagan keshlik allomalar. — Samarqand: „Imom Buxoriy xalqaro markazi“, 2014. 64;
- O‘rta asr Sharq allomalari ensiklopediyasi. — Samarqand: „Imom Buxoriy xalqaro markazi“, 2016. 191.
Manbalar
- ↑ Ислом энциклопедияси (oʻzbekcha,), 2020-yil. ISBN 978-9943-59-267-4.
 | Ushbu maqolada Islom ensiklopediyasi (2020) maʼlumotlaridan foydalanilgan. |
 | Islom shaxsiyati haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |