Abidjan
Abidjan | |
|---|---|
| Mamlakat | Kot-dʼIvuar |
Abidjan — Kot-d’Ivuarda joylashgan shahar (1960 — 1983-yillarda poytaxt) va asosiy portlardan biri. Abidjan departamentining maʼmuriy markazi. Gvineya qoʻltigʻi sohilida joylashgan boʻlib, maydoni qariyb 20 km². Aholisi shahar atrofi bilan 2 million kishi (1985-yil), asosan afrikaliklar. Abidjan — Afrikadagi zamonaviy shaharlardan. Abidjanga XIX asrning 80-yillarida fransuzlar asos solgan. 1934-yildan Fransiyaning Fil Suyagi Qirgʻogʻi mustamlakasining maʼmuriy markazi. Mamlakatning tashqi savdosi Abidjan orqali olib boriladi. Abidjan Gʻarbiy Afrikaning eng yirik portlaridan biri, xalqaro aeroport bor. Oziq-ovqat, neftni qayta ishlash (Gʻarbiy Afrikadagi eng katta neftni qayta ishlash zavodi), yengil sanoat korxonalari mavjud. Universitet, Dakardagi Qora Afrika institutining filiali, bir necha teatr, kutubxonalar, radiostansiya, telemarkaz va boshqa bor[1].
Manbalar
- ↑ Fayl:National Encyclopedia of Uzbekistan logo.png „Abidjan“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |