Kontent qismiga oʻtish

Abi Tripp

ZiyoSfera, erkin ensiklopediya
Abi Tripp
Shaxsiy maʼlumotlari
Tavallud sanasi 2001-yil 6-yanvar (2001-01-06) (25 yosh)
Kingston (Ontario), Kanada
Boʻyi 163 sm
Sport
Mamlakat Kanada bayrogʻi Kanada
Qaysi sport para suzish
Klubi Kingston Penguins Aquatic Club
Murabbiy(lar)i Vicki Keith

Abigail „Abi“ Tripp (2001-yil 6-yanvarda tugʻilgan) – kanadalik para suzuvchi. Hamdoʻstlik oʻyinlari va para suzish boʻyicha jahon chempionatida bronza medallarini qoʻlga kiritgan[1]. 2023-yilgi para suzish boʻyicha jahon chempionatida kumush medalga sazovor boʻlgan. 2016, 2020 va 2024-yilgi Paralimpiya oʻyinlarida suzish boʻyicha Kanada sharafini himoya qilgan.

Yoshlik davri va taʼlimi

Tripp 2001-yil 6-yanvarda Kanadaning Ontario shtati Kingston shahrida muddatidan toʻqqiz yarim hafta oldin tugʻilgan[2]. Otasining ismi Steve, onasining ismi Helen Tripp[3]. Uning Ben ismli akasi bor[2]. Ikki yoshida Trippga serebral falaj tashxisi qoʻyilgan[4].

2006-yilda Tripp „Kids of Steel“ triatlon musobaqasida qatnashgan. Musobaqa vaqtida u Vicki Keithning eʼtiborini tortgan va keyinchalik Keith uning onasiga nogironligi boʻlgan bolalar uchun moʻljallangan „Kingston Y Penguins“ suzish jamoasiga qoʻshilishni taklif qilgan[4][5]. Shunday qilib, Tripp 6 yoshida „Kingston Y Penguins“ jamoasi tarkibiga qoʻshilgan[3].

Tripp Rideau mahalliy maktabida[3], soʻngra Regiopolis-Notre Dame katolik oʻrta maktabida tahsil olgan[2]. 7 yoshida unga distoniya tashxisi qoʻyilgan[6]. U Laval universitetida psixologiya yoʻnalishi boʻyicha taʼlim olgan[7].

Karyerasi

2015-yilda oʻtkazilgan Parapan Amerika oʻyinlari Tripp uchun ilk yirik musobaqa boʻldi va 50 hamda 100 metrga erkin uslub, 100 metrga brass va 200 metrga kompleks suzish yoʻnalishlarida ishtirok etdi[8]. Tripp toʻrttala yoʻnalishning barchasida 4-oʻrinni egalladi[9]. 2016-yilgi milliy musobaqada ayollar oʻrtasida SM8 toifasida 200 metrga kompleks suzish yoʻnalishida Andrea Cole tomonidan 2002-yilda oʻrnatilgan 3:03.04 soniyali rekordni saralash bosqichida 3:00.98 koʻrsatkich bilan yangiladi. Finalda esa oʻz rekordini yana yangilab, 2:58.77 natijani qayd etdi[8].

Tripp ilk bor Paralimpiya oʻyinlarida 2016-yilda ishtirok etgan. Sportchi 50, 100 va 400 metrga erkin uslub, 100 metrga chalqancha, 100 metrga brass va 200 metrga kompleks suzish yoʻnalishlarida ishtirok etgan[3]. Tripp uchta yoʻnalishda musobaqaning final bosqichiga chiqqan, jumladan, 200 metrga kompleks suzish bahslarida sakkizinchi, 100 metrga erkin uslubda yettinchi, 400 metrga erkin uslubda suzish bahslarida esa oltinchi oʻrinni egallagan va Kanada rekordini oʻrnatgan[10][2].

Tripp 2018-yilda oʻtkazilgan Hamdoʻstlik oʻyinlarida 50 metrga erkin uslubda suzish yoʻnalishida bronza medalini qoʻlga kiritdi. Oʻsha yilning oxirida u Pan Tinch okeani para suzish chempionatida SM8 toifasida 200 metrga kompleks suzish yoʻnalishida toʻrtinchi, S8 toifasida 100 metrga chalqancha suzish yoʻnalishida beshinchi oʻrinni egalladi[6]. 2019-yilda sportchi Katarina Roxon, Aurélie Rivard va Tess Routliffe bilan birgalikda jahon chempionatida 4×100 metrga erkin uslubda estafeta suzish bahslarida bronza medalini qoʻlga kiritdi[11]. Bu Trippning jahon chempionatidagi ilk medali edi[12]. Oʻsha yili u Kiwanis klubi „Yil sportchisi“ unvoniga sazovor boʻldi[13].

2019-yilgi jahon chempionatidagi final natijalariga koʻra, Tripp 2020-yilgi Yozgi Paralimpiya oʻyinlarida ishtirok etish huquqini qoʻlga kiritdi[13], ammo oʻyinlarda SB7 toifasida 100 metrga brass va ayollar oʻrtasida 4×100 metrga kompleks estafeta suzish bahslaridan diskvalifikatsiya qilindi. Brass yoʻnalishida uning oyoq harakatlari qonuniy emas deb topildi, bunda uning serebral falaj va distoniya tashxislari ham inobatga olingan[14][7].

