Kubide kabobi: Versiyalar orasidagi farq
Oʻzbek imlo, tinish belgilari, ichki havolalar va turkumlar tuzatildi | Oʻzbek imlo, tinish belgilari, ichki havolalar va turkumlar tuzatildi |
2026-yil 20-noyabr, 15:43 dagi (joriy) koʻrinishi


Kubide kabobi — (forscha: کباب کوبیده — kabāb-e kubide) Eron oshxonasining eng mashhur taomlaridan biri boʻlib, anʼanaviy eron kaboblaridandir. Bu kabob qiyma goʻshtdan tayyorlanadi va asosan guruch bilan isteʼmol qilinadi. Kabobning bunga oʻxshash turi dunyoning aksar xalqlarning milliy oshxonasida mavjud. Kabobning kaloriya miqdori: har bir kabob sixida 250 dan 300 kaloriyagacha boʻlishi mumkin. Bu kabob eronliklar orasida eng koʻp isteʼmol qilinadigan kabob hisoblanadi. Kubide kabobining bir qancha turlari mavjud boʻlib, asosan, qoʻy goʻshti, mol goʻshti va tovuq goʻshtlaridan tayyorlanadi. Uning eng mashhuri biroz yogʻli qoʻy goʻshti va piyozdan tayyorlangan turidir.
Garchi Eron kubide kabobi asosan qoʻy goʻshti bilan tayyorlansa-da, ammo bugungi kunda uni mol goʻshtidan ham pishirishmoqda.
Tayyorlanishi
[tahrir | manbasini tahrirlash]Kubide kabobi uchun kerakli masalliqlar
- Piyoz 500 gramm
- 500 gramm lahm goʻsht
- 4 ta oʻrtacha pomidor
- Bir osh qoshiq pishirilgan zaʼfaron
- Taʼbga koʻra tuz, totim va qora murch.
Birinchi qadam: piyoz tayyorlash
[tahrir | manbasini tahrirlash]Avvalo piyozni tozalang va yuving, keyin ularni maydalang. Agar xohlasangiz, piyozni maydalagich bilan ham maydalashingiz mumkin. Piyozni maydalaganingizdan soʻng, ortiqcha suvini olib tashlash uchun maydalangan piyozni qoʻllaringiz bilan siqing. Maydalangan piyozni mos idishga soling.
Ikkinchi bosqich: goʻsht tayyorlash
[tahrir | manbasini tahrirlash]Keyingi bosqichda siz goʻshtni maydalashingiz kerak. Buning uchun goʻshtni mayda boʻlaklarga kesib oling va maydalang. Goʻshtni yanada mayda qilish uchun goʻsht qiymalagichdan foydalanish yaxshiroqdir.
Uchinchi qadam: ziravorlar qoʻshish
[tahrir | manbasini tahrirlash]Keyingi bosqichda, qiyma va piyoz aralashmasiga bir oz tuz va qora murch bilan zaʼfaron qoʻshing. Ushbu bosqichda, tayyorlangan qiyma aralashmasini yaxshilab siqishingiz kerak, shunda u pishish paytida sixlardan tushib ketmasligi uchun butunlay mustahkam va bir xil boʻladi.

Tayyor boʻlgan qiymani yaxshilab aralashtirgandan soʻng, kamida 2 soat muzlatgichga qoʻying. Agar shoshsangiz, bir soat davomida muzlatgichga qoʻyganingiz ham maʼqul. Keyin qiymani muzlatgichdan oling.
Beshinchi qadam:
[tahrir | manbasini tahrirlash]Sixga tortish uchun avval qoʻlingizni piyoz sharbati bilan hoʻllashingiz kerak, soʻngra sixning yuqori qismidan maydalangan qiyma goʻshtini bosishni boshlang, shunda u sixni yaxshi qoplaydi. Oxirida, six tugagandan soʻng, barmogʻingizni bosib, goʻsht ustida tizma hosil qiling. Xuddi shu tarzda, barcha qiymani sixlarga tiqib chiqing. Shu vaqt ichida koʻmir tayyorlang, shunda koʻmir toʻliq qizarib bir xil yonadi. Dastavval goʻsht oʻziga kelguncha tez tez yelpib turing, soʻngra goʻsht bir tekis pishgunicha sixlarni doimiy ravishda aylantirib turing. Bu bosqichda pomidorlarni yarmiga boʻling. Kaboblar tayyor boʻlgach, ularga non yoki guruch qoʻshib isteʼmol qilishingiz mumkin. Yana bir muhim jihati shundaki, Kubide kabobini rayhon, piyoz kabi sabzavotlar bilan ham yeyishingiz mumkin.
Manbalar
[tahrir | manbasini tahrirlash]Achaya, K. T.. Indian Food: A Historical Companion. Oxford University Press, 1994 — 11 bet. http://www.ghadeer.org/Book/336/50759 (Wayback Machine saytida 2019-04-21 sanasida arxivlangan) . دریافتشده در ۲۰۱۹-۰۵-۲۲.