Quentin Tarantino: Versiyalar orasidagi farq
Oʻzbek imlo, tinish belgilari, ichki havolalar va turkumlar tuzatildi | Oʻzbek imlo, tinish belgilari, ichki havolalar va turkumlar tuzatildi |
2026-yil 21-noyabr, 02:10 dagi (joriy) koʻrinishi
| Quentin Tarantino | |
|---|---|
|
| |
| Tavalludi |
Quentin Jerome Tarantino 1963-yil 27-mart Knoxville, Tennessee, A.Q.Sh. |
| Kasbi | Aktyor, rejissor |
| Faoliyat yillari | 1987–bugun |
| Millati | Amerikalik |
| Imzosi | |
|
| |
Quentin Tarantino (talaffuzi: Kvetin Taratino)(27-mart 1963-yil) — Amerikalik aktyor va rejissor[1]. 1992-yildan 2019-yilgacha 9 ta badiiy film suratga olgan[2].
Hayoti
[tahrir | manbasini tahrirlash]Quentin Jerome Tarantino 1963-yil 27-martda AQShning Noksvill shahrida tugʻilgan. Uning onasi hindularning cheroki qabilasidan, otasi esa italiyalik. Kventinning ota-onasi u tugʻilishidan oldin ajrashgan va u hech qachon otasi bilan uchrashmagan. Onasi qayta turmushga chiqqan va Los-Anjelesga koʻchib oʻtgan.
17 yoshida oʻquvchi maktabni tashlab, aktyorlik maktabiga kirgan va bir vaqtning oʻzida ham oʻqib ishlay boshlagan. U koʻp joylarda pul topishga harakat qilgan va nihoyat omad kulib boqqan. Tarantino Manxettendagi video doʻkonga sotuvchi boʻlib ishga kiradi. Uning taqdirida baxtli oʻzgarishlar boʻla boshladi. Kventin Roger Avary bilan doʻkonda uchrashdi va ular birga ishlay boshladilar. Keyinchalik Roger Avary Tarantinoni “Oʻldiruvchi Zoya” filmiga olib keldi. U ushbu filmda rejissyor boʻlib ishladi va hatto epizodlar uchun bir nechta ishlanmalar yozdi. Oʻsha paytda u oʻz asarida rol oʻynashni xohlayotganini his qildi.
1988-yili Roger Avary bilan birgalikda oʻzining ilk ssenariysi “Hamma narsani yutib yuboradigan ehtiros”ni yozdi. Ular 3 yil suratga olish uchun mablagʻ topishga harakat qilishadi. Nihoyat, ular rejissyor Thomas Skottni oʻz gʻoyasi bilan qiziqtira oladi. Tarantino bu ssenariy uchun 50 ming dollar oldi.
Tarantinoning keyingi ssenariysi asosidagi “Tugʻma qotillar” filmini taniqli rejissyor Oliver Stone suratga oldi. Ushbu filmning muvaffaqiyatidan soʻng Tarantino Oliver Stonega “Quturgan itlar” (inglizcha: Reservoir Dogs) nomli yana bir ssenariy taklif qiladi. Biroq rejissyorning undan asl nusxaga bir qator oʻzgartirishlar kiritishni talab qilishi ularning yoʻllarini ayro qiladi. Va nihoyat Tarantinoga Life Entertainment kompaniyasi unga kerak boʻlgan 1,5 mln dollarni berdi. Film muvaffaqiyati kutilgandan ham aʼlo darajada boʻladi. Filmdan tushgan umumiy daromad esa 20 mln dollardan oshdi. Biroq Angliyada mazkur film juda koʻp zoʻravonlik sahnalarini oʻz ichiga olgani sababli taqiqqa uchragan. Film namoyishi Parijdagi “Utopiya” kinoteatrida esa bir yarim yil davomida toʻxtamadi. Muallif oʻz filmini Cannes kinofestivalida taqdim etishga urinib koʻrdi, lekin faxriy mukofot oldi xolos. Shundan soʻng Tarantino Amsterdamga koʻchib oʻtdi. Turar joyni oʻzgartirish unga “Jinoiy asar” (inglizcha: Pulp Fiction) deb nomlangan yangi ssenariy ustida ishlash uchun kerak edi. Bu film Francis Coppolaning mashhur “Choʻqintirgan ota” filmiga hurmat sifatida yaratilgan[3].
| Film nomi | Oʻzbek tilidagi tarjimasi | Namoyish
etilgan yili |
|---|---|---|
| Reservoir Dogs | Quturgan itlar | 1992-yil |
| Pulp Fiction | Jinoiy asar | 1994-yil |
| Jackie Brown | Jeki Braun | 1997-yil |
| Kill Bill: Volume 1 | Billning qotili | 2003-yil |
| Kill Bill: Volume 2 | Billning qotili-2 | 2004-yil |
| Death Proof | Oʻlim isboti | 2007-yil |
| Inglourious Basterds | Manfur kimsalar | 2009-yil |
| Django Unchained | Ozod Jango | 2012-yil |
| The Hateful Eight | Jirkanch sakkizlik | 2015-yil |
| Once Upon a Time in Hollywood | Bir paytlar Gollivudda | 2019-yil |
Manbalar
[tahrir | manbasini tahrirlash]- ↑ Quentin Tarantino Biography (1963–). Advameg, Inc. Qaraldi: 20-avgust 2012-yil.
- ↑ Daryo.uz. „Hamma filmlari tomoshabinlar mehriga sazovor bo‘ladigan buyuk rejissorlar“ (27-may 2023-yil). Qaraldi: 5-may 2024-yil.
- ↑ Sinaps.uz. „Kventin Tarantino“. Qaraldi: 5-may 2024-yil.