Abo
Abo (arabcha: عبا – choponga oʻxshash jun kiyim) – erkaklarning uzun ustki kiyimi (kalta yeng, paxtasiz, avrasi jun yoki ip matoli). Qadim Sharqda uni koʻpincha qalandar va darvishlar kiygan. Abo Turkistonga islom dinining tarqalishi natijasida kirib kelgan. U toʻn maʼnosida VII asrdan maʼlum. Abo nomi turkiy adabiyotda XIV asr shoiri Sayfi Saroyining „Guliston“ asarida kiyim maʼnosida tilga olingan. Bu kiyimni XIV-XV asrlarda yuqori tabaqa kishilari kiygan. XX asrning 20-yillarigacha Samarqand va Buxoro amaldorlari qimmatli gazlamalardan kashta tikib, toshlar qadab bezatilgan Abo kiygan. Aboning noyob namunalari muzeylarda saqlanmoqda. XX asrning 70-80-yillaridan sanʼatkorlarning sahna kiyimi sifatida kiyishi urf boʻldi[1].
Manbalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Tarixga oid ushbu maqola chaladir. Siz uni boyitib, ZiyoSferaga yordam berishingiz mumkin. |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |