Abdurahmon Xoltojiyev
 | Bu maqolaning betarafligi shubha ostidadir. Batafsilroq maʼlumot uchun maqola munozarasiga qarang. |
Abdurahmon Xoltojiyev | |
|---|---|
| Tavalludi |
1957-yil 14-sentyabr |
| Kasbi | Sozanda |
| Fuqaroligi |
 OʻzSSR →  Oʻzbekiston |
| Mukofotlari |
  |
Abdurahmon Xoltojiyev (1957-yil 14-sentabr, Margʻilon) — oʻzbek sozandasi, chang va qonun cholgʻulari ijrochisi hamda pedagog. 1998-yilda „Oʻzbekistonda xizmat koʻrsatgan artist“ unvoni bilan taqdirlangan.
Hayoti
Abdurahmon Xoltojiyev 1957-yil 14-sentyabrda Fargʻona viloyati Margʻilon shahrida tavallud topgan. 1983-yildan maqol ansamblida faoliyati yuritadi.1968–1972-yillarda Margʻilondagi 2-sonli bolalar musiqa va sanʼat maktabida Baxtiyor Tillaboyev va Sharofiddin Ismoilovdan chang cholgʻusini oʻrgangan. Shu davrda Komiljon Mirzayev rahbarligidagi „Doʻstlik“ bolalar ansamblida faoliyat yuritgan.
1972-yilda Fargʻona musiqa bilim yurtiga oʻqishga qabul qilingan, u yerda Mamasiddiq Madaliyev va Faxriddin Sodiqov shogirdlari taʼlimini olgan. 1976-yilda Muxtor Ashrafiy nomidagi Toshkent davlat konservatoriyasining Sharq musiqasi kafedrasiga ansambl bilan qabul qilingan va Sulaymon Taxalov, Tuygʻun Otaboyev kabi ustozlardan dars olgan. 2002-yildan hozirgacha maqom ansamblida musiqa rahbari boʻlib faoliyat yuritmoqda[1].
Faoliyati
1981-yillarda Ozarbayjonda qonun cholgʻusi ijrochiligini oʻrganib, ushbu cholgʻuni Oʻzbekistonga olib kirgan va keng targʻib qilgan. 1983-yildan Oʻzbekiston teleradio kompaniyasi hamda „Maqom“ ansamblida faoliyat yuritgan.
1985-yildan Sherali Joʻrayev bilan birgalikda ijod qilib, mamlakat ichida va tashqarisida konsertlarda ishtirok etgan. 1987-yildan boshlab Toshkent davlat konservatoriyasi hamda boshqa musiqiy taʼlim muassasalarida pedagogik faoliyat olib borgan; uning shogirdlari Oʻzbekiston va qoʻshni davlatlarda faoliyat yuritadi.
Mukofotlari
- Oʻzbekistonda xizmat koʻrsatgan artist
- 2026-yil 28-mayda Oʻzbekiston Respublikasi xalq artisti faxriy unvoni bilan taqdirlangan[2].
Manbalar
- ↑ S.Begmatov; N.Aminjonov. Maqom ansambli. Toshkent: „Navroʻz“ nashriyoti, 2019 — 40-bet. ISBN 9789943567429.
- ↑ „O‘zbekiston Respublikasi Prezidentining 2026-yil 28-maydagi „Madaniyat, san’at va adabiyot sohalari xodimlaridan bir guruhini mukofotlash to‘g‘risida“gi farmoni“. president.uz (2026-yil 28-may). 2026-yil 28-mayda asl nusxadan arxivlangan. Qaraldi: 2026-yil 28-may.