Kontent qismiga oʻtish

Dünýägözel Gulmanowa

ZiyoSfera, erkin ensiklopediya
Dünýägözel Akmuhammedowna Gulmanowa
 Turkmaniston parlamentining 8-spikeri
 
Mansab davri
2023-yil 6-aprel
Prezident Serdar Berdimuhamedov
Avvalgisi Gülşat Mämmedowa
 Turkmaniston parlamenti 7-chaqiriq deputati
 
Mansab davri
2023-yil 26-mart
 Turkmaniston Xalq Maslahati aʼzosi
 
Mansab davri
2021-yil 14-aprel – 2023-yil 21-yanvar
Rais Gurbanguli Berdimuhamedov
Shaxsiy maʼlumotlari
Talaffuzi Dunyogoʻzal Oqmuhammedovna Gulmanova
Tavalludi 1989-yil 1-fevral (1989-14-01) (36 yosh)
Ashxobod, Turkmaniston SSR, SSSR
Fuqaroligi Turkmaniston bayrogʻi Turkmaniston
Siyosiy partiyasi Turkmaniston demokratik partiyasi
Bolalari 2 nafar
Taʼlim Mahtumquli nomidagi Turkmaniston davlat universiteti
Kasbi huquqshunos, siyosatchi

Dünýägözel Akmuhammedowna Gulmanowa (talaffuzi: Dunyogoʻzal Oqmuhammedovna Gulmanova; 1989-yil 14-yanvar, Ashxobod, Turkmaniston SSR, SSSR) — turkmanistonlik davlat arbobi, 2023-yil 6-apreldan boshlab Turkmaniston parlamentining spikeri. Dunyodagi eng yosh parlament spikeri[1]. Turkmaniston demokratik partiyasi aʼzosi[2][3].

Tarjimayi holi

Dünýägözel Gulmanowa 1989-yil 14-yanvarda Ashxobodda tugʻilgan. Gulmanowa 1995—2004-yillarda Ashxobod shahridagi 27-ixtisoslashtirilgan oʻrta maktabda oʻqigan. 2007-yilda Turkmaniston davlat universitetiga oʻqishga kirib, 2012-yilda universitetni huquqshunoslik mutaxassisligi boʻyicha tamomlagan[4].

Shaxsiy hayoti

Dünýägözel Gulmanowa oilali, 2 nafar farzandi bor[3].

Faoliyati

Gulmanowa 2004—2006-yillarda Axal viloyatining sobiq Bagyr qishlogʻidagi „Bagyr“ fermer xoʻjaligi ijarachi fermeri, 2007—2007-yillarda Axal viloyati Ruhabat etrapi kasalxonasida kichik tibbiyot xodimi boʻlib ishlagan. 2012—2014-yillarda Turkmaniston Adliya vazirligi, Qonunchilik boshqarmasi, Konstitutsiyaviy qonunchilik boʻlimi, Huquqiy axborot markazi boʻlimi bosh maslahatchisi, 2014—2015-yillarda Turkmaniston Adliya vazirligining Kadrlar va ijro intizomini nazorat qilish boʻlimi bosh maslahatchisi, 2015—2016-yillarda Ashxobod shahar davlat notarial idorasi stajyori, keyinroq esa davlat notariusi. 2016—2018-yillarda Ko‘chmas mulkka bo‘lgan huquqlarni va u bilan bog‘liq bitimlarni davlat ro‘yxatidan o‘tkazish xizmatining Ashxobod shahar boshqarmasi, Berkararlik tumani bo‘limida davlat ro‘yxatichisi, so‘ngra ushbu xizmatning davlat hisobini yuritish bo‘limida bosh ro‘yxatichisi. 2018-—2021 yillarda Turkmaniston Adliya vazirligi, Qonunchilik boshqarmasining Iqtisodiy qonunchilik va normativ-huquqiy hujjatlarni davlat roʻyxatidan oʻtkazish boʻlimi bosh maslahatchisi lavozimida faoliyat yuritgan. 2021-yil 14-aprelda prezident Gurbanguli Berdimuhamedovning farmoni bilan Dünýägözel Turkmaniston Xalq Maslahati aʼzosi etib tayinlangan[5][6]. 2021-yil 14-apreldan 2023-yil 21-yanvargacha Turkmaniston Milliy kengashining Xalq maslahati raisining oʻrinbosari, soʻngra Inson huquqlari va erkinliklarini himoya qilish qoʻmitasi raisi boʻlgan[7]. Bir palatali parlament qayta tiklanganidan soʻng Gulmanowa Turkmaniston Adliya vazirligi, Huquqiy yordam boshqarmasining notariat va fuqarolik holati dalolatnomalarini roʻyxatga olish boʻlimining katta maslahatchisi boʻladi[4].

Parlament raisi sifatidagi faoliyati

2023-yil mart oyida Gulmanowa Ashxobod shahridagi 5-sonli saylov okrugidan nomzod sifatida Turkmaniston parlamentiga boʻlgan saylovda ishtirok etadi[4]. 2023-yil 6-aprelda parlamentning birinchi yigʻilishida Dünýägözel bir ovozdan parlament spikeri etib saylangan[8][9][10]. 2023-yil 26-may kuni Sankt-Peterburgda boʻlib oʻtgan 6-Neva xalqaro ekologik kongressida Dünýägözel Rossiya Federatsiyasi parlamentining federatsiya kengashi raisi Valentina Matviyenko bilan uchrashadi. Uchrashuvda tomonlar Rossiya—Turkmaniston munosabatlarini mustahkamlash va ikki tomonlama parlamentlararo hamkorlikni faollashtirish masalalarini muhokama qilishgan[11]. Gulmanowa 2023-yil sentyabr oyida respublika delegatsiyasi boshchiligida Janubiy Koreyaga tashrif buyurib, „Markaziy Osiyo—Koreya Respublikasi“ 1-parlamentlararo uchrashuvida ishtirok etgan. Yana uchrashuvda bosh vazir Han Duck-soo va Milliy assambleya raisi Kim Jin-pyo bilan muzokaralar olib borgan. Tomonlar savdo, yoqilgʻi va kimyo sanoati, madaniyat, fan va taʼlim sohalaridagi hamkorlik jihatlarini muhokama qilishgan[12][13]. Dünýägözel Tojikistonning Turkmanistondagi favqulodda va muxtor elchisi Vafo Niyatbekzoda bilan ham uchrashuv oʻtkazgan. Tomonlar mamlakatlari oʻrtasidagi hamkorlikni yanada rivojlantirish va parlament diplomatiyasini rivojlantirish istiqbollari yuzasidan fikr almashishgan[14].

Mukofoti

Dünýägözel Gulmanowaga 2024-yil 10-dekabrda Maxtumquli Firogʻiy tavalludining 300 yilligi munosabati bilan „Magtymguly Pyragynyň 300 ýyllygyna“ esdalik nishoni berilgan[15].

Manbalar

  1. ↑ „Дуньягозель Гульманова – самый молодой спикер парламента в мире. Ее избрание свидетельствует о некоторых жизненно важных изменениях в политическом ландшафте Туркменистана“. News Central Asia (2023-yil 8-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  2. ↑ БИОГРАФИИ КАНДИДАТОВ ПО ВЫБОРАМ В ДЕПУТАТЫ МЕДЖЛИСА ТУРКМЕНИСТАНА ПО ГОРОДу АШХАБАД, которые пройдут 26 марта 2023 года (ruscha), 2023-03-18da asl nusxadan arxivlandi, qaraldi: 2026-04-02
  3. ↑ 3,0 3,1 2023-nji ýylyň 26-njy martynda geçiriljek Türkmenistanyň Mejlisiniň deputatlarynyň saýlawlary boýunça Aşgabat şäherinden dalaşgärleriň TERJIMEHALLARY (turkmancha), Türkmenistan, 2023-03-18da asl nusxadan arxivlandi, qaraldi: 2026-04-02{{citation}}: CS1 maint: unrecognized language ()
  4. ↑ 4,0 4,1 4,2 „TÜRKMENISTANYŇ ÄHLUMUMY PARAHATÇYLYGYŇ, ABADANÇYLYGYŇ WE ÖSÜŞIŇ BÄHBIDINE TÄZE BAŞLANGYÇLARY. Gündelik gazet, № 58 (30663)“. metbugat.gov.tm. Газета «Türkmenistan» (2023-yil 6-mart). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  5. ↑ „Türkmenistanyň Prezidentiniň Permany“. tdh.gov.tm (2021-yil 14-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  6. ↑ „Президента Бердымухамедова избрали главой новой палаты парламента“. Хроника Туркменистана (2021-yil 14-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  7. ↑ „Избран новый председатель Комитета Халк Маслахаты по защите прав и свобод человека“. Хроника Туркменистана (2021-yil 14-oktyabr). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  8. ↑ „Закон Туркменистана о Председателе Меджлиса Туркменистана“. tdh.gov.tm (2023-yil 6-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  9. ↑ „В Туркменистане сменилась председатель парламента“. Turkmen.News: Hoвости (2023-yil 7-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  10. ↑ „Дуньягозель Гулманова избрана Председателем Меджлиса Туркменистана“. iacis.ru. Межпарламентская ассамблея СНГ (2023-yil 7-aprel). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  11. ↑ „В. Матвиенко: Необходима актуализация договорно-правовой базы механизмов межпарламентского взаимодействия России и Туркменистана“. council.gov.ru. Совет Федерации Федерального Собрания Российской Федерации (2023-yil 26-may). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  12. ↑ „Председатель Меджлиса Туркменистана и руководство Южной Кореи обозначили приоритеты партнёрства“. SNG.fm (2023-yil 19-sentyabr). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  13. ↑ „Корейские компании расширят участие в проектах на территории Туркменистана“. Телеканал «Большая Азия» (2023-yil 21-sentyabr). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  14. ↑ „Председатель Меджлиса Туркменистана и посол Таджикистана обсудили сотрудничество“. Телеканал «Большая Азия» (2023-yil 29-oktyabr). 2026-yil 2-aprelda asl nusxadan arxivlangan. Qaraldi: 2026-yil 2-aprel.
  15. ↑ „Постановление Президента Туркменистана о награждении памятными знаками Туркменистана «Magtymguly Pyragynyň 300 ýyllygyna»“. 2026-yil 2-aprelda asl nusxadan arxivlangan. Qaraldi: 2026-yil 2-aprel. 
"https://ziyosfera.uz/index.php?title=Dünýägözel_Gulmanowa&oldid=408633" dan olindi