Muhammad Oʻrozboyev

Muhammad Toshevich Oʻrozboyev
OʻzSSR Fanlar akademiyasi Inshootlar instituti direktori
	Mansab davri; 1947-yil – 1957-yil
Shaxsiy maʼlumotlari
Tavalludi	20-may 1906-yil; Qoʻqon, Fargʻona viloyati (Rossiya imperiyasi)
Vafoti	9-may 1971-yil; (64 yoshda) ; Toshkent, Oʻzbekiston SSR
Siyosiy partiyasi	KPSS
Taʼlim	Moskva universiteti matematika-mexanika fakulteti
Kasbi	mexanik olim
Ilmiy unvoni	Oʻzbekiston Fanlar akademiyasi akademigi ; Texnika fanlari doktori
Mukofotlari	;
Dafn etilgan joyi	Chigʻatoy qabristoni

Muhammad Toshevich Oʻrozboyev (1906.20.5, Qoʻqon – 1971.9.5, Toshkent) – mexanik olim. Oʻzbekiston Fanlar akademiyasi akademik (1956), Oʻzbekistonda xizmat koʻrsatgan fan va texnika arbobi (1960). texnika fanlari doktori (1947), professor (1938), Oʻrta Osiyo davlat universitetining ishchi fakultetini (1928), Moskva oliy texnika bilim yurtini (1932), Moskva universitetining matematika-mexanika fakultetini (1934) tugatgan. Toshkent toʻqimachilik institutida kafedra mudiri va direktor oʻrinbosari (1936—1947), Oʻzbekiston Fanlar akademiyasi Inshootlar instituti direktori (1947—1957), Ilmiy-texnika davlat qoʻmitasi raisi (1957—61), Toshkent politexnika instituti rektori (1963—1971), Oʻzbekiston Fanlar akademiyasi Prezidiumi aʼzosi hamda Mexanika va boshqarish jarayonlari boʻlimining akademik kotibi (1970—1971), „Fan va turmush“ jurnali bosh muharriri (1970—71).

Asosiy ilmiy ishlari mexanika va inshootlarning seysmik mustahkamligi nazariyasiga doir. Oʻzbekistonda seysmik mustahkamlikning dinamik nazariyasi va qobiqlar nazariyasiga oid ilmiy maktab yaratgan, mexanika fanining koʻp ilmiy yoʻnalishlariga asos solgan. Oʻrozboyev paxta terish mashinalariga oid ilmiy tekshirish ishlariga, seysmik mustahkam inshootlar sohasida amaliy va nazariy izlanishlarga rahbarlik qilgan. Davlat mukofoti (1952), Beruniy nomidagi Oʻzbekiston Davlat mukofoti laureati (1967). Oʻzbekiston Fanlar akademiyasi Mexanika va inshootlarning seysmik mustahkamligi instituti, Toshkent koʻchalaridan biri Oʻrozboyev nomi bilan atalgan^[1].

Manbalar

↑ „Muhammad Oʻrozboyev“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 10-jild (Sharq — Qizilqum). Toshkent: „Oʻzbekiston milliy ensiklopediyasi“ Davlat ilmiy nashriyoti, 2005 — 656-bet.

Adabiyotlar

Materiallarqarshiligi, 1—2t., 1960— 65; Seysmostoykost gidrouprugix sistem, T., 1966; Nazariy mexanika asosiy kursi, T., 1966; Materiallar qarshiligi asosiy kursi, T, 1973.

Havolalar

Oʻrozboyevga taʼziyanoma

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Oʻzbekistonlik shaxsiyat haqidagi uşbu maqola çaladir. Siz uni boyitib, ZiyoSferaga yordam berişingiz mumkin.

[1] „Muhammad Oʻrozboyev“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 10-jild (Sharq — Qizilqum). Toshkent: „Oʻzbekiston milliy ensiklopediyasi“ Davlat ilmiy nashriyoti, 2005 — 656-bet.

[1]