Dreyk boʻgʻozi

Dreyk boʻgʻozi — Olovli Yer arxipelagi va Janubiy Shetlend orollari oraligʻida joylashgan. Atlantika okeanini Tinch okean bilan boglaydi. Uzunligi 460 km; dunyodagi eng keng boʻgʻoz (1120 km gacha). Chuqurligi 5249 m gacha (eng sayoz joyi 276 m). Kuchli boʻronlar boʻladi. Qish oylarida jan. qismi muz bilan qoplanadi; yozda aysberg (muztogʻ) koʻp. Boʻgʻoz oʻsha joydan 1578-yilda suzib oʻtgan ingliz dengizchi sayyohi F. Dreyk nomi bilan atalgan.

Adabiyot

• OʻzME. Birinchi jild. Toshkent, 2000-yil