Aʼzam Obid

Aʼzam Obidov
	Fayl:Aʼzam Obidov.jpg
Tavalludi	1974-yil 8-noyabr (51 yosh); Namangan shahri, Namangan viloyati, OʻzSSR
Kasbi	Shoir, tarjimon
Ijod qilgan tillari	Ingliz va oʻzbek tillari
Fuqaroligi	Oʻzbekiston
Mukofotlari	Franklin mukofoti, Eagle mukofoti
Veb-sayti
	azamabidov.uz

Ziyosferada ismi Aʼzam va familiyasi Obidov boʻlgan boshqa kishilar haqida ham maqolalar mavjud.

Aʼzam Obid (1974) — shoir, yozuvchi va tarjimon^[1].

Hayoti

Aʼzam Obidov 1974-yilning 8-noyabrida Namangan shahrida tugʻilgan^[2]. Shahridagi 7-sonli maktabni oltin medal bilan tamomlaganidan soʻng, Namangan davlat universiteti va Toshkent davlat iqtisodiyot universitetida oʻqigan. Hozirda AQSh elchixonasida faoliyat yuritadi. Oilali, 3 nafar farzandi bor.

Ijodi

Aʼzam Obidov oʻzbek va ingliz tillarida ijod qiladi^[3]. Uning „Yoʻlimni poylaydi moʻjiza“ (oʻzbek va ingliz tillarida), „Muhabbat, oqaver tomirlarimda“ (N. Abdullayeva bilan hammualliflikda), „Sogʻintirib ketgum qadamlarimni“, „My name is Uzbekistan“ (oʻzbek va ingliz tillarida) kabi kitoblari nashrdan chiqqan. Ijodi dunyoning 25 tiliga tarjima qilingan. Sheʼrlari va tarjimalari kitob holida Buyuk Britaniya, Hindiston, Germaniya, Fransiya, AQShda chop etilgan.

Tarjimalari

Aʼzam Obidov bir qator oʻzbek ijodkorlarining ijodini ingliz tiliga tarjima qilgan. Jumladan, Alisher Navoiyning "Farhod va Shirin" dostonining inglizcha tarjimasi Turkiyada, gʻazallari tarjimasi AQShda chop etilgan. Shuningdek, Oʻzbekiston Respublikasi xalq yozuvchisi Erkin Aʼzamning romanlari, Salomat Vafo, Evril Turon kabi adiblar va Abdulhamid Choʻlpon, Usmon Nosir, Rauf Parfi, Jamol Kamol, Oʻroz Haydar, Bahrom Roʻzimuhammad, Baxtiniso Mahmudova kabi shoirlarning sheʼrlarini ingliz tiliga tarjima qilgan.

Adabiy loyihalardagi ishtiroki

Aʼzam Obidov xorijiy davlatlarda tashkil etilgan turli adabiy loyiha va festivallarda ishtirok etib keladi. Shuningdek, uning tashabbusi bilan Oʻzbekistonda ham xalqaro va mahalliy adabiy loyihalar tashkil etilgan. Jumladan, uning „Chet ellik shoir Oʻzbekistonda rezidensiyada“, „Metroda sheʼrxonlik“ kabi ijodiy dasturlarni amalga oshirgan.

Manbalar

↑ Rustamjon Ummatov. Gʻaznai Namangon. Toshkent: Sharq — 280-bet.
↑ „Аъзам Обидов (1974)“ (2013-yil 16-oktyabr). Qaraldi: 2023-yil 7-avgust.
↑ „Шоир, таржимон Аъзам Обид «Ҳар бир инсон ҳаёти давомида ўқиши шарт бўлган 10 китоб» тавсия қилади“ (2023-yil 2-avgust). Qaraldi: 2023-yil 7-avgust.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] Rustamjon Ummatov. Gʻaznai Namangon. Toshkent: Sharq — 280-bet.

[2] „Аъзам Обидов (1974)“ (2013-yil 16-oktyabr). Qaraldi: 2023-yil 7-avgust.

[3] „Шоир, таржимон Аъзам Обид «Ҳар бир инсон ҳаёти давомида ўқиши шарт бўлган 10 китоб» тавсия қилади“ (2023-yil 2-avgust). Qaraldi: 2023-yil 7-avgust.

[1]

[2]

[3]