Konrad IV: Versiyalar orasidagi farq
Oʻzbek imlo, tinish belgilari, ichki havolalar va turkumlar tuzatildi | Oʻzbek imlo, tinish belgilari, ichki havolalar va turkumlar tuzatildi |
2026-yil 20-noyabr, 15:19 dagi (joriy) koʻrinishi
Bu maqola vikilashtirilishi kerak. |
Bu maqolada manbalar <ref></ref> teglariga olinmagan yoki umuman koʻrsatilmagan. |
Bu maqolada ichki havolalar juda kam. |
Muqaddas Rim imperatori Fridrix II ning oʻgʻli Konrad IV (1228-yil 25-aprel, 1254-yil 21-may). Germaniya qiroli 1237-1254-yillar.

Konrad 1228-yilning 25-aprelida Muqddas Rim imperatori Fridrix II va uning rafiqasi Quddus qirolichasi Izabella II oilasida dunyoga kelgan. Katta akasi Genrix valiaxdlik maqomidan tushirilganidan soʻng, Konrad 1237-yilda Rim tojini boshiga kiydi. U otasi uzoq safarda yurgan paytlarda Germaniyani uni nomidan boshqargan. 1240-yildan boshlab Konrad imperiya siyosatiga faol aralasha boshladi. U akasidan farqli oʻlaroq otasiga sadoqatli edi. Hatto 1245-yilda papa Innokentiy IV Lion soborida Fridrixni cherkovdan chiqarib yuborgan boʻlsada, Konrad Germaniyada otasiga yordam berib turdi. U Tyuringiya landgrafi Genrix Raspe bilan kurashlar olib borib, sulola dushmanlarini birma-bir boʻysunishga majbur qilgan. 1246-yilda Genrix Raspe Frankfurtda Konrad IV ni magʻlub etdi. Biroq, u 1247-yilning 16-fevralida Ulm shahri qamalida kasallikdan vafot etadi. Genrix oʻlgan boʻlsada, Gogenshtafuenlarning dushmanlari tugamas edi. Uni oʻrniga Gollandiya gersogi Vilgelm II keldi. 1251-yili imperator Fridrix vafot etganidan keyin, Konrad voris sifatida Vilgelmga qarshi kurashni davom ettiradi. Ammo, “Oppengaym jangi“ da unga magʻlub boʻladi. 1252-yil boshiga kelib Konrad Italiyada paydo boʻldi. Dastlab, Kapua, soʻngra 1253-yilda Neapolni oʻziga boʻysundirib, butun yarim orolning janubiga xoʻjayinlik qila boshladi. Papa Innokentiy vaziyatni oʻz tomoniga ogʻdirish uchun rasmiy bidʼat qoʻzgʻatib Konradni cherkovdan chiqarib yubordi. Bunga javoban, Konrad Shimoliy Italiya yurishiga tayyorgarlik koʻra boshladi. Lekin, 1254-yilning 21-mayida Lavello yaqinidagi harbiy lagerda bezgakdan vafot etadi. Konradning jasadi Messina soborida dafn etilgan.