Kontent qismiga oʻtish
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦

YIDXP

ZiyoSfera, erkin ensiklopediya
(My.gov.uzdan yoʻnaltirildi)
Oʻzbekiston Respublikasi Yagona interaktiv davlat xizmatlari portali
My.gov.uz
Tijoratmi yoʻq
Sayt turi internet portal
Roʻyxatdan oʻtish majburiy
Roʻyxatdan oʻtgan foydalanuvchilar soni 10 milliondan ziyod (2025-yil 1-fevral holatiga)
Qaysi tillarda oʻzbek, rus, ingliz
Muassisi Oʻzbekiston Respublikasi Raqamli texnologiyalar vazirligi
Ochilgan sanasi 1-iyul 2013-yil
Joylashuv Oʻzbekiston Respublikasi
Mamlakat Oʻzbekiston
URL https://my.gov.uz/

Yagona interaktiv davlat xizmatlari portali (YIDXP) — bu butunjahon internet tarmogʻida rasmiy internet portal boʻlib, Oʻzbekiston Respublikasi fuqarolari va biznes uchun elektron davlat xizmatlaridan foydalanish imkonini taqdim etadi. Portal davlat idoralari bilan oʻzaro hamkorlikni soddalashtirish va keng koʻlamli davlat xizmatlariga yagona raqamli interfeys orqali tez va qulay kirishni taʼminlash maqsadida ishlab chiqilgan (my3.gov.uz[sayt ishlamaydi]).

Yagona interaktiv davlat xizmatlari portali (YIDXP) orqali taqdim etiladigan xizmatlardan foydalanish uchun foydalanuvchilar (jismoniy va yuridik shaxslar) Yagona identifikatsiya tizimida roʻyxatdan oʻtishlari lozim. Buni quyidagi havola orqali amalga oshirish mumkin:

(OneID)

YIDXP tarixi

YIDXP 1-talqini
YIDXP 1-talqini asosiy oynasi ko‘rinishi

2013

2013-yil 1-iyul kuni Internet tarmogʻida my.gov.uz veb-manzilida YIDXP 1-talqini test rejimida ishga tushdi.

YIDXP Oʻzbekiston Respublikasi Prezidentining 2013-yil 14-fevraldagi PF-1920-son Farmoni bilan tasdiqlangan “Obod turmush yili” Davlat dasturiga hamda Oʻzbekiston Respublikasi Vazirlar Mahkamasining 2012-yil 30-dekabrdagi 378-son qaroriga asosan yaratilgan.

YIDXP 1-talqida kundalik turmushga taalluqli soha va yoʻnalishlarni oʻz ichiga oluvchi 40 ga yaqin interaktiv xizmatlar taqdim etildi. Ularning ayrimlari quyidagilar:

  • Vazirlik va idoralarga murojaat yoʻllash;
  • Vazirlik va idoralar rahbari qabuliga yozilish;
  • Vazirlik va idoralarning boʻsh ish oʻrinlari boʻyicha murojaat qilish;
  • Yuridik va jismoniy shaxslar uchun Internet va statsionar telefon ulash uchun ariza berish;
  • Davlat soliq xizmatlari organlari tomonidan soliq qarzi mavjud emasligi toʻgʻrisida maʼlumotnoma olish uchun ariza berish;
  • Telekommunikatsiya sohasiga tegishli litsenziyalarni olish boʻyicha ariza berish.

2014

YIDXP faoliyatining birinchi yilida (2014 yil) katta hajmda ishlar amalga oshirildi. Davlat va xoʻjalik boshqaruvi organlari, shuningdek, mahalliy davlat hokimiyati idoralari, jumladan, tuman va shahar hokimliklaridan iborat 500 dan ortiq tashkilot portal tizimiga integratsiya qilindi.

Bu davr mobaynida 200 ga yaqin elektron davlat xizmati ishga tushirildi, bu esa oʻz navbatida fuqarolar va tashkilotlar uchun elektron davlat xizmatlaridan kengroq foydalanish imkoniyatini yaratdi.

2017

2017-yil 18-iyul sanasida YIDXP ning yangi 2-talqini my2.gov.uz (Wayback Machine saytida 2018-06-20 sanasida arxivlangan) veb-manzilida ishga tushdi hamda bugungi kunga qadar faol foydalanib kelinmoqda. YIDXP 2-talqini jismoniy va yuridik shaxslarning maʼlumotlar bazasi bilan integratsiya qilingan hamda Portalga kirish foydalanuvchilar yagona identifikatsiyasi qilish tizimi (OneID) orqali amalga oshiriladi.

Shuningdek, YIDXP 2-talqinida fuqarolar (jismoniy shaxslar) va tadbirkorlar (yuridik shaxslar) shaxsiy kabinetlari ajratilgan va shu bilan birga elektron davlat xizmatlari uchun onlayn toʻlov imkoniyati yaratildi.

Yagona portalning 2-talqinida portal foydalanuvchilari hisoblangan ish haqi va pensiyalar toʻgʻrisidagi maʼlumotlarni onlayn tarzda olishlari, toʻlanmagan soliqlar, kommunal xizmatlar, ijro hujjatlari va yoʻl harakatiga oid jarimalarini tekshirishlari mumkin.

2020

2020 yil iyulida, Adliya vazirligi huzuridagi Davlat xizmatlari agentligi bilan hamkorlikda “Oʻzbekistonning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” loyihasi doirasida yangi mexanizmlar joriy etildi.

Bu yangiliklar qishloq joylarida yashayotgan aholi uchun davlat xizmatlarini yana-da sifatli va oson olish imkoniyatini yaratdi.

2023

2023-yil 24-oktabr kuni ICT Summit 2023 tadbirlari doirasida YIDXP ning yangi 3-talqini my3.gov.uz (Wayback Machine saytida 2024-04-01 sanasida arxivlangan) veb-manzilida taqdim etildi. YIDXP 3-talqini zamonaviy texnologiyalar asosida takomillashtirilgan dizaynga ega boʻlib, MyID yuzni tanish orqali identifikatsiyadan oʻtish, “Muxlisa” ovozli yordamchisi, elektron xizmatlarni baholash kabi imkoniyatlarni oʻz ichiga oladi.

Huquqiy tartibga solinishi

Oʻzbekiston Respublikasining “Elektron hukumat toʻgʻrisida”gi Qonuni 28-moddasiga muvofiq elektron davlat xizmatlari ariza beruvchilarga davlat organlarining rasmiy veb-saytlari orqali hamda davlat organlari tomonidan koʻrsatiladigan interaktiv davlat xizmatlaridan foydalanishning yagona nuqtasi boʻlgan Yagona interaktiv davlat xizmatlari portali orqali koʻrsatiladi.

Shuningdek, Oʻzbekiston Respublikasi Vazirlar Mahkamasining 2017-yil 15-sentabrdagi 728-sonli qarori bilan tasdiqlangan YIDXP toʻgʻrisidagi nizomga asosan YIDXP axborot, uslubiy, texnik kuzatuvi va maʼmurchiligi “Davlat axborot tizimlarini yaratish va qoʻllab-quvvatlash boʻyicha yagona integrator UZINFOCOM” MChJ tomonidan amalga oshiriladi.

Bundan tashqari, Oʻzbekiston Respublikasi Vazirlar Mahkamasining 2020-yil 25-iyundagi 409-sonli qaroriga asosan elektron hukumat infratuzilmasini yanada rivojlantirishni taʼminlash, shu jumladan YIDXP, davlat xizmatlari va boshqa elektron hukumat axborot tizimlari xizmatlarini koʻrsatganlik uchun toʻlangan davlat boji va yigʻimlar miqdorini hisobga olishning yagona billing tizimini rivojlantirish “Raqamli hukumat loyihalarini boshqarish markazi” davlat muassasasining funksiyalaridan biri sifatida belgilangan.

Foydalanuvchilar

YIDXPdagi elektron davlat xizmatlaridan jismoniy (yakka tartibdagi tadbirkor) va yuridik shaxslar foydalanadilar. Ayrim davlat xizmatlaridan faqat maʼlum bir talablarni bajargan talabgorlar foydalanishlari mumkin.

2025-yil 1-fevral holatiga YIDXP foydalanuvchilar soni 10 milliondan oshdi. Foydalanuvchilarning 53,45 foizini erkaklar, 46,55 foizini ayollar tashkil etmoqda.

Foydalanuvchilarning yosh boʻyicha taqsimlanishi
Foydalanuvchi yoshi Umumiy miqdordagi ulushi
18 yoshgacha 1,76 foiz
19-24 yosh oraligʻida 17,47 foiz
25-34 yosh oraligʻida 31,02 foiz
35-44 yosh oraligʻida 24,87 foiz
45-54 yosh oraligʻida 13,40 foiz
55 va undan yuqori 11,48 foiz

Elektron davlat xizmatlari

Elektron davlat xizmati – axborot-kommunikatsiya texnologiyalari qoʻllanilgan holda koʻrsatiladigan davlat xizmatidir.

YIDXP orqali koʻrsatiladigan elektron davlat xizmatlari va servislar Oʻzbekiston Respublikasi Vazirlar Mahkamasi tasdiqlagan huquqiy hujjat yoki Raqamli texnologiyalar vazirligi va Vakolatli tashkilot tomonidan tasdiqlangan kelishuvda koʻrsatilgan tartib (reglament) asosida koʻrsatiladi.

