İmren Aykut
| İmren Aykut | |
|---|---|
| Turkiya atrof-muhit va shaharsozlik vaziri | |
|
Mansab davri 1997-yil 30-iyun – 1999-yil 11-yanvar | |
| Bosh vazir | Mesut Yılmaz |
| Oʻtmishdoshi | Ziyaettin Tokar |
| Vorisi | Fevzi Aytekin |
| Davlat vaziri | |
|
Mansab davri 1991-yil 23-iyun – 1991-yil 20-noyabr | |
| Bosh vazir | Mesut Yılmaz |
| Turkiya mehnat va ijtimoiy taʼminot vaziri | |
|
Mansab davri – 1991-yil 23iyun | |
| Oʻtmishdoshi | Mükerrem Taşçıoğlu |
| Vorisi | Metin Emiroğlu |
| Buyuk Millat Majlisi aʼzosi | |
| Shaxsiy maʼlumotlari | |
| Tavalludi |
1940 (yoshi 85–86) Kozan, Adana, Turkiya |
| Siyosiy partiyasi | Ona Vatan partiyasi |
| Alma mater | Istanbul universiteti |
İmren Aykut (1940-yilda tugʻilgan) — turkiyalik ayol iqtisodchi, kasaba uyushmasi faoli, siyosatchi va sobiq hukumat vaziri[1].
Yoshligi
İmren Aykut 1940-yilda Kozan shahrida Evket Shadi va Emine oilasida tugʻilgan. Boshlangʻich taʼlimni Atatürk boshlangʻich maktabida, oʻrta taʼlimni esa Adana qizlar litseyida olgan.
Istanbul universiteti Iqtisodiyot fakultetida tahsil olib, 1964-yilda uni tamomlagan.
İmren Aykut Angliyadagi Oksford universitetida „ish beruvchi—ishchi munosabatlari“, „sanoat munosabatlari“ va kasaba uyushmalari boʻyicha ixtisoslashgan. Shuningdek, Norvegiyadagi Oslo universitetida „ishchilarning boshqaruvda ishtiroki“ dasturini tamomlagan.
Bundan tashqari, AQShda „arbitraj va vositachilik“, Angliyada „kasaba uyushmalari tuzilmasi va ishchilarni tayyorlash“ boʻyicha tadqiqotlar olib borgan. Buyuk Britaniyada Kasaba uyushmalari konfederatsiyasi hamda Mehnat departamentida turli ilmiy tadqiqotlar va ishlanmalar olib borgan.
İmren Aykut Istanbul universitetidan „(Turkiyadan tashqaridagi) ishchilar uchun valyuta kurslari va ularning turk iqtisodiyoti nuqtayi nazaridan tahlili“ mavzusidagi dissertatsiyasi bilan doktorlik darajasini olgan.
Kasbiy faoliyati
İmren Aykut 1964—1975-yillarda ikki kasaba uyushmasida jamoaviy muzokaralar va tadqiqotlar boʻlimi rahbari sifatida ishlagan. 1975—1976-yillarda Şişecamda sanoat munosabatlari boʻyicha mutaxassis boʻlgan. 1976—1983-yillarda esa Qogʻoz sanoati ish beruvchilari kasaba uyushmasining bosh kotibi lavozimida faoliyat yuritgan[1].
Siyosatda
İmren Aykut 1981-yilda Turkiya maslahat parlamenti aʼzosi etib tayinlangan. 1983-yilda Milliyatchi demokratiya partiyasining asoschilaridan biri boʻlgan. Ushbu partiya 1986-yilda tugatilgach, Ona Vatan partiyasiga qoʻshilgan.
1987, 1991 va 1995-yillardagi umumiy saylovlarda Istanbuldan, 1999-yilda esa Adanadan parlament deputati etib saylangan.
İmren Aykut 1987-yil 21-dekabrdan 1991-yil 23-iyungacha Turgut Özal va Yıldırım Akbulut hukumatlari tarkibida Mehnat va ijtimoiy taʼminot vaziri lavozimida ishlagan. Keyinchalik Mesut Yılmaz boshchiligidagi 48- va 53-hukumatlarda davlat vaziri sifatida faoliyat yuritgan.
1991-yil 23-iyunda İmren Aykut Mesut Yılmaz hukumatida Atrof-muhit va shaharsozlik vaziri etib tayinlangan. Uning bu lavozimdagi faoliyati 1991-yil 20-noyabrda yakunlangan.
İmren Aykut umumxalq saylovlari orqali parlamentga kirib, vazirlik lavozimini egallagan ilk turkiyalik ayol vazir hisoblanadi[1][2].
Manbalar
- ↑ 1,0 1,1 1,2 „Dr. İmren Aykut“ (Turkish). Kim Kimdir?. Qaraldi: 2017-yil 24-iyul.
- ↑ „TBMM Albümü“. 11 haziran 2020da asl nusxadan arxivlangan.