Ömer Tuğrul İnançer
Omer Tuğrul İnançer | |
|---|---|
| Shaxsiy maʼlumotlar | |
| Tavalludi | 5-may 1946-yil |
| Vafoti |
4-sentyabr 2022-yil (76 yoshda) |
| Dini | Islom |
| Millati | Turk |
| Mazhab | Sunniy |
| Yurisprudensiya | Hanafiy |
| Imom | Moturidiy |
| Alma mater | Istanbul universiteti |
| Tariqat | Jarrohiy |
Omer Tuğrul İnançer (5-may 1946, Bursa – 4-sentabr 2022, Istanbul) turk yuristi, soʻfiy musiqasi ijrochisi va Jarrohiy tariqati shayxi edi[1]. U Turkiya madaniyat va turizm vazirligi tarkibidagi Istanbul tarixiy turk musiqa ansamblining asoschi bosh direktori lavozimidan nafaqaga chiqqan[2].
İnançerning otasi Oʻrmon xoʻjaligi boshqarmasida oʻrmon xoʻjaligi mudiri boʻlib ishlagan. U 1946-yilda otasi ishlagan Bursa shahrida tugʻilgan. Boshlangʻich va oʻrta taʼlimni Bursada tugatdi. Oʻrta maktabdagi musiqa oʻqituvchisi uni Bursa oʻqituvchilar jamiyatida gʻarb musiqa darslariga yoʻnaltirdi. U bu kurslarni uch yil davom ettirdi. Keyinchalik u Bursadagi masjidlarning mohir muazzinlaridan xususiy saboq oldi. Soʻngra Bursa musiqa jamiyatiga aʼzo boʻldi[3].
İnançer oliy taʼlimni Istanbul universiteti yuridik fakultetida tamomladi. Istanbulga kelgach, Uskudar musiqa jamiyatiga aʼzo boʻlib, Emin Onganning shogirdi boʻldi. Bu yerda u soʻfiy musiqasini oʻrgandi. Universtitetni bitirgach, 1991-yilgacha yuridik maslahatchi sifatida ishladi. 1991-yilda u Madaniyat va turizm vazirligi tarkibidagi Istanbul tarixiy turk musiqa ansamblining bosh direktori etib tayinlandi va Turk soʻfiy musiqasini asrash va targʻib qilish jamiyatining aʼzosi boʻldi[4].
U 1971-yildan boshlab har yili dekabr oyida Konyada oʻtkaziladigan Shab-i Arus Mavlaviy marosimlaridagi musiqa jamoasida ishtirok etdi. Musiqa boʻyicha yuksak bilimga ega boʻlgani uchun u bu yerda boshchi sifatida qatnashdi[5].
1999-yildan 2022-yilgacha u Karagümrük, Fatihdagi Istanbul Jarrohiy markazida joylashgan Jarrohiy tariqatining shayxi sifatida xizmat qildi.
Omer Tuğrul İnançer 2022-yil 4-sentabrda Istanbulning Uskudar tumanidagi uyida vafot etdi[6].
TV va radio dasturlari
- Tuğrul İnançer ile Seyir Defteri (Burç FM)
- Mesneviden: Mehmet Fatih Çıtlak ile birlikte (Mehtap TV)
- Ömer Tuğrul İnançer ile Gönül Dünyamız: Saadettin Acar ile birlikte (TRT Türk)
Manbalar
- ↑ „55 yıllık dostluk... Ahmet Özhan: Tuğrul bey benim rehberimdi“ (2022-yil 24-sentyabr). 2022-yil 24-sentyabrda asl nusxadan arxivlangan. Qaraldi: 2022-yil 28-sentyabr.
- ↑ „İstanbul Tarıhı Türk Müzığı Topluluğu » Topluluk Kadrosu“ (2022-yil 7-sentyabr). 2022-yil 7-sentyabrda asl nusxadan arxivlangan. Qaraldi: 2022-yil 28-sentyabr.
- ↑ „Ömer Tuğrul İnançer: "İnsan kendini tanıdıkça kâinatı, onun da ilerisinde Allah'ı daha iyi idrak eder."“ (2022-yil 4-sentyabr). 2022-yil 4-sentyabrda asl nusxadan arxivlangan. Qaraldi: 2022-yil 28-sentyabr.
- ↑ „Ömer Tuğrul İnançer'in naaşı Nureddin Cerrahi Tekkesi'ne getirildi - www.eshahaber.com“ (2022-yil 4-sentyabr). 2022-yil 4-sentyabrda asl nusxadan arxivlangan. Qaraldi: 2022-yil 28-sentyabr.
- ↑ „Ömer Tuğrul İnançer: "Resûlullah'sız Mevlânâ düşünülemez"“. karakalem.net (2022-yil 4-sentyabr). 2022-yil 4-sentyabrda asl nusxadan arxivlangan. Qaraldi: 2022-yil 28-sentyabr.
- ↑ „Ömer Tuğrul İnançer Hakk'a yürüdü“ (2022-yil 4-sentyabr). 2022-yil 4-sentyabrda asl nusxadan arxivlangan. Qaraldi: 2022-yil 28-sentyabr.