Islom sivilizatsiyasi markazi
| Fayl:Oʻzbekiston islom sivilizatsiyasi markazi logosi.png | |
 Islom sivilizatsiyasi markazining yuqoridan koʻrinishi | |
| Qisqartma | ICCU |
|---|---|
| Maqomi | tashkilot |
| Maqsadi | ilmiy-tadqiqot, taʼlim |
| Ishga tushgan sanasi | |
| Joylashuvi | Toshkent shahri, Olmazor tumani, Qorasaroy koʻchasi, 47-uy |
| Hududiy xizmati |
 Oʻzbekiston |
| Asoschi(lar)i | Shavkat Mirziyoyev |
| Direktor | Firdavs Abduxoliqov |
| Til(lar)i |
Oʻzbek tili Arab tili Rus tili Ingliz tili |
| Vebsayti | iccu.uz |
 | |
Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazi (arabcha: مركز الحضارة الإسلامية في أوزبكستان لدي مجلس الوزراء لجمهورية أوزبكستان ., inglizcha: Center of Islamic Civilization in Uzbekistan under the Cabinet of Ministers of the Republic of Uzbekistan) — Oʻzbekistonda islom tarixiga oid ilmiy-tadqiqot ishlarini olib boruvchi markaz[1]. 2026-yil 17-mart kuni Shavkat Mirziyoyev rahbarligida, Ramazon hayiti arafasida markazning rasmiy ochilish marosimi boʻlib oʻtdi[2]. 2026-yil 13-aprelda „eng yirik islom sivilizatsiyasi muzeyi“ nominatsiyasi boʻyicha Ginnesning rekordlar kitobiga kiritilgan[3][4].
Tarixi
Oʻzbekistondagi Islom sivilizatsiyasi markazi Oʻzbekiston Respublikasi Prezidenti Shavkat Mirziyoyevning 2017-yil 23-iyuldagi farmoniga muvofiq tashkil etilgan. Sakkiz yildan ortiq vaqt davomida ushbu yirik majmua bunyod etilib, toʻliq barpo qilindi. 2026-yil 17-mart kuni Ramazon hayiti arafasida markaz rasman ochildi.
Ekspozitsiya va zallar
| № | Zal nomi | Tavsifi | Tasvir |
|---|---|---|---|
| 1 | Shon-sharaf zal | Markazning eng katta va kirish koʻrgazma zali. Unda tarixdagi muhim voqealarni hikoya qiluvchi 14 ta ravoq mavjud. | |
| 2 | Qurʼoni Karim zali | Markazning eng muhim qismida Qurʼoni karim zali barpo etilgan. Bu yerda musulmon olamining bebaho maʼnaviy durdonasi hisoblangan VII asrda qoʻlda koʻchirilgan Usmon musʼhafi joylashtirilgan. |
Maqomi
- Oʻzbekiston Respublikasi Vazirlar Mahkamasi huzuridagi Oʻzbekistondagi Islom madaniyati markazi Oʻzbekiston Respublikasi prezidentining „Oʻzbekiston Respublikasi Vazirlar Mahkamasi huzuridagi Oʻzbekistondagi Islom madaniyati markazini tashkil etish chora-tadbirlari toʻgʻrisida“ 2017-yil 23-iyundagi PQ-3080-son qaroriga asosan tashkil etilgan[5].
- Markaz oʻzining faoliyatida Oʻzbekiston Respublikasi Vazirlar Mahkamasiga boʻysunadi va hisobot beradi.
- Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa normativ-huquqiy hujjatlarga, shuningdek ushbu Ustavga amal qiladi.
- Markaz oʻz faoliyatini qonuniylik, oshkoralik, kollegiallik hamda jamoat fikrini hisobga olish prinsiplari asosida yuritadi.
- Markaz davlat muassasasi shaklidagi yuridik shaxs hisoblanadi, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻaznachilik hisobvaraqlariga, Oʻzbekiston Respublikasi tijorat banklarida talab qilib olinadigan chet el valyutasidagi depozit hisob raqamlariga, shuningdek Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga ega.
- Markazda ish yuritish davlat tilida olib boriladi. Markazda rus, ingliz va arab tillarida ham ish yuritishi mumkin[6][7].
Yana qarang
Manbalar
- ↑ „Islom sivilizatsiyasi markazi.“. www.iccu.uz. Qaraldi: 2026-yil 26-mart.
- ↑ „Shavkat Mirziyoyev Islom sivilizatsiyasi markazining ochilishi hamda iftorlik marosimida ishtirok etdi“. www.kun.uz. Qaraldi: 2026-yil 30-mart.
- ↑ „Ислом цивилизацияси маркази Гиннесс рекордлар китобига киритилди“. www.kun.uz. Qaraldi: 2026-yil 13-aprel.
- ↑ „Ўзбекистондаги Ислом цивилизацияси маркази Guinness World Records рекордига сазовор бўлди“. www.dunyo.info. Qaraldi: 2026-yil 13-aprel.
- ↑ O'zbekistondagi Islom sivilizatsiyasi markazi tashkil etiladi - Uza.uz, 2018-08-26da asl nusxadan arxivlandi, qaraldi: 2018-08-15
- ↑ Islom sivilizatsiyasi markazi — Xabar.uz
- ↑ „Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузурида Ўзбекистондаги Ислом цивилизацияси марказини ташкил этиш чора-тадбирлари тўғрисида»“. www.lex.uz. Qaraldi: 2026-yil 30-mart.