101 Collins Street
| 101 Collins St | |
|---|---|
 | |
| Umumiy maʼlumot | |
| Maqomi | Tugallangan |
| Turi | Idora |
| Joylashuvi | Collins Street, Melbourne CBD, Viktoriya |
| Koordinatalar | 37°48′54″S 144°58′14.8″E / 37.81500°S 144.970778°E |
| Balandligi | |
| Antenna / Shpil | 260 m (850 ft) |
| Tomi | 195 m (640 ft) |
| Texnik holati | |
| Qavatlar soni | 57 |
| Binoning ichki maydoni | 82,800 m2 (890,000 kv ft) |
| Dizayn va konstruksiya | |
| Meʼmor | Denton Corker Marshall |
| Vebsayt | |
| 101collins.com.au | |
101 Collins Street — Avstraliyaning Viktoriya shtati Melbourne CBDdagi Collins Streetda joylashgan 260 m (850 ft) balandlikdagi osmono‘par bino. Denton Corker Marshall tomonidan loyihalashtirilgan 57 qavatli bino 1991-yil mart oyida yakunlangan. Loyiha yakuniga yaqin, developer almashgach, foye qismi postmodern arxitektura kashshoflaridan biri sifatida tanilgan John Burgee tomonidan qayta ishlab chiqilgan[1].
Bino Rialto Towersni ortda qoldirib, Melburn va Avstraliyadagi eng baland binoga aylangan, biroq 1991-yil avgust oyida 120 Collins Street qurib bitkazilgach, bu maqomni yo‘qotgan. 2022-yil holatiga ko‘ra, minora eng baland me’moriy nuqtasi — 60 m (200 ft) balandlikdagi shpil hisobiga Melburndagi oltinchi eng baland bino va Avstraliyadagi o‘n birinchi eng baland bino hisoblanadi[2].
Minora ichida ijaraga beriladigan 83,000 m2 (890,000 kv ft) maydon mavjud. Qavatdan shiftgacha bo‘lgan balandlik osmono‘par binolar uchun noodatiy darajada katta bo‘lib, 2.77 m (9 ft 1 in)ni tashkil etadi. 30 m (98 ft) uzunlikdagi liftlar 7 m/s (23 ft/s) tezlikka erisha oladi. Yer osti avtoturargohida 414 ta avtomobil joyi mavjud. Binoda issiqlik samaradorligini oshirish maqsadida yuzasi qoplangan mustahkamlangan ikki qavatli oynalar o‘rnatilgan.
101 Collins qurilishi uchun ajratilgan hududning katta qismi 1960-yillarning o‘rtalarida shahardagi eng baland bino bo‘lgan 26 qavatli CRA Buildingni buzish orqali hosil qilingan[3]. Ushbu bino Melburnda buzib tashlangan ilk osmono‘par bino hisoblanadi[4].
101 Collins egalari binodan janub tomonga ochiladigan manzaralarni saqlab qolish maqsadida qo‘shni mulklarni sotib olish strategiyasini amalga oshirgan. Natijada, Flinders Lane hududida eski binolarda yangi restoran va barlar paydo bo‘la boshlagan[5].
101 Collins Street nomi Yarra Trams tramvay bekatlaridan biriga ham berilgan bo‘lib, bu bekat orqali 11, 12, 48 va 109 yo‘nalishlari xizmat ko‘rsatadi[6].
Manbalar
- ↑ "101 Collins Street: About" (Wayback Machine saytida 5 October 2016 sanasida arxivlangan). 101collins.com.au. Retrieved 5 October 2016.
- ↑ SkyscraperPage.com's entry
- ↑ Emporis.com - Building ID 108454[Usurped!]
- ↑ Annear, Robyn. A City Lost and Found: Whelan the Wrecker's Melbourne (en). Black Inc., 2014-03-26. ISBN 978-1-922231-41-3.
- ↑ Simon Johanson; Nicole Lindsay. „'Tower of power' splashes out to protect tenants' views“ (en) (2019-yil 1-oktyabr). Qaraldi: 2019-yil 14-oktyabr.
- ↑ „Departures from 7-Exhibition St/Collins St (Melbourne City)“. Citymapper. Qaraldi: 2023-yil 25-may.[sayt ishlamaydi]
Havolalar
 |
Vikiomborda „101 Collins Street“ mavzusi boʻyicha mediafayllar bor. |