Elektron davlat xizmatlarini koʻrsatish jarayonida ariza yuboruvchi toʻgʻrisidagi maʼlumotlar (mulkka egalik huquqi, shaxsiy maʼlumotlar va boshqa zarur maʼlumotlar) davlat organlarining axborot tizimlaridan avtomatik ravishda olinadi. Bu maʼlumotlar idoralararo elektron hamkorlik asosida yunikal identifikatorlar orqali integratsiya qilinadi.

2017-2024 yillarda YIDXP orqali koʻrsatilgan xizmatlar va yuborilgan arizalar koʻrsatkichlari
Yillar 2017 2018 2019 2020 2021 2022 2023 2024
Xizmatlar soni (ta) 49 127 173 218 300 370 570 700
Arizalar soni (mln) 0,5 1,3 2,8 3,1 9,3 14,2 20,0 32,0

Elektron davlat xizmatlari xizmat koʻrsatish muddatiga koʻra “avtomatik” hamda “yarim avtomatik” xizmatlarga boʻlinadi. “Avtomatik” davlat xizmatidan foydalanilganda xizmat natijasi darhol (avtomatik tarzda) taqdim etiladi, “Yarim avtomatik” davlat xizmatlarida esa xizmat koʻrsatish muddati reglamentga muvofiq bir necha ish kunini tashkil etadi.

2025-yil 1-fevral holatiga koʻra YIDXPda 720ta elektron davlat xizmati joriy etilgan boʻlib, mazkur xizmatlar 18 ta soha (Fuqarolik, Taʼlim, Oila va bolalar, Yoshlar, Ijtimoiy himoya, UJXK, Soliqlar, Bojxona, Transport, Koʻchmas mulk, Maʼlumotnomalar va boshqalar) boʻyicha taqsimlangan.

Jismoniy shaxslar uchun

YIDXP orqali joriy etilgan xizmatlardan 366 turdagi elektron davlat xizmatlaridan ham jismoniy, ham yuridik shaxslar foydalanishlari mumkin.Shuningdek, 252 turdagi xizmatlar faqat jismoniy shaxslar uchun foydalanishga taqdim etilgan.

Jismoniy shaxslar tomonidan YIDXP orqali foydalaniladigan ommabop xizmatlar (2024-yilda)
Xizmat nomi Soha Arizalar soni
Hisoblangan ish haqi summalari toʻgʻrisida maʼlumot Soliqlar 3 028 569
Mehnat daftarchasidan koʻchirma olish Maʼlumotnomalar 2 545 152
Oʻzini oʻzi band qilgan shaxslarni roʻyxatdan oʻtkazish Soliqlar 1 873 493
IMEI raqamni FaceID orqali roʻyxatdan oʻtkazish Axborot va aloqa 1 569 820
Soliqlar va yigʻimlardan soliq qarzi mavjud yoki mavjud emasligi toʻgʻrisida maʼlumotnoma berish Soliqlar 1 560 492
Doimiy yashash joyi toʻgʻrisida maʼlumotnoma berish Maʼlumotnomalar 1 506 946
UzAuto Motors AJ orqali avtomobil sotib olish uchun navbatni tekshirish Transport 1 357 007
Kam taʼminlangan oilalarga bolalar nafaqasi va moddiy yordam tayinlashga ariza berish Ijtimoiy himoya 1 216 396
Avtotransport boshqaruvi uchun jismoniy shaxslarga elektron ishonchnoma(sotish, boshqa davlatga olib chiqib ketish huquqisiz) berish Transport 1 142 491
Bolani davlat maktabgacha taʼlim muassasasiga joylashtirish uchun ariza berish Oila va bolalar 963 920

Yuridik shaxslar uchun

YIDXPda mavjud xizmatlardan 151 turdagisi faqat yuridik shaxslar uchun koʻrsatiladi. Yuridik shaxslar tomonidan elektron davlat xizmatlaridan foydalanishda ayrim hollarda yuborilayotgan ariza elektron raqamli imzo (ERI) bilan tasdiqlash talab etilishi mumkin.

Yuridik shaxslar tomonidan YIDXP orqali foydalaniladigan ommabop xizmatlar (2024-yilda)
Xizmat nomi Soha Arizalar soni
Tashqi iqtisodiy faoliyatga tegishli kontrakt (shartnomalar) maʼlumotlarini Tashqi savdo operatsiyalarining yagona elektron axborot tizimiga kiritish Iqtisodiyot, biznes va e-tijorat 212 728
Noturar obyektlarini kadastr pasportini shakllantirish va ularga boʻlgan huquqni davlat roʻyxatidan oʻtkazish Koʻchmas mulk 82 160
Loyiha-smeta hujjatlarini kelishish Koʻchmas mulk 71 203
Avtomobil transportida yoʻlovchilarni va yuklarni tashishga litsenziya olish Transport 54 572
Yuridik shaxslarning hisobga qoʻyilgan maʼlumotlari bilan tanishish Iqtisodiyot, biznes va e-tijorat 44 251
Soliqlar va yigʻimlardan soliq qarzi mavjud yoki mavjud emasligi toʻgʻrisida maʼlumotnoma berish Soliqlar 40 082
Avtotransport vositalari oynalarining tusini oʻzgartirishga (qoraytirish) ruxsatnoma olish Transport 38 200
Oʻzbekiston Respublikasi hududida avtotransport vositasi orqali olib kirilayotgan yuk haqida maʼlumot olish UJKX 22 016
Kitobning xalqaro standart raqamini (ISBN) berish Litsenziyalash 21 764
Davlat kadastr reyestridan koʻchmas mulk boʻyicha koʻchirma va kadastr pasportni tekshirish Koʻchmas mulk 21 606

