Kontent qismiga oʻtish
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦

L'Eclisse

ZiyoSfera, erkin ensiklopediya
L'Eclisse
Rejissyor(lar) Michelangelo Antonioni
Prodyuser(lar) Robert Hakim va Raymond Hakim
Ssenariy
muallif(lar)i
Rollarda
Bastakor(lar) Giovanni Fusco
Operator(lar) Gianni Di Venanzo
Montajyor(lar) Eraldo Da Roma
Studiya
  • Interopa Film
  • Cineriz
  • Paris Film Production
Distribyutor
Premyera
sanasi
Davomiylik 126 daqiqa
Mamlakatlar
Tillar
Daromad 305 million lira (Italiya)[1]

L’Eclisse (Tutilish; italyancha: L'eclisse) — 1962-yilda Michelangelo Antonioni tomonidan suratga olingan Italiya va Fransiya hamkorligidagi romantik drama filmi. Filmda bosh rollarni Alain Delon va Monica Vitti ijro etgan. Film 1962-yilda Cannes kinofestivalida Hakamlar hayʼatining maxsus mukofotiga sazovor boʻldi va „Oltin palma novdasi“ga nomzod boʻldi.[2]

Syujeti

Iyul oyidagi dushanba tongi. Rimdagi kvartirada tun boʻyi davom etgan suhbat nihoyasiga yetgan edi, yosh tarjimon Vittoria sevgilisi Riccardo bilan munosabatlariga nuqta qoʻyadi. Riccardo uni qolishga koʻndirmoqchi boʻladi, ammo Vittoria endi uni sevmasligini aytib, eshikni yopib chiqib ketadi. Huvillagan koʻchalarda yolgʻiz kezayotgan qizga Riccardo yetib oladi va uyigacha kuzatib qoʻyadi. Ular shu yerda xayrlashadi.

Shu kuni Vittoria onasini izlab Rim fond birjasiga kirib keladi va yosh birjachi Piero bilan tanishadi. Piero uning onasi uchun ishlar ekan. Orada Rim fond birjasi qulaydi va onasi taxminan 10 million lira yoʻqotadi. Piero Vittoriani oʻzining sport mashinasida onasining uyiga olib boradi va yoʻlda uni oʻpmoqchi boʻladi, ammo Vittoria uni rad etadi. Koʻp oʻtmay Pieroning mashinasini mast odam oʻgʻirlab ketadi. Ertasi tongda ikkovlari koʻl boʻyida turib, kran mashinani va uning ichidagi mast odamning jasadini suvdan koʻtarayotganini jim kuzatadi.

Aynan shu hodisa ularni bir-biriga yaqinlashtirgan rishtaga aylanadi. Piero qizni ota-onasining uyiga taklif qiladi va ular birga boʻlishadi. Ammo Vittorianing ichki dunyosi hamon begonalarcha sovuq va daxlsiz edi. Keyinchalik, tepalikda turishganida Piero nikoh haqida soʻz ochgan lahzada, qiz tushunarsiz va alamli ohangda, „Qaniydi seni sevmasam yoki ancha koʻproq sevsam“, — deydi. Pieroning esa daryoday joʻshib turgan tuygʻulari qarshisida qizning oʻz olamiga berkinib, hislarini bunday gʻalati ifodalashidan toqati toq boʻladi.

Shunga qaramay, ular har kuni uchrashib turishga ahd qilishadi. Navbatdagi uchrashuv yangi qurilayotgan bino yonida, har doimgidek soat kechki sakkizga belgilangan edi. Biroq, 1961-yilning 10-sentabri, yakshanba oqshomida bu yerga ikkalasi ham kelmaydi. Film xuddi shu nuqtada, tomoshabinni yana oʻsha tanish va kimsasiz manzaralarga qaytarish bilan yakun topadi, sahna uzra shamolda mayus shitirlayotgan daraxtlar, bekatda maqsadsiz avtobus kutayotgan odamlar birin-ketin koʻz oldimizdan oʻtadi, osmon bagʻriga asta-sekin tun pardasi yoyilib, koʻcha chiroqlari birma-bir yona boshlaydi.

Ishlab chiqarish

Film ssenariysi Michelangelo Antonioni, Tonino Guerra, Elio Bartolini va Ottiero Ottieri tomonidan hamkorlikda yozilgan. Robert va Raymond Hakim prodyuserlik qilgan ushbu kartina „Interopa Film“, „Cineriz“ hamda „Paris Film Production“ kompaniyalari hamkorligida ishlab chiqarilgan. Rim va Verona shaharlarida suratga olingan filmning dialoglari italyan va ingliz tillarida olib boriladi.

Rejissyor Antonioni Florensiyada Quyosh tutilishini tasvirga olganidan soʻng, unda qisman „L’Eclisse“ filmi gʻoyasi tugʻilgan[3]. Mazkur film muallifning „L’Avventura“ (1960) va „La Notte“ (1961) kartinalaridan iborat norasmiy trilogiyasining yakuniy qismi hisoblanadi[4]. Tasvirga olish guruhida operator Gianni Di Venanzo, montaj ustasi Eraldo Da Roma va bastakor Giovanni Fusco faoliyat olib borgan.

Film ilk bor 1962-yil 12-aprelda Italiyada, oʻsha yilning 25-avgustida esa Fransiyada katta ekranlarga chiqdi. Tijoriy koʻrsatkichlarga koʻra, film Italiyada 305 million lira daromad keltirdi, Fransiyada esa unga 470 764 ta chipta sotildi[1][5].

Film 1962-yilgi Cannes kinofestivalida Hakamlar hayʼatining maxsus mukofotini qoʻlga kiritdi va „Oltin palma novdasi“ uchun nomzod boʻldi[2]. 2008-yilda film Italiya Madaniy meros vazirligining „Saqlab qolinishi kerak boʻlgan 100 ta Italiya filmi“ roʻyxatiga kiritildi. Mazkur roʻyxatdan 1942–1978-yillar oraligʻida suratga olingan hamda mamlakatning jamoaviy xotirasi (tarixiy tafakkuri) shakllanishiga kuchli taʼsir koʻrsatgan filmlar joy olgan[6].

Rollarda

Manbalar

  1. ↑ 1,0 1,1 Nicoli, Marina (2016). The Rise and Fall of the Italian Film Industry. Taylor & Francis. 198-bet. ISBN 978-1317654377.
  2. ↑ 2,0 2,1 „Festival de Cannes: L'Eclisse“. festival-cannes.com. Qaraldi: 21-avgust 2021-yil.
  3. ↑ Chatman, Seymour; Duncan, Paul (2004). Michelangelo Antonioni: The Investigation. Taschen. 84-bet. ISBN 978-3822830895.
  4. ↑ Gazetas, Aristides (2008). An Introduction to World Cinema. McFarland. 246-bet. ISBN 978-0-7864-3907-2.
  5. ↑ „Box office Alain Delon“. Box Office Story. Qaraldi: 24-mart 2021-yil.
  6. ↑ „Ecco i cento film italiani da salvare“. Corriere della Sera. Qaraldi: 11-mart 2021-yil.

Havolalar