A Coruña universiteti
Universidade da Coruña | |
 | |
| Turi | Davlat universiteti |
|---|---|
| Asos solingan sanasi | 1989-yil |
| Rektori | Ricardo Cao Abad |
| Talabalari | ~48 653[1] |
| Fan doktorlari | 225 |
| Professorlari | 799 (2018) |
| Oʻqituvchilari | 1393 (2018) |
| Manzili | , , |
| Veb-sayti | udc.es |
A Coruña universiteti (Universidade da Coruña (galisiya tili)) — Ispaniyaning Galisiya hududidagi A Coruña shahrida joylashgan davlat universiteti. Universitet 1989-yilda tashkil etilgan boʻlib, uning boʻlimlari A Coruñadagi ikkita asosiy kampus va yaqin atrofdagi Ferrol shahridagi kampus oʻrtasida taqsimlangan. A Coruña kampusi shaharning chekka qismidagi uchta hudud — Elviña, Zapateira (Elviña jangi boʻlib oʻtgan hudud yaqinida) va Oza (As Xubias hududi yaqinida)da joylashgan.
Tarixi
Galisiyadagi birinchi universitet 1495-yilda Santyago-de-Kompostela universiteti sifatida tashkil etilgan va 1980-yillarning boshlarigacha Galisiyadagi yagona universitet boʻlib qolgan. 1980-yillarning boshlarida Santyago-de-Kompostela universiteti tarkibidan A Coruña va Vigo shaharlarida ikkita universitet kampusi tashkil etildi.
1960-yillarning boshlarida Ferroldagi Dengiz va sanoat muhandislari maktabi ham vazirlik buyrugʻi asosida ilmiy daraja beruvchi muassasa sifatida tashkil etildi. 1990-yilgacha maktab Madriddagi Taʼlim vazirligiga bevosita boʻysungan. 1990-yilda maktab A Coruña universiteti bilan birlashtirildi.
1980-yillarning oxirlarida dastlab Santyago-de-Kompostela universiteti tarkibiga kirgan A Coruña va Vigodagi ikkita kampus oʻz universitet darajalarini berish vakolatiga ega boʻlgan toʻliq mustaqil universitetlarga aylandi.
1990-yillarning boshlarida universitetlar oʻzlarining qoʻshimcha kampuslarini tashkil etdilar:
- Santyago-de-Kompostelada joylashgan Santyago-de-Kompostela universiteti — Lugoda kampusi mavjud;
- A Coruña shahrida joylashgan A Coruña universiteti — Ferrolda kampusi mavjud;
- Vigoda joylashgan Vigo universiteti — Ourense va Pontevedrada kampuslari mavjud.
Tashkiloti
A Coruña universiteti oʻz aʼzolariga boshqaruv, taʼlim va byudjet masalalarini taklif qilish, muhokama qilish va ular boʻyicha qaror qabul qilish imkonini berish uchun ochiq kodli dasturiy ta’minot boʻlgan Consul dasturidan foydalanadi[2][3].
Taniqli oʻqituvchilar
- Rosa Cobo Bedía (1956-yilda tugʻilgan) — feminist, yozuvchi] va A Coruña universitetida gender sotsiologiyasi professori.
- Amparo Alonso Betanzos — A Coruña universiteti professori, universitetning Sunʼiy intellektni tadqiq etish va rivojlantirish laboratoriyasiga (LIDIA) rahbarlik qiladi.
Taniqli bitiruvchilar
- Miguel Dongil y Sánchez (1987-yilda tugʻilgan) — tarixchi.
Manbalar
- ↑ „"Narxoz", Moliya va Fiskal oliygohlari birlashtirildi - talabalar qayerga ko'chadi?“. [www.youtube.com](https://www.youtube.com). Qaraldi: 26-mart 2024-yil.
- ↑ „UDC Decide“. udcdecide.udc.gal. Qaraldi: 2020-yil 21-avgust.
- ↑ „CONSUL“. consulproject.nl. Qaraldi: 2020-yil 21-avgust.
Havolalar
 |
Vikiomborda „A Coruña universiteti“ mavzusi boʻyicha mediafayllar bor. |