Drama Köprüsü (qoʻshiq)
Drama Köprüsü (oʻzbekcha: Drama koʻprigi) — Usmonli imperiyasi qoʻshini oʻtgan koʻprik haqidagi turk xalq qoʻshigʻi. 5-8 lik va 6-8 lik versiyalari mavjud[1].
Geografiyasi
Qoʻshiqda Drama koʻprigi haqida hikoya qilinadi. Oʻsha vaqtlarda Usmonli imperiyasining bir qismi hisoblangan Drama bugungi kunda Yunonistonning Sharqiy Makedoniya va Frakiya hududida joylashgan. Qoʻshiqda koʻprik sifatida aytiluvchi obyekt aslida Nikiforos (turkcha: Nusratlı) va Karyafiton (turkcha: Kozluköy) qishloqlarini suv bilan taʼminlovchi akveduk boʻlib, uzoqdan qaralganda bu akveduk koʻprikka oʻxshab ketadi[2].
„Koʻprik“ning aniq joylashuvini 2010-yil 17-aprelda Adapazarida yashovchi Turkiya va Gretsiya aholi almashinuvi vakili Nikos Latsistalis, turk muhojiri va Drama shahri Kichik Osiyo qochqinlari uyushmasi raisi hamkorlikda aniqlashgan. Har ikki erkakning oilalari 1920-yillarda mamlakatlar oʻrtasidagi aholi almashinuvida ishtirok etganligi bu voqeaga turtki bergan[3].
Afsonasi
Qoʻshiq XIX asr oxiri va XX asr boshlarida yashagan Debreli Hasan (debrelik Hasan) afsonasiga asoslangan. U haqsizliklar ortidan boshligʻini oʻldirgan va Dramada qamoqqa olingan askar edi. Hasan qamoqdan qochib, togʻlarda yashirinadi. Makedoniya togʻlarida qaroqchilik qilib, boylarni talaydi hamda kambagʻallarni qoʻllab-quvvatlaydi. Bu faoliyati ortidan ingliz folkloridagi Robin Gudga oʻxshatiladi[4].
Hasan togʻga qochishidan avval unashtirilgan edi. Oʻzining qaroqchilik faoliyati sababli qishlogʻiga qayta olmasligini bilgan yigit unashtiruvni bekor qilish haqida kelinning uyidagilarga xabar yuboradi. Biroq, sobiq unashtirilgan qizi boshqaga turmushga chiqqanidan keyin ham unga sovgʻa yuborishda davom etadi[4][5].
Bir afsonaga koʻra, Hasan keyinchalik podshoh tomonidan afv etiladi va Turkiyaga koʻchib oʻtadi.
Manbalar
- ↑ Doğan, Levent; Osman, Dilek (Ntilek) „Common Elements in Folk Songs of Western Thrace Turks and the Turks in Bulgaria“. 2024-yil 8-fevralda asl nusxadan arxivlangan. Qaraldi: 2026-yil 3-iyul.
- ↑ Sabah gazetasi (turkcha)
- ↑ Uzsoy, Nevin „STO POTAMİ SİRE HASAN“. samsunmubadele. 18/4/2013da asl nusxadan arxivlangan. Qaraldi: 2026-yil 3-iyul.
- ↑ 4,0 4,1 „Drama koprusu hikayesi“ (tr). dramakoprusu.com (2011-yil 5-noyabr). 21/11/2012da asl nusxadan arxivlangan. Qaraldi: 2026-yil 8-iyul.
- ↑ Koşar, Sakin „Eşkıya Debreli Hasan?“. Qaraldi: 2026-yil 8-iyul.
 | Musiqa haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |