Marmara universiteti

Marmara Universiteti
	Marmara Üniversitesi
Ilgarigi nomi	Hamidiye Ticaret Mekteb-i Âlisi (1883-1959); Istanbul Economy and Commerce Academy (1959-1982);
Turi	davlat universiteti
Asos solingan sanasi	1883 (142 yil avval)
Rahbari	Prof.Dr. Mehmet Emin Okur
Fakultetlar	2,835
Talabalari	70,000 dan ortiq
Joylashuvi	Istanbul, Turkey
Veb-sayti	marmara.edu.tr

Marmara universiteti (turkcha: Marmara Üniversitesi) — Turkiyadagi eng qadimiy va nufuzli davlat universitetlaridan biri. Marmara dengizi nomi bilan atalgan bu universitet 1982-yilda universitet sifatida tashkil etilgan. Biroq, undan avval uning tashkil etilishi 1883-yilga borib taqaladi, oʻshanda u Istanbul markazidagi uyda Hamidiye oliy tijorat maktabi (Hamidiye Ticaret Mekteb-i Âlisi) sifatida tashkil etilgan^[2]. Universitet Istanbulning har ikki Osiyo va Yevropa qismida joylashgan kampuslariga ega^[3]. Universitetda taʼlim besh tilda: turk, ingliz, nemis, fransuz va arab tillarida olib boriladi, bu esa uni Turkiyadagi yagona koʻp tilli universitetga aylantiradi. Universitet tarkibida 21 ta fakultet, 12 ta institut va 4 ta kasb-hunar maktabi mavjud boʻlib jami 70,000 dan ortiq talaba tahsil oladi.

Tarixi

Universitet 1883-yil 16-yanvarda Sulton Abdulhamid II davrida „Hamidiye Ticaret Mekteb-i Âlisi“ (Hamidiye oliy tijorat maktabi) nomi bilan Istanbulning Cağaloğlu tumanidagi bir hovlida faoliyatini boshlagan. 1887-yilda maktabni atigi 13 nafar talaba tamomlagan. 1924-yilda ushbu muassasa Turkiyada erkaklar va ayollar birga taʼlim oladigan birinchi oliy taʼlim maskaniga aylandi. 1982-yil 20-iyulda qabul qilingan yangi qonun bilan Akademiya va unga qarashli turli fakultetlar birlashtirilib, rasman Marmara universiteti deb tashkil etildi.

Kampuslari

Goʻztepe asosiy kampusi — universitetning bosh va eng katta kampusi boʻlib, u yerda rektorat va koʻplab ijtimoiy-gumanitar fanlar fakultetlari joylashgan.
Acıbadem kampusi — sanʼat va boshqa boʻlimlarni oʻz ichiga olgan hudud.
Anadoluhisarı kampusi — sport fanlari va baʼzi boshqa boʻlimlar joylashgan tarixiy hudud.
Bagʻlarbaşı kampusu — asosan teologiya fakulteti uchun moʻljallangan.
Kartal kampusi — Asosan ikki yillik professional taʼlim dasturlari uchun xizmat qiladi.
Mehmet Genç kampusi - sobiq Istanbul Şehir universiteti hududi boʻlib, hozirda Marmara universitetining yirik majmualaridan biriga aylangan.
Recep Tayyip Erdoğan Maltepe kampusi — eng zamonaviy majmua boʻlib, bu yerda asosan tibbiyot yoʻnalishlari: Tibbiyot, Farmatsevtika, Stomatologiya va Sogʻliqni saqlash fanlari fakultetlari faoliyat yuritadi.
Sultanahmet kampusi - universitetning tarixiy ramzi boʻlib, hozirda asosan maʼmuriy maqsadlarda va tarixiy ahamiyatga ega bino sifatida foydalaniladi.
Pendik Marmara universiteti kasalxonasi - bu yerda Marmara universitetining Pendik oʻquv va tadqiqot shifoxonasi hamda ayrim tibbiy boʻlimlar joylashgan.

Fakultetlari

Tibbiyot fakulteti
Stomatologiya fakulteti
Huquqshunoslik fakulteti
Iqtisodiyot va boshqaruv fanlari fakulteti
Otaturk pedagogika fakulteti
Farmatsevtika fakulteti
Sanʼat va fanlar fakulteti
Tasviriy san’at fakulteti
Ilohiyot fakulteti
Kommunikatsiya fakulteti
Muhandislik fakulteti
Texnologiya fakulteti
Tibbiy taʼlim fakulteti

Bitiruvchilari

Manbalar

↑ „Marmara University Overview“.
↑ „Marmara University“ (en). Times High Education (2021-yil 30-noyabr).
↑ „Marmara University“ (en). www.marmara.edu.tr. 2017-yil 22-sentyabrda asl nusxadan arxivlangan. Qaraldi: 2017-yil 1-oktyabr.

[1] „Marmara University Overview“.

[:0-2] „Marmara University“ (en). Times High Education (2021-yil 30-noyabr).

[автоссылка1-3] „Marmara University“ (en). www.marmara.edu.tr. 2017-yil 22-sentyabrda asl nusxadan arxivlangan. Qaraldi: 2017-yil 1-oktyabr.

[1]

[2]

[3]