Oʻzbekiston futbolchilar uyushmasi
 | |
| Turi | Uyushma |
|---|---|
| Maqomi | Amalda |
| Ishga tushgan sanasi | 2018-yil |
| Tan olingan yili | 2024-yil |
| Joylashuvi | Toshkent shahri, Bunyodkor koʻchasi, 47 |
| Direktori | Kamoliddin Murzoyev |
| Til(lar)i | Oʻzbek, rus, ingliz |
| Vebsayti | futbolchilar.uz |
 | |
Oʻzbekiston futbolchilar uyushmasi (Ўзбекистон футболчилар уюшмаси) — xalqaro futbolchilar assotsiatsiyasi (FIFPro) tashkilotining Oʻzbekistondagi vakili.
Tarixi
Xalqaro FIFPro tashkiloti 1965-yilda tashkil etilgan. Bugungi kunda 65 ta davlat futbolchilar uyushmalari aʼzo hisoblanadi. 2017-yildan Oʻzbekiston ham aʼzo boʻlgan. Oʻzbekiston Respublikasi Adliya vazirligi tomonidan 2018-yilda roʻyxatdan oʻtkazilgan va FIFPro huzurida kuzatuvchi maqomida rasmiy faoliyatini boshlagan[1][2].
2020-yilda FIFPro nomzod aʼzosi, 2024-yil 28-noyabr kuni esa mazkur tashkilotning toʻlaqonli aʼzosi boʻlgan[3][4].
Vazifalari
Futbolchilarning huquqlarini himoya qilish va ularning salomatligini muhofaza qilishni taʼminlash, faoliyatini yakunlagan futbolchilarga keyingi davrda ham amaliy yordam koʻrsatish, futbolchilar ichidan kuchli va malakali kadrlarni tayyorlash uyushmaning asosiy vazifalari hisoblanadi. Uyushmaning olib borayotgan har bir harakatlari FIFPro tomonidan nazorat qilinib boriladi. Qoʻyilgan talab va vazifalarni oʻz vaqtida bajara olmagan, yillik hisobotni topshirmagan FIFPro azolari tashkilotdan chiqarib yuboriladi[5]. Uyushma „FIFPro solidaritiy“ dasturi orqali moliyalashtiriladi. Xayriya, reklama va aʼzolik badallari orqali ham sarmoya kiritiladi[6].
Kamoliddin Murzoyev tashkilot rahbari sifatida faoliyat olib boradi[7].
Manbalar
- ↑ Abdulaziz Iskandarov. „O'zbekiston futbolchilar uyushmasi nima va u qanday ishlaydi?“ (O'zbekcha). championat.asia (11-avgust 2020-yil). Qaraldi: 3-avgust 2022-yil.
- ↑ „O‘FA, PFL va O‘zbekiston Futbolchilar uyushmasi vakillari o‘rtasida muhim masala yuzasidan yig‘ilish o‘tkazildi“.
- ↑ „2024 FIFPRO General Assembly to be held in Bali, Indonesia“.
- ↑ „Ассоциация футболистов Узбекистана стала членом FIFPRO“.
- ↑ „FIFPro World XI. O'zbekiston futbolchilar kasaba uyushmasi tomonidan 2020 yil jahon terma jamoasi tuzildi“.
- ↑ „O‘zbekiston Superligasi FIFA futbol simulyatoridan joy olishi mumkin“. tribuna. 2022-yil 8-noyabrda asl nusxadan arxivlangan. Qaraldi: 3-avgust 2022-yil.
- ↑ O‘zbekiston futbolchilar uyushmasi rahbari Kamoliddin Murzoyev bilan suhbat YouTubeda