Sortepa
Sortepa (Sartepa — qadimgi qalʼa — qoʻrgʻon harobasi, mil. I—VIII asrlar). Andijon viloyati Baliqchi tumani markazidan 1,5 km janubida Qoradaryo oʻzanida joylashgan. Ilk bor Davan podsholigi paytida paydo boʻlgan, soʻngra kengayib dehqonchilik vogʻasining oʻziga xos markaziga aylangan. Bunga uning qulay geografik hududda — Qoradaryoning unumdor oʻzanida joylashgani sabab boʻlgan boʻlishi kerak. Hozirgi yodgorlikdan ark kiyem va uning yaqinida ikkita mayda tepa saqlanib qolgan. Ark maydoni 1,7 ga boʻlib, undagi madaniy qatlam qalinligi 6,5 m ni tashkil etadi. S. 4 tomondan qalin paxsa devor bilan oʻrab olingan. Sharqiy devor tomonda darvoza oʻrni koʻrinib turadi. Arxeologik qazishmalar natijasida uchta kurilish davriga oid meʼmoriy qoldiqlar va ashyoviy dalillar aniklangan. Yodgorlik VIII asr boshlarida arablar istilosi paytida buzib yuborilgan.[1]
Manbalar
- ↑ Fayl:National Encyclopedia of Uzbekistan logo.png „Sortepa“, Oʻzbekiston milliy ensiklopediyasi (S-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Tarixga oid uşbu maqola çaladir. Siz uni boyitib, ZiyoSferaga yordam berişingiz mumkin. |