2023-yilda Tripp toʻrt yillik muddatga Kanada Paralimpiya sportchilari kengashiga saylandi[15][16]. U 2023-yilgi para suzish boʻyicha jahon chempionatida ayollar oʻrtasida 100 metrga brass usulida suzish yoʻnalishida kumush medalni qoʻlga kiritdi[17]. Sportchi 2024-yilgi Parij Paralimpiya oʻyinlarida Kanada sharafini himoya qilish uchun tarkibga kiritilgan[18].

Manbalar

  1. ↑ „Abi Tripp - Swimming Canada“. Swimming Canada (2019-yil 25-dekabr). 2017-yil 6-sentyabrda asl nusxadan arxivlangan.
  2. ↑ 2,0 2,1 2,2 2,3 Kennedy, Patrick. „A 'phenomenal' Tripp“. Kingston Whig Standard (2016-yil 21-sentyabr). Qaraldi: 2024-yil 5-avgust.Kennedy, Patrick (2016-09-21). „A 'phenomenal' Tripp“. Kingston Whig Standard. Retrieved 2024-08-05.
  3. ↑ 3,0 3,1 3,2 3,3 Kennedy, Patrick. „Kingston swimmer ready for Rio Paralympic Games“. Kingston Whig Standard (2016-yil 15-avgust). Qaraldi: 2024-yil 5-avgust.Kennedy, Patrick (2016-08-15). „Kingston swimmer ready for Rio Paralympic Games“. Kingston Whig Standard. Retrieved 2024-08-05.
  4. ↑ 4,0 4,1 Bryce. „Kingston in Focus with Abi Tripp“ (en). BM Photography (2020-yil 18-yanvar). Qaraldi: 2024-yil 5-avgust.Bryce, Murdoch (2020-01-18). „Kingston in Focus with Abi Tripp“. BM Photography. Retrieved 2024-08-05.
  5. ↑ Balogh, Meghan. „Kingston swimmer headed to world-class competition“. Kingston Whig Standard (2019-yil 5-avgust). Qaraldi: 2024-yil 5-avgust.
  6. ↑ 6,0 6,1 Grossman. „Abi Tripp“. Swim Ontario (2020-yil 1-iyun). Qaraldi: 2024-yil 5-avgust.Grossman, David (2020-06-01). „Abi Tripp“. Swim Ontario. Retrieved 2024-08-05.
  7. ↑ 7,0 7,1 Harvey. „Paralympian Abi Tripp reveals how disqualification brought clarity, joy“ (en-US). Kingstonist News (2021-yil 17-sentyabr). Qaraldi: 2024-yil 5-avgust.Harvey, Yona (2021-09-17). „Paralympian Abi Tripp reveals how disqualification brought clarity, joy“. Kingstonist News. Retrieved 2024-08-05.
  8. ↑ 8,0 8,1 Alli. „Abi Tripp breaks two Canadian records in one day at nationals“ (en-CA). The Toronto Observer (2016-yil 8-aprel). Qaraldi: 2024-yil 5-avgust.
  9. ↑ Scilley. „For the fourth time, Abi Tripp finishes fourth at the Parapan Am Games“. Sport Kingston (2015-yil 14-avgust). 2024-yil 5-avgustda asl nusxadan arxivlangan. Qaraldi: 2024-yil 5-avgust.
  10. ↑ Coppella. „Kingston at the Olympics: Abi Tripp Takes on Tokyo 2020“ (en-US). Visit Kingston. Qaraldi: 2024-yil 5-avgust.
  11. ↑ „Roxon, Canadian relay shine on final day of Para-swimming worlds“ (en-US). Canadian Paralympic Committee (2019-yil 15-sentyabr). Qaraldi: 2024-yil 5-avgust.
  12. ↑ Borkowski. „Canadians end World Para Swimming Championships with relay bronze“ (en-CA). The Toronto Observer (2019-yil 15-sentyabr). Qaraldi: 2024-yil 5-avgust.
  13. ↑ 13,0 13,1 McAlpine, Ian. „Kingston's Abi Tripp heading to her second Paralympic Games“. Kingston Whig Standard (2021-yil 20-may). Qaraldi: 2024-yil 5-avgust.McAlpine, Ian (2021-05-20). „Kingstonʼs Abi Tripp heading to her second Paralympic Games“. Kingston Whig Standard. Retrieved 2024-08-05.
  14. ↑ MacAlpine, Ian. „Kingston swimmer disqualified from breaststroke heat at Tokyo Paralympics“. Kingston Whig Standard (2021-yil 1-sentyabr). Qaraldi: 2024-yil 5-avgust.
  15. ↑ „Four Paralympians elected to Canadian Paralympic Athletes' Council“ (en-US). Canadian Paralympic Committee (2023-yil 17-yanvar). Qaraldi: 2024-yil 5-avgust.
  16. ↑ MacAlpine, Ian. „Kingston's Abi Tripp to serve on Canadian Paralympic Council“. Kingston Whig Standard (2023-yil 17-yanvar). Qaraldi: 2024-yil 5-avgust.
  17. ↑ „Tess Routliffe and Abi Tripp finish 1st and 2nd at the Para worlds“. CBC (2023). Qaraldi: 2024-yil 5-avgust.
  18. ↑ „Team of 20 Para swimmers nominated to Paris 2024 Canadian Paralympic Team“ (en-US). Canadian Paralympic Committee (2024-yil 20-may). Qaraldi: 2024-yil 5-avgust. 
"https://ziyosfera.uz/index.php?title=Abi_Tripp&oldid=257347" dan olindi