Dugʻlat

Dugʻlat — qad. turkiy qavmlardan biri. Bular XIII asrda Chigʻatoy ulusining sharqiy mintaqalarida yashovchi yetakchi qabilalardan boʻlgan. D.lar Sharqiy Turkistonda, Issiqkoʻlning jan.da, Fargʻona vodiysining shim. qismlarida koʻchib yurganlar. Asosiy mashgʻuloti chorvachilik boʻlgan. Moʻgʻullar davlatiga itoat qilmagan D.lar oʻz mustaqilliklari uchun betinim kurashib, 1427— 28 yillarda Qashqarni egallaydi va bu viloyatni to XVI asrning 1-choragigacha mustaqil idora qiladi. Zahiriddin Muhammad Bobur onasi Qutlugʻ Nigorxonim va "Tarixiy Rashidiy" muallifi Mirzo Muhammad Haydar D.dan boʻlganlar. XV—XVI asrlar davomida D.lar bir qancha guruhlarga boʻlinib ketgan. Ular Fargʻona, Toshkent, Samarqand, Qorategin va Hisor viloyatlariga kelib joylashgan. D.lar hozir oʻzbek, qozoq va qirgʻiz xalqlari tarkibiga singib ketgan.

Adabiyot

• OʻzME. Birinchi jild. Toshkent, 2000-yil