MyGov mobil ilovasi

MyGov ilovasi
MyGov mobil ilovasi

YIDXP orqali koʻrsatilayotgan elektron davlat xizmatlarini aholi uchun yanada qulay formatda taqdim etish uchun MyGov mobil ilovasi ishlab chiqilgan boʻlib, mazkur ilova orqali 2025-yil 1-fevral holatiga 527 ta xizmat taqdim etilmoqda.

MyGov mobil ilovasidan foydalanishning afzalliklari:

  • MyID yuzni tanish yordamida identifikatsiyadan oʻtish;
  • MobileID identifikatsiya usulidan foydalanib tizimga kirish;
  • YIDXP yoki Davlat xizmatlari markazlari orqali yuborilgan arizalarni kuzatish yoki natijasini elektron hujjat shaklida olish;
  • Pullik elektron davlat xizmatlari uchun toʻlov qilish;
  • YIDXP ga kirilgan qurilmalardagi sessiyalarni boshqarish.

MyGov mobil ilovasi orqali istalgan vaqtda elektron davlat xizmatlaridan foydalanish mumkin.

MyGov mobil ilovasini quyidagi havolalar orqali smartfon qurilmasiga bepul yuklab olib, oʻrnatish hamda elektron xizmatlardan foydalanishni boshlash mumkin: App Store hamda Google Play.

YIDXP modullari

Elektron davlat xizmatlari jismoniy va yuridik shaxslarga dxa.gov.uz moduli orqali; pochta boʻlimlarida postal.gov.uz sayti orqali hamda Oʻzbekiston Respublikasining xorijdagi diplomatik vakolatxonalari va konsullik muassasalarida esa council.gov.uz modullaridan foydalangan holda koʻrsatib kelinmoqda.

Pullik xizmatlarga 10 foiz chegirma

Oʻzbekiston Respublikasining “Davlat boji toʻgʻrisida”gi Qonuniga muvofiq har qanday davlat xizmatini olish, shu jumladan litsenziya, ruxsatnoma olish, davlat roʻyxatidan oʻtish va boshqa xizmatlar uchun YIDXP orqali mustaqil ravishda murojaat etilganda davlat boji, yigʻimlar va boshqa toʻlovlar Davlat xizmatlari markazlari orqali yoki xizmat koʻrsatuvchi organlarga bevosita murojaat etilgan taqdirda toʻlanadigan summaning 90 foizi miqdorida undirilishi belgilangan.

Shuningdek, ushbu Qonunga muvofiq, Oʻzbekiston Respublikasi davlat xizmatlari markazlari va (yoki) Yagona interaktiv davlat xizmatlari portali orqali I va II guruh nogironlari hamda Yagona ijtimoiy himoya reyestrida roʻyxatga olingan shaxslarga davlat xizmatlari koʻrsatilganda, qonun hujjatlarida belgilangan davlat bojlari, yigʻimlar va boshqa toʻlovlarga nisbatan 50 foiz chegirma qoʻllaniladi, bundan tadbirkorlik faoliyati yoki yuridik shaxs vakili sifatida murojaat qilgan holatlar mustasno.

Jismoniy shaxsning YIDXPdagi shaxsiy kabineti

YIDXP foydalanuvchisining shaxsiy kabineti 17 ta boʻlimdan iborat boʻlib, unda foydalanuvchi, uning yashash joyi, oila tarkibi, ish joyi, koʻchmas mulk, transport vositalari, jarimalar, kommunal hisoblar qoldigʻi va boshqa turdagi maʼlumotlar aks etadi.

Bundan tashqari, shaxsiy kabinet orqali yuborilgan arizalar holatini kuzatishib borish va yuborilgan arizalar tarixini koʻrish mumkin.

Mukofotlar

Yil brendi 2022

Yil brendi 2023

TAF!23 “2023-yil mobil ilovasi”

TAF!24 “2024 yil veb-sayti” va “2024 yil mobil ilovasi”

Foydali havolalar

Manbalar