Dogʻlarja Fozil Husnu
Dogʻlarja Fozil Husnu (1914, Istanbul) – turk shoiri. Ilk kitobi „Havoga chizilgan dunyo“ (1935). „Bola va Alloh“ (1940) sheʼriy toʻplami Dogʻlarjaga shuhrat keltirgan. Dogʻlarja oʻz davrining eng sermahsul ijodkori hisoblanadi. 40 dan ortiq sheʼriy toʻplamlari nashr qilingan. Sheʼrlarida odamlarning ichki va tashqi dunyosini poetik ifodalashga alohida eʼtibor bergan („Tosh davri“, 1945; „Uch shahid dostoni“, 1949). „Tuproq ona“ (1950), „Istiqlol kurashi – Inonular“ (1951), „ASU“ (1955), „Chanaqqalʼa dostoni“ (1965), „Gʻozi Mustafo Kamol Otaturk“ (1973), „Yer yuzi bolalari“ (1974), „Dildagi bilimsevar“ (1992) va b. asarlarida gumanist shoir sifatida insonni ulugʻlaydi. Sheʼrlari Tilak Joʻra tomonidan oʻzbek tiliga tarjima qilingan (1980)[1].
Manbalar
- ↑ Fayl:National Encyclopedia of Uzbekistan logo.png „Dogʻlarja Fozil Husnu“, Oʻzbekiston milliy ensiklopediyasi (D-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
Adabiyot
- OʻzME. Birinchi jilDogʻlarja Toshkent, 2000-yil
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |