Abolitsionizm

Abolitsionizm (lotincha: abolitio -yoʻqotish, bekor qilish) — 1) biror qonunga barham berish uchun qilinadigan ijtimoiy harakat; 2) qora tanli insonlarni qullikdan ozod qilish harakati. Abolitsionizm XVIII asrda AQSH, Fransiya va Buyuk Britaniyada paydo boʻlib, XIX asrning birinchi yarmida avj olgan. AQShdagi Abolitsionizm jamiyatlari quldorlikka qarshi targʻibotni kuchaytirdilar. Abolitsionizm ziyolilar, fermerlar va ishchilarni birlashtirdi. U 1861-1865-yillarda AQShda boʻlib oʻtgan fuqarolar urushini tayyorlashda muhim rol oʻynadi. Bu urush natijasida AQSH janubidagi quldorlikka chek qoʻyildi; 3) Buyuk Britaniya, Fransiya va boshqa ayrim mamlakatlarda mustamlakalardagi quldorlikni bekor qilish uchun olib borilgan kurash harakati.^[1]

Manbalar

↑ Fayl:National Encyclopedia of Uzbekistan logo.png „Abolitsionizm“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.

[1] Fayl:National Encyclopedia of Uzbekistan logo.png „Abolitsionizm“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

[1]