2026-yilgi Qishki Olimpiada oʻyinlari millatlar paradi

Milan va Kortina-dʼampetssodagi 2026-yilgi Qishki Olimpiada oʻyinlari ochilish marosimi doirasidagi Millatlar paradi chogʻida har bir ishtirokchi mamlakat sportchilari va rasmiylari oʻz bayrogʻi va plakat koʻtaruvchisi boshchiligida San-Siro stadioniga kirib keldi. Har bir bayroqdor tegishli mamlakatning Milliy Olimpiya qoʻmitasi yoki bevosita sportchilar tomonidan tanlab olingan.

Parad tartibi

Anʼanaga koʻra, Olimpiya oʻyinlari vatani sifatida Gretsiya birinchi boʻlib maydonga kirib keldi^[1]. Mezbon sifatida Italiya esa oxirgi boʻlib kirdi. Xalqaro Olimpiya Qoʻmitasi tomonidan 2020-yilgi Yozgi Olimpiada oʻyinlarida joriy qilingan yangi qoidaga koʻra^[2], Amerika Qoʻshma Shtatlarining Yuta shtatida boʻlib oʻtadigan 2034-yilgi Qishki Olimpiada oʻyinlari mezboni sifatida ushbu mamlakat sportchilari oxiridan 3-boʻlib, Fransiya esa Fransuz Alp togʻlarida oʻtadigan 2030-yilgi Qishki Olimpiada oʻyinlari mezboni sifatida oxiridan 2-boʻlib maydonga chiqdi. Oʻrtadagi barcha mamlakatlar mezbon mamlakat tili – italyan tili alifbosi tartibida kirib kelishdi.

Rossiya va Belarus sportchilarining ishtiroki

Rossiyaning 2022-yilda Ukrainaga bosqini tufayli Olimpiya sulhini buzganligi uchun Rossiya va Belarus mamlakatlarining Olimpiya qoʻmitalari faoliyati toʻxtatilganicha qolmoqda. Xalqaro Olimpiya qoʻmitasi 2025-yil sentyabr oyida Rossiya va Belarus sportchilariga 2026-yilgi oʻyinlarda neytral maqomda, yaʼni madhiyasiz, bayroqsiz va millatlar paradida hech qanday delegatsiyasiz qatnashishga ruxsat berilishini eʼlon qildi. Bunda 2024-yilgi Yozgi Olimpiada oʻyinlaridagi kabi qoidalar qoʻllaniladi^[3].

Joylashuvlar

Oʻyinlar 4 ta geografik klasterga boʻlinganligi sababli, millatlar paradi ham 4 ta joyda oʻtkazildi. Bular: Milandagi San-Siro stadioni, Kortina shahar markazi, Predazzodagi Predazzo tramplindan sakrash stadioni va Livignodagi Livigno Snow parki. Mamlakatlarga esa hatto barcha sportchilari bir joyda boʻlsa ham, 2 nafar bayroqdor tayinlashga ruxsat berildi. Mezbon mamlakat Italiya delegatsiyasi safida esa 4 nafar bayroqdor bor edi^[4].

Manbalar

↑ Gaines, Cork; Davis, Scott. „Why Greece always leads the parade of athletes at the Olympic opening ceremony and how the rest of the order is determined“. Business Insider (2018-yil 9-fevral). Qaraldi: 2021-yil 15-yanvar.
↑ „Future Olympic hosts to gain prominence in athletes' parades“. www.olympics.com/. International Olympic Committee (2019-yil 3-dekabr). Qaraldi: 2021-yil 15-yanvar.
↑ „Individual Neutral Athletes to compete at Milano Cortina 2026 Olympic Winter Games under same conditions as for Paris 2024“. International Olympic Committee (2025-yil 19-sentyabr). 2026-yil 13-yanvarda asl nusxadan arxivlangan.
↑ Barry, Colleen. „The Milan-Cortina Olympic Opening Ceremony will spread across regions, like the Games themselves“. NBC News. Associated Press (2025-yil 16-oktyabr). Qaraldi: 2026-yil 10-yanvar.

[1] Gaines, Cork; Davis, Scott. „Why Greece always leads the parade of athletes at the Olympic opening ceremony and how the rest of the order is determined“. Business Insider (2018-yil 9-fevral). Qaraldi: 2021-yil 15-yanvar.

[2] „Future Olympic hosts to gain prominence in athletes' parades“. www.olympics.com/. International Olympic Committee (2019-yil 3-dekabr). Qaraldi: 2021-yil 15-yanvar.

[3] „Individual Neutral Athletes to compete at Milano Cortina 2026 Olympic Winter Games under same conditions as for Paris 2024“. International Olympic Committee (2025-yil 19-sentyabr). 2026-yil 13-yanvarda asl nusxadan arxivlangan.

[4] Barry, Colleen. „The Milan-Cortina Olympic Opening Ceremony will spread across regions, like the Games themselves“. NBC News. Associated Press (2025-yil 16-oktyabr). Qaraldi: 2026-yil 10-yanvar.

[1]

[2]

[3]

[4]