Doʻstlik (Fargʻona)

Doʻstlik — Oʻzbekiston Respublikasi Fargʻona viloyatidagi shaharcha (1981-yildan). Quvasoy shahar kengashiga boʻysunadi. Fargʻona shahridan 10 km janubi-sharkda, Isfayramsoyning oʻng sohilida joylashgan. Yaqin temir yoʻl stansiyasi — Quvasoy (7 km). Aholisi 2600 kishini tashkil etadi (1998). 25 ga yaqin millat vakillari yashaydi. Doʻstlikda yirik parrandachilik fabrikasi, koʻchat yetishtiriladigan oʻrmon xoʻjaligi boʻlimi mavjud. 700 oʻrinli klub, 620 oʻrinli umumiy taʼlim maktabi, 250 oʻrinli musiqa maktabi, kutubxona, 5000 oʻrinli stadion, 22 ta savdo doʻkoni, 6 ta maishiy xizmat koʻrsatish shoxobchasi bor.