Abu Abdulloh Muhammad al-Muntasir
| Abu Abdulloh Muhammad al-Muntasir | |
|---|---|
| Hafsiylar sultonligi xalifasi | |
| Saltanat | 1434-yil iyul – 1435-yil 16-sentyabr |
| Oʻtmishdoshi | Abu Faris Abdulaziz II |
| Davomchisi | Abu Amr Usmon |
| Vafoti |
1435-yil 16-sentyabr Hafsiylar sultonligi |
| Sulola | Hafsiylar |
| Dini | Islom |
Abu Abdulloh Muhammad al-Muntasir (arabcha: أبو عبد الله محمد المنتصر الثاني) – 1434–1435-yillarda Ifriqiyaning hafsiy xalifasi[1][2].
Hayoti
Abu Abdulloh Muhammad al-Muntasir Abu Abdulloh Muhammad al-Mansur va valensiyalik Rim ismli nasroniy joriyaning oʻgʻli edi. Otasi yaʼni Abu Abdulloh Muhammad al-Mansur Abu Faris Abdulaziz II ning oʻgʻli va taxt vorisi edi, biroq u otasidan oldin 1430-yilda vafot etgan. Shundan soʻng Abu Faris anʼanaga koʻra boshqa oʻgʻillaridan birini emas, balki nabirasini voris qilib tayinlagan[3]:239–40.
Taxt uchun kurash tez orada uning amakilari oʻrtasida boshlanib ketdi. Abu Abdulloh amakisi al-Mu’tamidni qoʻlga olib, koʻzini koʻr qildirdi. Shuningdek, oʻzining akasi Abu al-Fadlni ham hibsga olishni buyurdi. U janubda harbiy yurishda boʻlgan paytida yana ikki nafar Hafsiy shahzoda Abu Yahyo Zakariyo va uning ukasi isyon koʻtardi, biroq oʻzlari keyinchalikQusantinaga qochib ketishdi. Ularni afv etish vaʼda qilinganidan keyin Tunisga qaytarildi. Soʻngra ular ham, taxminlarga koʻra, qatl etilgan. Abu Abdullohning oʻzi esa 1435-yil sentyabr oyida isyon koʻtargan badaviylarga qarshi yurish chogʻida kasallikdan vafot etdi. Abu Abdulloh oʻzining qisqa hukmronligi davrida Tunisdagi Bab Saadoun darvozasi yonida jamoat uchun ichimlik suvi favvorasi va oʻzining nomi bilan atalgan madrasa qurdirgan edi[4]:241.
Abu Abdulloh vafot etgach, tartibsizliklar davom etdi, biroq oxir-oqibat barcha isyonlar uning ukasi va vorisi Abu Amr Usmon tomonidan bostirildi[5].
Manbalar
- ↑ Ilahiane, Hsain. Historical Dictionary of the Berbers (Imazighen). Lanham Maryland: The Scarecrow Press, 2006 — 156-bet. ISBN 978-0-8108-5452-9.
- ↑ Muzaffar Husain Syed. Concise History of Islam. Vij Books India Pvt Ltd, 2011-09-14 — 148-bet. ISBN 978-93-82573-47-0.
- ↑ Brunschwig, Robert. La Berberie Orientale sous les Hafsides. Adrienne-Maisonneuve, 1940.
- ↑ Brunschwig, Robert. La Berberie Orientale sous les Hafsides. Adrienne-Maisonneuve, 1940.
- ↑ Idris El Hareir. The Spread of Islam Throughout the World. UNESCO, 2011-01-01 — 419-bet. ISBN 978-92-3-104153-2.
| Oʻtmishdoshi: Abu Faris Abdulaziz II |
Hafsiylarsulolasi]] 1434–1435 |
Vorisi: Abu Amr Usmon |