“Isteʼdod” jamgʻarmasi

Oʻzbekiston Respublikasi Prezidentining istiqbolli yosh pedagog va ilmiy kadrlarning malakasini oshirish „Isteʼdod“ jamgʻarmasi 2003-yilning 1-iyulida Oʻzbekiston Respublikasi Prezidenti Farmoniga muvofiq tashkil etilgan.

Jamgʻarmaning vazifalari:

— mamlakatimizning intellektual salohiyatini, fan, pedagogika va iqtisodiyotimiz rivojlanishi darajasini jahonning eng ilgʻor ilmiy izlanishlari va yuqori texnologiya yutuqlari darajasiga koʻtarish, Oʻzbekistonda chuqur tarixiy ildizlarga ega va respublikamiz taraqqiyoti uchun muhim boʻlgan ilm-fan yoʻnalishlarining barqaror rivojlanishini taʼminlashda faol ishtirok etish;

— dunyoda eʼtirof etilgan nufuzli oliy taʼlim va ilmiy markazlar bilan amaliy hamkorlik oʻrnatish, oʻzaro manfaatli ilmiy tadqiqotlar va izlanishlarni tashkil etish orqali istiqbolli yosh pedagog va ilmiy kadrlar isteʼdodining ochilishi va yuksalishiga koʻmak berish;

— mamlakat taʼlim va ilmiy muassasalarida pedagogik va ilmiy faoliyat borasida muayyan yutuqlarga erishgan, ilmiy izlanishlarni boshlagan, yuksak ijodiy salohiyat va qobiliyat sohiblari boʻlgan istiqbolli yosh pedagog va ilmiy kadrlarning isteʼdodini rivojlantirish, ularning Jamgʻarma grantlari asosida taraqqiy topgan davlatlarning ilgʻor taʼlim va ilmiy muassasalarida nazariya va amaliyotining zamonaviy yoʻnalishlari boʻyicha malaka oshirish hamda maqsadli tajriba orttirishiga, Oʻzbekistonning barqaror rivojlanishi uchun ustuvor yoʻnalishlar boʻyicha bilimini chuqurlashtirishiga, progressiv ilmiy izlanishlarda ishtirok etishiga koʻmaklashish.

Havolalar

• Istedod.uz (Wayback Machine saytida 2013-11-16 sanasida arxivlangan)