Angkor Vat

Angkor — Kambodja (Siyom Reap shahri yaqini)dagi hashamatli saroy, ibodatxona, suv ombori va kanallardan iborat majmua. IX — XIII asrlarda qurilgan (hozir tarixiy muzey — qoʻriqxona). Kambodja poytaxtidagi qadimgi shahar harobasini oʻz ichiga olgan — Yashodharapuri (IX asr oxiri) va Angkor Txom (XII asr oxiri — 1432; murabba tarhli, maydoni 9 km². Markazida Bayon ibodatxonasi), asosi toshdan, yuqorisi yogʻochdan ishlangan saroylar, „gʻor ibodatxonalar“ pogʻonali piramida koʻrinishida, shuningdek yirik Angkor Vat (taxminan 1113 — 1150; maydoni 1300x1500 m) haykaltaroshlik bezaklariga boy. Bezaklardagi burtma tasvirlarda „Mahabharata“ mazmunlari katta oʻrin egallaydi, geometrik jihatdan mustahkam reja asosida qurilganligi bilan ajralib turadi. „Fop — ibodatxona“ atrofi ravokuti ustunlar qatori va darvozaxonasi koʻshkli, burchaklari minora — burjli. Majmua tashqaridan kanal bilan oʻralgan.

Adabiyotlar

• OʻzME. Birinchi jild. Toshkent, 2000-yil