Abdulla Ubaydullayev
| Abdulla Ubaydullayev | |
|---|---|
| Fayl:Abdulla Ubaydullayev.webp | |
| Tavalludi |
20-mart 1934-yil Toshkent Oʻzbekiston SSR |
| Vafoti |
9-dekabr 2025-yil (91 yoshda) Toshkent Oʻzbekiston |
| Fuqaroligi |
 SSSR —  Oʻzbekiston |
Abdulla Muharramovich Ubaydullayev (1934-yil 20-mart, Toshkent — 2025-yil 9-dekabr, Toshkent) — pulmonolog olim. Oʻzbekiston Fanlar akademiyasi akademik (2000), Oʻzbekistonda xizmat koʻrsatgan tibbiyot xodimi (1998), tibbiyot fanlari doktori (1974), professor (1979). Toshkent Tibbiyot Institutini tugatgach (1958), Toshkent vrachlar malakasini oshirish institutida klinik ordinator (1958–60), aspirant (1961–64), assistent (1964—65), dotsent (1966—70), terapiya fakulteti dekani (1974—86), pulmonologiya va klinik allergologiya kafedrasi mudiri (1978-yildan), 1986-yildan Ftiziatriya va pulmonologiya ilmiy tadqiqot instituti direktori[1]. Oʻzbekistonda pulmonologlar maktabi asoschisi.
Biografiyasi
Ilmiy faoliyati Oʻzbekistonda nafas aʼzolari kasalliklarining epidemiologiyasi, bronxial astma va oʻpka surunkali obstruktiv kasalliklarining genetik omillarini oʻrganish, sil kasalligini erta aniqlash, yondosh kasalliklar bilan kechuvchi silning patogenezi, silga qarshi doridarmonlarning nojoʻya taʼsirini nazarda tutib, bezarar usullardan foydalangan holda kompleks davolashning yangi texnologiyasini ishlab chiqishga oid.
Oʻzbekiston ftiziatrlar va pulmonologlar ilmiy jamiyati raisi (1986-yildan), Yevropa respirator jamiyati hamda Xalqaro sil va oʻpka kasalliklariga qarshi kurash ittifoqi aʼzosi (Parij). „Interastma Rossiya — MDH jamiyati“ boshkaruv aʼzosi (Moskva), Markaziy Osiyo pulmonologlar assotsiatsiyasi vitse-prezidenti. „Vestnik“ — Markaziy Osiyo pulmonologlar assotsiatsiyasi jurnali bosh muharriri (1994).
Vafoti
2025-yil 9-dekabrda vafot etgan[2]. 13-dekabrda Oʻzbekiston Prezidenti Abdulla Ubaydullayev vafot etganligi yuzasidan yaqinlariga hamdardlik bildirgan[3].
Manbalar
- ↑ „Taniqli pulmonolog olim Abdulla Ubaydullayev vafot etdi“ (2025-yil 9-dekabr).
- ↑ „Akademik Abdulla Ubaydullayev olamdan o‘tdi“ (2025-yil 9-dekabr).
- ↑ „Akademik Abdulla Ubaydullayev vafoti munosabati bilan hamdardlik“ (2025-yil 12-dekabr).
Adabiyotlar
- Funksionalnie metodi diagnostiki v pulmonologii (v soavtorstve), T., 1997;
- Oʻpka sarkoidozi (hamkorlikda), T., 2000;
- Bronxialnaya astma (v soavtorstve), T., 2001;
- Nafas organlari kasalliklari, T., 2004.
Havolalar
- Abdulla Ubaydullayev Tipmeuz saytida
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |